| |
 Mae Clwb Allforio Bwyd a Diod Cymru, sy’n cael ei gefnogi gan Lywodraeth Cymru, wedi cyrraedd ac wedi rhagori ar ei garreg filltir o 100 aelod, yn dilyn cynnydd o 56 y cant mewn ceisiadau ers mis Mawrth 2020 a dechrau argyfwng COVID-19. Mae’r Clwb Allforio, a gafodd ei sefydlu yn 2016, yn dod â busnesau bwyd a diod ynghyd wrth iddynt geisio allforio rhagor o nwyddau a dod o hyd i farchnadoedd newydd.
 |
|
 ninnau ar bwynt canol y flwyddyn, mae hi'n amser da cymryd cam yn ôl i fyfyrio ar hanner cyntaf digon ymestynnol i 2021, ac i feddwl hefyd am y cyfleoedd sydd o'n blaenau.
|
 |
|
Rydym yn ymdrechu i gael Cymru fwy llewyrchus, cyfartal a gwyrddach.
2021 i 2026
Mae ein rhaglen lywodraethu yn nodi'r ymrwymiadau uchelgeisiol y byddwn yn eu cyflawni dros y 5 mlynedd nesaf. Bydd y rhain yn mynd i'r afael â'r heriau sy'n ein hwynebu, ac yn gwella bywydau pobl ledled Cymru.
|
 |
|
Bydd y cymelliadau prentisiaethau, a gaiff eu cynnig i 30 o Fedi 2021, yn helpu busnesau i recriwtio prentisiaid a datblygu gweithlu sy'n medru bodloni anghenion busnes sy'n newid.
|
 |
|
Atal dyletswydd dros dro a chwotâu tariff ar gyfer mewnforio nwyddau i'r DU.
Mae atal dyletswyddau wedi'u cynllunio i helpu busnesau Dibyniaeth y DU a'r Goron i barhau i fod yn gystadleuol yn y farchnad fyd-eang. Maent yn gwneud hyn drwy atal dyletswyddau mewnforio ar nwyddau penodol, fel arfer y rhai a ddefnyddir mewn cynhyrchu domestig.
|
 |
|
Rydym yn paratoi ar gyfer trafodaethau masnach gyda Chanada a Mecsico i uwchraddio ein cytundebau masnach presennol.
Rydym am wybod beth yw eich barn am ein trefniadau masnachu gyda Chanada a Mecsico a ble y gallem wneud newidiadau neu wella. Byddwn yn defnyddio'r wybodaeth hon i helpu i lywio ein dull o ddechrau trafodaethau yn ddiweddarach eleni.
|
 |
|
Rydym am wybod beth yw eich barn am ein trefniadau masnachu presennol gydag India a ble y gallem wneud newidiadau neu welliannau.
Byddwn yn defnyddio'r wybodaeth hon i helpu i lywio ein dull o ddechrau trafodaethau ar gytundeb masnach rydd gydag India yn y dyfodol.
|
 |
|
Swyddogaeth yr Asiantaeth Safonau Bwyd yng Nghymru yw datblygu polisïau a chynghori Gweinidogion Cymru ynglŷn â diogelwch bwyd, safonau bwyd a bwyd anifeiliaid. Mae hyn yn cynnwys polisïau labelu bwyd a chyfansoddiad bwyd. Yn sgil ymadawiad y DU â’r UE, mae rôl yr Asiantaeth Safonau Bwyd wedi ehangu’n sylweddol, yn enwedig mewn perthynas â mewnforion ac allforion. Bydd yn gyfrifol am lawer o swyddogaethau yr oedd y Comisiwn Ewropeaidd ac Awdurdod Diogelwch Bwyd Ewrop yn arfer eu cyflawni. Bydd ganddi hefyd rôl arwyddocaol i’w chwarae o ran adferiad i helpu awdurdodau lleol a phartneriaid i gynnal y lefelau uchel o ddiogelwch bwyd sydd gennym ar hyn o bryd.
|
 |
|
Mae grŵp bwyd a diod rhyngwladol Princes wedi cwblhau’r cam cyntaf o’i fuddsoddiad arfaethedig o £60 miliwn yn ei safle gweithgynhyrchu yng Nghaerdydd, gan osod saith llinell cynhyrchu diodydd ysgafn newydd o'r radd flaenaf.
|
 |
|
Wrth godi ar frig y don lysieuol a fegan, mae The Parsnipship wedi caffael y cynhyrchydd caws amgen fegan wedi’i seilio ar gnau, Nutchi’s, gyda chefnogaeth gan Raglen Parod am Fuddsoddiad Llywodraeth Cymru.
Erbyn hyn, mae’r hyn a ddechreuodd fel stondin marchnad ym Marchnad Glan-yr-afon yng Nghaerdydd yn 2007 yn fusnes arloesol sy’n cyflenwi cyfanwerthwyr mawr Cymru, Castell Howell a Blas ar Fwyd, yn ogystal â nifer o siopau fferm, delis, caffis a bwytai ar draws Cymru â’u bwyd llysieuol a fegan gwreiddiol ac unigryw.
|
 |
|
Mae fflapjacs ag elfen Gymreig gan fecws yng ngogledd Cymru, Siwgr a Sbeis nawr ar gael i'w prynu ledled y wlad ar ôl cael eu rhoi ar restr fanwerthu Co-op.
Gallwch brynu pecyn o chwe Fflapjac Bara Brith gan Siwgr a Sbeis yn 33 o siopau Co-op ledled Cymru - y tro cyntaf i'r becws gael ei rhoi ar restr gydol y flwyddyn gan fanwerthwyr mawr.
|
 |
|
Wrth i’r genedl fwynhau’r tafarndai, bwytai a lleoliadau lletygarwch sy’n ailagor, mae cynhyrchwyr diodydd Cymru yn cynnig ansawdd gwell nag erioed ar ôl treulio’r cyfnod clo yn hyfforddi.
Mae dros 90 o gynhyrchwyr diodydd annibynnol Cymru wedi treulio’r cyfnod ‘tawel’ a achoswyd gan y cyfnodau clo yn ymgymryd â hyfforddiant penodol i’r sector, sydd wedi’i gynllunio i roi hwb i sgiliau ac arloesedd yn y diwydiant.
|
 |
|
Cwblhaodd y cyfrifydd sydd newydd gymhwyso, James Carew, 25, o gwmni cynnyrch ffres Puffin Produce Ltd yn Sir Benfro, ei gymhwyster arholiadau Cymdeithas y Cyfrifwyr Ardystiedig Siartredig (ACCA) ym mis Mawrth 2021 ac mae wedi derbyn y Wobr Aur fawreddog am ennill y marc cyfartalog uchaf yn y byd.
|
 |
|
Mae Hufenfa De Arfon wedi ennill dwy wobr am ei chaws Caerloyw Dwbl yng Ngwobrau Caws Rhithwir 2021, mewn cydweithrediad â Bwyd a Diod Cymru.
Enillodd cwmni cydweithredol ffermwyr gogledd Cymru y Caws Tiriogaethol Gorau a'r Caws Cymreig Gorau am ei gaws Caerloyw Dwbl, sy'n cael ei wneud i rysáit draddodiadol, sy’n gyfoethog, menynaidd a mwyn ei flas.
|
 |
|
Mae Princes Limited, un o'r enwau mwyaf yn niwydiant bwyd a diod y DU, wedi cael ei enwi fel prif noddwr y digwyddiad masnach rhyngwladol BlasCymru 2021.
|
 |
|
Mae Compass Cymru wedi cyhoeddi partneriaeth newydd â’r elusen fwyd FareShare Cymru yng Nghaerdydd, i fynd i’r afael â bwyd dros ben.
|
 |
|
Rydyn ni'n caru ein bwyd. Ac rydym yn angerddol am gefnogi cynhyrchwyr lleol lle bynnag y bo modd. Dyna pam, yn Aldi, y bydd dros 75 o'n cynnyrch bob dydd yn dod o ffermydd neu wneuthurwyr o Gymru. Fel cig eidion a chig oen gwych, tatws perffaith a chynnyrch llaeth blasus, fel y gallwch eu cefnogi hefyd gyda'ch siop wythnosol. Rhyfeddol!
|
 Yr wythnos hon mae'r Gweinidog Materion Gwledig a Gogledd Cymru, a’r Trefnydd, yn estyn gwahoddiad swyddogol i randdeiliaid gofrestru ar gyfer BlasCymru/TasteWales 2021.
 |
|
Mae’r cwmnïau bwyd a diod hynny sydd wedi croesawu technoleg ac wedi llwyddo i wneud y newid i ddigidol wedi dod trwy’r pandemig yn gryfach ac yn fwy darbodus, a chyda llwyfan cadarn ar gyfer twf yn y dyfodol. Mae llawer eisoes wedi troi at Cyflymu Cymru i Fusnesau, sy’n cynnig rhaglen o weithdai a seminarau digidol yn rhad ac am ddim gyda Chynghorwyr Busnes Digidol wrth law i ddarparu cyngor un-i-un a chynlluniau gweithredu personol.
|
 |
|
Dydd Mawrth, 6 Gorffennaf, bydd noson goginio Gymraeg "Welsh Cook-Along & Cocktails" yn cael ei chynnal ar-lein o 5yp. Fel rhan o "Cymru yn yr Almaen 2021", mae Nerys Howell, awdur llyfr coginio llwyddiannus a Sian Roberts, cyflwynydd teledu a pherchennog Loving Welsh Food, yn mynd i goginio detholiad o brydau Cymreig traddodiadol blasus ynghyd â detholiad o goctels Gin gan Distyllfa Aber Falls. Cofrestru am ddim a ryseitiau yn https://wales-cook-along.eventbrite.co.uk
|
 |
|
Mae'r Clwb Allforio yn eich gwahodd i'r trosolwg hwn o'r farchnad gan edrych ar gyfleoedd bwyd a diod i fusnesau Cymru yng Ngwlad Pwyl.
|
 |
|
Mae Clwb Allforio Bwyd a Diod Cymru, Rhaglen Mewnwelediad ac IGD yn ymuno i gynnal gweminar sy'n canolbwyntio ar farchnadoedd manwerthu Ewrop. Er bod Ymadael ȃ'r UE wedi cyflwyno heriau sylweddol i allforwyr bwyd a diod, mae Ewrop yn parhau i fod yn farchnad allweddol ar gyfer bwyd a diod o Gymru.
|
 |
|
Ymunwch gyda'r weminar hon i ddarganfod mwy am
- Sbardunau allweddol y categori newydd hwn sy'n dod i'r amlwg
- Agweddau ac ymddygiadau defnyddwyr
- Data a thueddiadau'r farchnad
- Cyfleoedd i arloesi ar gyfer cynhyrchwyr diodydd iach
|
 |
|
Gwneud Bwydydd a Diodydd yng Nghymru? Rhowch hwb i’ch marchnata digidol ac arbed amser gydag offer ar-lein.
Ymunwch â Cyflymu Cymru i Fusnesau ar gyfer dau weminar newydd wedi'u teilwra ar gyfer cynhyrchwyr bwyd a diod o Gymru.
Byddwn yn dangos i chi sut i ddefnyddio marchnata digidol i gyrraedd cwsmeriaid a chael arian yn y banc, yn ogystal ag offer ar-lein i'ch helpu chi i reoli'ch busnes, eich stoc a'ch cwsmeriaid yn well - megis CRM a systemau archebu, cyfrifyddu a rhagor.
Dysgwch ragor a chofrestrwch eich busnes nawr
|
 |
|
Dros y misoedd nesaf bydd ZERO2FIVE yn cynnal cyfres o weminarau a fydd yn rhoi trosolwg i chi o ystyriaethau diogelwch bwyd allweddol i fusnesau.
Mae'r gweminarau awr o hyd wedi'u cynllunio ar gyfer unrhyw un sy'n gyfrifol am ddiogelwch bwyd mewn busnes newydd, micro, bach neu ganolig.
|
 |
|
Mae disgwyl mawr amdano esblygiad y Gwobrau Bwyd ‘Free From’, mae'r Gwobrau Nadolig ‘Free From’ wedi'u cynllunio i gydnabod a dathlu'r amrywiaeth wych o gynhyrchion sy'n rhydd o dymhorol. Wedi'i ysbrydoli gan gynnyrch Nadolig newydd ac yn amrywio yn y sector am ddim, mae achlysur y Nadolig yn dod yn wirioneddol gynhwysol. Gyda chynhyrchion yn arbennig ar gyfer traddodiadau cyn y Nadolig megis agor calendrau adfent ac addurno'r goeden, i adeiladu tai bara sinsir, bwffe parti tymhorol a phrif ginio'r Nadolig; mae hyn yn rhywbeth yr ydym ni, ynghyd â chynhyrchwyr, cyflenwyr, manwerthwyr a defnyddwyr, yn teimlo sy'n werth ei ddathlu.
|
 |
|
Mae Diploma Lefel 4 yn canolbwyntio’n gryf ar safon a’r cymhlethdodau uwch sy’n ofynnol ar lefel uwch gogydd. Yn ogystal â’r pynciau coginio allweddol, mae’r cwricwlwm yn ymdrin â chynllunio a chyllidebu bwydlenni, diogelwch bwyd a sgiliau cegin broffesiynol eraill. Asesir yr unedau hyn trwy gyfrwng aseiniadau. Dylai dysgwyr sy’n astudio ar gyfer y Diploma Lefel 4 fod â rhywfaint o brofiad cogydd eisoes.
|
|
|
Pwrpas uwch gymwysterau BTEC mewn Rheoli Lletygarwch yw datblygu myfyrwyr fel unigolion proffesiynol, hunan-adlewyrchol sy’n gallu cwrdd â gofynion cyflogwyr mewn Rheolaeth Lletygarwch ac addasu i fyd sy’n newid o hyd. Nod y cymwysterau yw ehangu mynediad i addysg uwch a gwella rhagolygon gyrfa’r rhai sy’n ymgymryd â hwy.
|
 |
|
Bydd y DU yn cymryd rhan yn Expo nesaf y Byd yn Dubai, sydd bellach yn cael ei gynnal rhwng 1 Hydref 2021 a 31 Mawrth 2022. Thema cyfranogiad y DU yw 'Arloesi ar gyfer Dyfodol a Rennir' a bydd ein presenoldeb yn cynnwys Pafiliwn gwledig hunan-adeiladu a rhaglen fyd-eang o gynnwys a gweithgarwch.
|
Mae sianel Twitter swyddogol newydd gan Lywodraeth Cymru ar Faterion Gwledig wedi cael ei lansio o ganlyniad i'r ad-drefnu cabinet diweddaraf. Dilynwch y sianel newydd @LlCCefnGwlad am y newyddion a'r diweddariadau diweddaraf ar Faterion Gwledig.
|
|
