Lansio Sianel Twitter Materion Gwledig newydd Llywodraeth Cymru

Mae sianel Twitter swyddogol newydd gan Lywodraeth Cymru ar Faterion Gwledig wedi cael ei lansio o ganlyniad i'r ad-drefnu cabinet diweddaraf. Dilynwch y sianel newydd @LICCefnGwlad am y newyddion a'r diweddariadau diweddaraf ar Faterion Gwledig.

Lesley Griffiths wedi’i phenodi yn Weinidog dros Faterion Gwledig, Gogledd Cymru a Threfnydd

Mae'r Gweinidog dros Faterion Gwledig, Gogledd Cymru a Threfnydd, Lesley Griffiths, sydd newydd ei phenodi, wedi recordio neges fideo arbennig i ffermwyr, pysgotwyr a phawb sy'n byw mewn cymunedau gwledig ledled Cymru.

Grant Busnes i Ffermydd  – Gorchuddio Iardiau

Mae cyfnod datgan diddordeb yn ail rownd y Grant Busnes i Ffermydd – Gorchuddio Iardiau wedi agor a bydd yn cau ar 25 Mehefin 2021. Mae ffurflenni ar-lein ar gael ichi eu llenwi ar eich cyfrif RPW Ar-lein.

Grantiau Bach Glastir

Mae’r cyfnod datgan diddordeb y Grantiau Bach Glastir - Tirwedd a Phryfed Peillio wedi agor a bydd yn cau ar y 25 Fehefin 2021. Mae ffurflenni ar-lein ar gael ichi eu llenwi ar eich cyfrif RPW Ar-lein.

Adfer Coetir Glastir - Cyfnod Ymgeisio 9

Agorodd y cyfnod datgan diddordeb ar gyfer 9fed cyfnod ymgeisio cynllun Glastir - Adfer Coetir ar 18 Mai 2021 a bydd yn dod i ben ar 25 Mehefin 2021.

Trawsgydymffurfio 2021

Yn sgil cyhoeddi Rheoliadau Adnoddau Dŵr (Rheoli Llygredd Amaethyddol) (Cymru) 2021 sy’n ymdrin â llygredd amaethyddol yng Nghymru, mae rheolau Trwasgydymffurfio wedi’I diweddaru.

Cafodd Taflen Ffeithiau Gofynion Rheoli Statudol (SMR) 1 - Diogelu Dŵr a rhannau perthnasol y Safonau Dilysu Trawsgydymffurfio eu newid i adlewyrchu’r gofynion newydd.

Parth Atal Ffliw Adar

Bydd y Parth Atal Ffliw Adar (AIPZ), sydd wedi bod ar waith ers 11 Tachwedd 2020, yn cael ei ddirymu.

Mae'r penderfyniad yn deillio o asesiad risg o'r tebygolrwydd y bydd ffliw adar yn ymledu. Roedd hyn yn dangos llai o risg. O’r 15 mai 2021 nid yw AIPZ ar waith ledled Cymru. Caniateir i gynulliadau adar ailddechrau hefyd o 15 Mai. Fodd bynnag, rhaid sefydlu bioddiogelwch cadarn.

Canllawiau newydd ar gyfer Ceidwaid Moch Cymru

Mae fersiwn ddiwygiedig newydd o’r Canllawiau ar gyfer Ceidwaid Moch bellach ar-lein. Os ydych yn cadw moch neu os byddwch yn cadw moch yn y dyfodol, ymgyfarwyddwch â’r gofynion cyfreithiol.

Ymadael â’r UE: adnoddau

Gan fod Cyfnod Pontio’r DU bellach wedi dod i ben, mae Llywodraeth Cymru yn parhau i ddiweddaru canllawiau ar gyfer busnesau sy’n masnachu â’r UE, a chyda Gogledd Iwerddon. Mae’r wybodaeth ddiweddaraf am y modd y gall eich busnes addasu i’r rheolau masnachu newydd ar gael ar wefan Paratoi Cymru, a hefyd ar Porth Cyfnod Pontio’r UE Busnes Cymru. Cofiwch hefyd ymweld â gwefan https://www.gov.uk/transition sydd bellach yn cynnwys y gwiriwr Brexit a fydd yn rhoi rhestr wedi’i bersonoli o gamau gweithredu ar eich cyfer chi, eich busnes a’ch teulu.

Uned Gymorth Rhwydwaith Gwledig Cymru (UGRGC)

Mae'r UGRGC yn cynorthwyo cyfnewid syniadau rhwng sefydliadau gwledig. Mae ar gael i unrhyw un:

• gyda diddordeb mewn datblygu gwledig
• ymwneud â Chymunedau Gwledig Llywodraeth Cymru – Rhaglen Datblygu Gwledig 2014-2020 a'r cynlluniau y mae'n eu hariannu.

Tîm Cysylltwyr Fferm

Cymorth un-i-un cyfrinachol. Os ydych angen trafod unrhyw beth cysylltwch gyda un o’r swyddogion.