Eich Uned Gymorth

Mae’ch Rhwydwaith yma i chi. Peidiwch â cholli allan! Cofiwch ymweld yn rheolaidd â gwefan yr WRN. Cewch wybodaeth a straeon am yr hyn y mae Rhaglen Datblygu Gwledig Cymru wedi’i gyflawni a rhannu a dysgu o'r astudiaethau achos, straeon newyddion niferus a mwy!

Grant Busnes Fferm

Bydd yr 9fed cyfnod mynegi diddordeb ar gyfer y Grant Busnes Fferm yn agor ar 1 Medi 2021 ac yn cau ar 1 Hydref 2021. Bydd ffurflenni ar-lein ar gael i chi eu llenwi gan ddefnyddio eich cyfrif RPW Ar-lein.

CFf - Rhifyn 35 - Medi/Hydref 2021

Dyma'r 35ain rhifyn o gyhoeddiad technegol Cyswllt Ffermio ar gyfer ffermwyr a choedwigwyr yng Nghymru.

Hyfforddiant cyfrifiaduron wedi’i ariannu’n llawn ar eich cyfer CHI! - 20/09/2021

Ydych chi’n hyderus yn eich sgiliau cyfrifiadurol? Peidiwch â cholli’r cyfle i fanteisio ar yr ystod eang o gymorth sydd ar gael trwy raglen TGCh Cyswllt Ffermio.

Cyllid sylweddol ar gael wrth i gynlluniau amaethyddol allweddol gael eu hestyn

Mae Llywodraeth Cymru wedi trefnu bod mwy na £66 miliwn ar gael er mwyn parhau i sicrhau canlyniadau amgylcheddol cadarnhaol i Gymru, sy'n rhan allweddol o fanteisio i’r eithaf ar rym amddiffynnol natur drwy ffermio.

Cynllun y taliad Sylfaenol Trosglwyddo hawliau

Mae ffurflenni Trosglwyddo Hawliau am 2022 ar gael ichi ar eich cyfrif RPW Ar-lein. Rhaid ichi roi gwybod inni cyn canol nos 15 Mai 2022 am unrhyw hawliau sydd wedi’u trosglwyddo er mwyn ichi allu hawlio ar yr hawliau a gewch yn 2022.

Cynhyddu gwerth Hawliau BPS

Ar ôl i’r gofyniad Gwyrddu gael ei ddileu o BPS o 2021 ymlaen, mae'r gyllideb ar gyfer Gwyrddu wedi cael ei symud i’r gyllideb hawliau BPS. Rydym wedi cynyddu gwerth yr hawliau mewn ymateb i’r newid hwn yn y gyllideb.
Mae'r newid yn ngwerth yr hawliau i'w weld bellach ar eich cyfrif RPW Ar-lein.

Menter gymdeithasol yn cipio cyfle i achub diwydiant gwlân Cymru

Bydd ‘Gwnaed â Gwlân’, prosiect o dan arweiniad Menter Môn, yn dod â phartneriaid o bob rhan o’r wlad ynghyd i wireddu potensial gwlân fel cynnyrch cynaliadwy ac adnewyddadwy. Y nod yw hybu cyfleoedd a threialu cynnyrch newydd arloesol.
Y nod yw ychwanegu at werth pob rhan o’r gadwyn gyflenwi, o’r fferm i’r cynnyrch gorffenedig.

(Saesneg yn Unig)

Gwobrau Dewi Sant 2022

Rydyn ni angen eich help chi i ddod o hyd i enillwyr nesaf Gwobrau Dewi Sant – gwobrau cenedlaethol Cymru. Dyma’ch cyfle chi i gydnabod y bobl arbennig sy’n gwneud Cymru’n wych!
Eleni, mae categori newydd – Gwobr Dewi Sant Pencampwr yr Amgylchedd. Y dyddiad cau ar gyfer enwebiadau yw 21 Hydref.

£1 miliwn o gyllid ar gyfer prosiect coedwig drefol 'Coed Caerdydd'

Dim ond un enghraifft o sut mae’r RhDG yn helpu i wneud Cymru yn lle mwy cynaliadwy.

Pwnc sydd wedi cael llawer o sylw, gyda COP26, Cynhadledd y Cenhedloedd Unedig ar Newid Hinsawdd, yn Glasgow, 31 Hydref – 12 Tachwedd.

Arwain Cymru

Yr ardal Datblygu Lleol dan sylw y mis hwn yw Powys.

Arwain yw enw Rhaglen LEADER 2014-2020 ar gyfer Powys. Mae'r fenter yn gweithio gyda phrosiectau a fydd yn creu cymunedau lleol bywiog, grymus a chysylltiedig, gan ddarparu atebion cynaliadwy ac arloesol i faterion economaidd, cymdeithasol ac amgylcheddol presennol ac yn y dyfodol, er mwyn gwella cyfoeth economaidd y sir.
Prosiectau Lleol – ar hyn o bryd mae 52 o brosiectau ym Mhowys, sy'n rhychwantu themâu LEADER, sef -

• Ychwanegu gwerth at hunaniaeth leol ac adnoddau naturiol a diwylliannol
• Hwyluso datblygu cyn-fasnachol, partneriaethau busnes a chadwyni cyflenwi byr
• Ystyried ffyrdd newydd o ddarparu gwasanaethau lleol anstatudol
• Ynni adnewyddadwy ar lefel gymunedol
• Manteisio ar dechnoleg ddigidol

Mae detholiad o Astudiaethau Achos sy'n cwmpasu themâu megis Digidol, y Gymuned, Bwyd a Diod a'r Amgylchedd ar dudalennau Astudiaethau Achos y Rhwydwaith Datblygu Gwledigdudalennau Astudiaethau Achos y Rhwydwaith Datblygu Gwledig