Darganfyddwch sut i wneud cais am gyllid technoleg digidol ychwanegol

Gwahoddir  ysgolion i wneud cais am gyllid ar gyfer prosiectau cynhwyso digidol  gwerth hyd at £10,000.  Mae rhaid i’r prosiectau hyn ganolbwyntio ar wella cyrhaeddiad dysgwyr sy’n gymwys i gael Prydau Ysgol am Ddim a Phlant sy’n Derbyn Gofal.  Mae rhaid i’r prosiectau roi gwerth am arian a dangos deilliannau mesuradwy.  Bydd enghreifftiau o arfer gorau yn cael eu cyhoeddi ar-lein i helpu ysgolion i ddatblygu strategaethau dysgu digidol effeithiol.  Cofiwch anfon eich datganiadau o ddiddordeb erbyn 23 Medi 2014

Cronfa Cymorth Addysg yr Weinyddiaeth Amddiffyn 2015

Nodyn i'ch hatgoffa mai'r dyddiad cau ar gyfer Cronfa Cymorth Addysg yr Weinyddiaeth Amddiffyn 2015 yw 16:00 ar 30 Medi 2014.

Gweinidog yn ailsefydlu Cronfa Galedi ar gyfer Addysg Uwch

Heddiw mae Huw Lewis, y Gweinidog Addysg, wedi cyhoeddi y bydd y gronfa 'galedi' ddewisol (Cronfa Ariannol Wrth Gefn) o £2 filiwn sy'n daladwy i sefydliadau addysg uwch yng Nghymru yn cael ei hariannu ym mlwyddyn academaidd 2014-15.

Y Gweinidog Addysg yn croesawu gwelliannau pellach o safbwynt presenoldeb mewn ysgolion uwchradd

Croesawodd y Gweinidog Addysg a Sgiliau Huw Lewis ystadegau a gyhoeddwyd heddiw sy’n dangos bod cyfraddau presenoldeb mewn ysgolion uwchradd yng Nghymru’n parhau i wella.  Ystadegau - Absenoldeb o ysgolion uwchradd

Ymgynghori - Rheoliadau perfformiadau plant: pryd caiff plant gymryd rhan mewn perfformiadau a’r seibiannau y mae’n rhaid iddynt eu cael

Rydym yn cynnig dileu cyfyngiadau diangen gan gadw mesurau diogelu hanfodol.

Strategaeth Addysg Cyfrwng Cymraeg - arolwg penaethiaid

Gofynnwn i chi gadw golwg ar eich negeseuon e-bost er mwyn sicrhau eich bod yn cyfrannu at yr arolwg. Caiff y neges ei hanfon ar 22 Medi fel rhan o’r broses o werthuso’r Strategaeth.

Ydych chi wedi amlygu llythrennedd bechgyn fel maes â blaenoriaeth o fewn eich cynllun gwella ysgol ar gyfer 2014-15?

Ymunwch â rhaglen beilot Sêr Darllen yr Uwch Gynghrair Cymru sef rhaglen ymyrraeth effeithiol ar gyfer darllen sy’n ceisio gwella sgiliau llythrennedd dysgwyr sy’n gyndyn iawn o ddarllen drwy ddefnyddio eu hoffter o bêl-droed. Cyflwynwch gais erbyn 30 Medi 2014

Arolwg ar gyfer arweinwyr ysgol ar y Rhaglenni Llythrennedd a Rhifedd Cenedlaethol

Arweinwyr ysgol: cadwch lygad am y neges e-bost a fydd yn cael ei hanfon atoch yn fuan a chwblhewch yr arolwg.

Gwobrau Prentisiaethau Cymru 2014

Mae Gwobrau Prentisiaethau  Cymru  (31 Hydref, Gwesty’r Celtic Manor) yn ein hatgoffa o’r talent cyfoethog sydd arddangos yn ein gwlad ac ymhlith y rhai sydd ar y rhestr fer, mae 'na rai unigolion  eithriadol sydd wedi rhagori yn y gweithle.  Pecynnau noddi ar gyfer y digwyddiadau

Galw am Dystiolaeth - Adolygiad yn dechrau i rôl a swyddogaethau Comisiynydd Plant Cymru

Mae galw ar  bawb sydd â diddordeb mewn plant a phobl ifanc yn ogystal â phlant a phobl ifanc eu hunain i fwydo i mewn i adolygiad annibynnol o rôl a swyddogaeth Comisiynydd Plant Cymru.  Mae Dr Mike Shooter wedi ei benodi i arwain yr adolygiad annibynnol.

Am wybodaeth pellach am yr adolygiad, gan gynnwys sut i gyfrannu at arolwg ar-lein, ewch at www.adolygiadcpc.co.uk

Rhaglen Gymorth Mathemateg Bellach Cymru – croesewir enwebiadau ar gyfer:

Cwrs Meistr Mewn Algebra Pellach I Fyfyrwyr Blwyddyn 12  Hydref 2014 ym Mhrifysgol Caerdydd, Coleg Sir Benfro a Phrifysgol Abertawe.

Datrys Problemau Mathemateg Anarferol I Fyfyrwyr Blwyddyn - 13 Hydref  - Rhagfyr 2014 Coleg Sir Gâr, Abertawe a Hwlffordd

E-bostiwch infoFMSPWales@wimcs.ac.uk neu ewch i www.furthermaths.org.uk/wales_enrichment 

Rhaglen Gymorth Mathemateg Bellach Cymru – Datblygiad Proffesiynol Parhaus AM DDIM

Addysgu Mathemateg Pur Pellach I Yn Hyderus - Hydref 2014 – Mawrth 2015

Cyfle i wella’ch gwybodaeth am y prif bynciau sy’n codi mewn modiwlau FP1 neu i ailatgoffa’ch hun o’r pynciau hynny

E-bostiwch Sofya Lyakhova s.lyakhova@swansea.ac.uk neu ewch i www.furthermaths.org.uk/wales-teacher-support

Rhaglen Addysg Newydd Plasty Tuduraidd yng Nghonwy

Bydd rhaglen addysg bwrpasol, yn canolbwyntio ar fywyd oes y Tuduriaid, yn dechrau ar 11 Medi ym Mhlas Mawr, Tŷ Masnachwr o oes Elizabeth yng Nghonwy.

Theori Cerddoriaeth a Sain

Cyfres o 15 uned annibynnol i gefnogi dysgu Cerddoriaeth. Mae pob uned yn cynnwys gwybodaeth gynhwysfawr a gweithgareddau.(Adnodd Cerddoriaeth ar gyfer Cyfnod Allweddol 4). Mae Llywodraeth Cymru  wedi comisiynu'r adnodd hwn a llawer mwy. Mae’r adnodd hwn ar gael ar Hwb.

Astudiaeth Achos Athro Eithriadol: Kelly Walker, Ysgol Alexandra

Mae amgylchedd gefnogol wedi helpu Kelly i lwyddo yn ei hysgol. Cafodd gydnabyddiaeth fel Athro Eithriadol ar ôl 5 mlynedd fel cydgysylltydd llythrennedd.

Allan nawr!

CBAC: TGAU Drama Uned 1 Perfformiad Ymarferol Dyfeisiedig: llyfr sy’n darparu dulliau dysgu amrywiol ac ysgogol ar gyfer theori ac ymarfer Drama, yn ogystal â help i fyfyrwyr wella eu darn arholiad Mwy

Mae Llywodraeth Cymru  wedi comisiynu'r adnodd hwn a llawer mwy. Ewch at gategori Deunydd Addysgol gwales.com am fwy o wybodaeth ar yr adnoddau hyn ac i'w prynu.

Seminar ar-lein, awr o hyd, ar gyfer addysgwyr a phobl broffesiynol eraill sy’n gweithio â phlant a phobl ifanc - 17 Medi 2014

Ymwybyddiaeth e-Ddiogelwch - Digwyddiad hyfforddi ar-lein i athrawon ac addysgwyr fydd yn darparu cyflwyniad i beryglon y rhyngrwyd, technoleg newydd, ymchwil, adnoddau a gwasanaethau sydd ar gael i’w cefnogi yn eu gwaith o gadw eu hunain a'u dysgwyr yn ddiogel ar y rhyngrwyd.

Yr Ail Gynhadledd flynyddol ar Deithio Llesol - “Rhoi Pobl Ifanc ar y Map”

Y Pierhead, Caerdydd, 25 Medi 2014

Dewch i ymuno â Gweinidogion Cymru, yn cynnwys Huw Lewis, y Gweinidog dros Addysg,  a Chomisiynydd Plant Cymru ar gyfer cynhadledd undydd. Bydd y gynhadledd eleni yn rhoi sylw arbennig ar fuddiannau cael mwy o blant a phobl ifanc i gerdded a seiclo a sut i gyflawni hynny.

Diddordeb mewn creu ffilmiau a gwneud ffrindiau newydd ar gwrs Academi Ffilm Brydeinig (BFI)?

Ydych chi’n berson ifanc sy’n edrych i ddatblygu fel gwneuthurwr ffilm ddogfennol?  Rhaglen breswyl 6 diwrnod cyffrous yw DAWN; byddwch yn mynychu dros dri phenwythnos unai’n ogledd, canolbarth neu de Cymru.  Mae’r dyddiad cau ar gyfer wedi ymestyn i ddydd Gwener 19 Medi.

  

Hwb+

Mae llu o ddogfennau cefnogi newydd wedi eu hychwanegu i’r adran Cymorth a Chefnogaeth ar Hwb. Bydd gan athrawon ddiddordeb arbennig yn y dogfennau Hwb+ sy’n cefnogi’r Fframwaith Llythrennedd a Rhifedd.

Mae tîm Hwb wedi bod wrthi’n dyfeisio canllawiau sy’n cynnig syniadau ac awgrymiadau ymarferol ar sut gellir defnyddio offer cynhwysfawr Hwb+ i gefnogi amrywiol linynnau’r Fframwaith Llythrennedd a Rhifedd. Ewch i’r ardal ‘Cymorth’ ar Hwb am ragor o wybodaeth.

Rydym bob amser yn awyddus i glywed am awgrymiadau ynghylch defnyddio offer Hwb+  ac yn croesawu unrhyw adborth trwy ebostio hwb@cymru.gsi.gov.uk

Tîm Cynnwys Hwb

Mae dyddiadau nawr wedi eu cadarnhau ar gyfer digwyddiadau CwrddHwb y tymor hwn. Byddwn yn ymweld ag  Aberystwyth ar 21 Hydref, ac Ynys Môn ar 18 Tachwedd. Archebwch eich lle nawr, ac ymunwch â ni am gyflwyniad anffurfiol i adnoddau digidol ardderchog, gan gynnwys sesiynau i gyflwyno’r deunyddiau Just 2 Easy newydd fydd ar gael cyn hir i ddefnyddwyr dilysedig Hwb.  Peidiwch ag anghofio mewngofnodi i wefan Hwb gan ddefnyddio eich manylion Hwb+ - gallwch greu dalen-nodau newydd at eich hoff adnoddau, a defnyddio’r botwm ‘adrodd’ er mwyn gadael i ni wybod am unrhyw broblemau gydag adnodd penodol yr hoffech ei ddefnyddio.

Cynhadledd NTfW - Adeiladu Dyfodol Cynaliadwy i Bawb - 31 Hydref 2014 yn y Celtic Manor Resort, Casnewydd

Bydd cyfle i’r cynadleddwyr gymryd rhan mewn gwrando ar siaradwyr sy’n ffigurau amlwg yn y maes a gweithdai. Bydd y gynhadledd hefyd yn gyfle gwych i rwydweithio ag unigolion a chwmnïau ym mhob rhan o’r sector hyfforddi yng Nghymru.

OpenLearn Cymru - lansio

Mae'r Brifysgol Agored yng Nghymru yn lansio casgliad o adnoddau cyfrwng Cymraeg am ddim ar gyfer Addysg Uwch ar ei gwefan newydd OpenLearn Cymru - www.open.edu/openlearncymru . Mae OpenLearn Cymru yn cynnig cyrsiau ac adnoddau mewn amrywiaeth eang o feysydd pwnc, y gellir eu defnyddio fel rhagflas cyn ymrwymo i astudio’n ffurfiol neu fel adnoddau ychwanegol i fyfyrwyr ac athrawon.