Ionawr 2019 • Rhifyn 27

Lextox yn derbyn cymorth SMART Productivity Llywodraeth Cymru Mae cwmni o Gaerdydd sy'n profi cyffuriau, alcohol a DNA wedi gweld cynnydd yn ei allbwn ers rhoi newidiadau allweddol a cynnigwyd gan cynllun SMART Productivity ar waith. Cliciwch yma.

Cyfoeth Naturiol Cymru (CNC) yn elwa ar SBRI Yn sgil cefnogaeth gan Lywodraeth Cymru, llwyddodd CNC ddod o hyd i ffordd newydd o fynd i'r afael â llygredd yn y cwrs dŵr drwy gystadleuaeth ar ffurf her o'r enw Menter Ymchwil Busnesau Bach (SBRI). Gwyliwch y fideo yma

Cefnogaeth arloesedd i Mon Naturals Mae partneriaeth SMART gyda Phrifysgol Bangor a Llywodraeth Cymru wedi helpu Mon Naturals i lansio eli traddodiadol newydd. Dysgwch fwy yma.

Advances Wales Rhifyn 87 Mae'r cylchgrawn Advances diwethaf yn dwyn sylw at ymchwil newydd a allai helpu i achub rhinoseros gwyn y gogledd rhag difodiant ac at offeryn digidol i nodi datganiadau ffug i'r heddlu. Hefyd mae'r rhifyn yn dangos ymchwil i'r effaith y mae disgyrchiant gostyngedig yn ei chael ar iechyd dynol. Gweler y rhifyn diweddaraf yma.

Lansio'r Rhwydwaith Profi Dŵr (WTN)

Bydd y prosiect yn sefydlu rhwydwaith trawswladol o gyfleusterau profi ar gyfer Busnesau Bach a Chanolig (BBaChau) yng Ngogledd-Orllewin Ewrop eu defnyddio i brofi, arddangos a datblygu cynhyrchion newydd ar gyfer y sector dŵr. Bydd y Rhwydwaith yn cyhoeddi Heriau Arloesi a bydd cyfle i ddefnyddwyr rannu eu problemau dŵr i BBaChau arloesol geisio eu datrys.

Darllenwch fwy yma

Canolfan Newydd i hybu arloesedd iechyd yng Nghymru

Caiff Canolfan Ragoriaeth y Fenter Ymchwil Busnesau Bach (SBRI) ei chynnal gan Fwrdd Iechyd Prifysgol Betsi Cadwaladr a'i hariannu gan Lywodraeth Cymru. Nod y Ganolfan yw gwella iechyd a llesiant drwy weithio ar y cyd er lles pawb yng Nghymru. Darllenwch fwy amdani.

Allwch chi ddatrys heriau a arweinir gan ddiwydiant?

Mae Arbenigedd Cymru yn hyrwyddo heriau a chyfleoedd cydweithredol o feysydd diwydiannol ac academaidd ar ei wefan. Caiff cyfleoedd newydd eu hychwanegu'n rheolaidd.

Mae'r heriau presennol yn cynnwys:

• Datblygu ffyrdd i aildefnyddio, sefydlogi neu adfer metalau o'r broses trin sgil-gynhyrchion o ddŵr glofeydd halogedig.
• Mentrau sy'n gallu helpu i newid cysyniad defnyddwyr ynghylch y defnydd o ganiau dur i becynnu bwyd.

Innovate UK - Dadansoddi ar gyfer Arloeswyr - Digwyddiad Briffio Cystadleuaeth Ymchwil a Datblygu

5 Chwefror 2019 - Treforest (Canolfan QED)

Mae Cystadleuaeth 'Dadansoddi ar gyfer Arloeswyr' Innovate UK yn mynd i'r afael a chystadleuaeth a chynhyrchiant. Gallai hyn fod yn fater o gywirdeb manwl wrth fesur (e.e. ar linell gynhyrchu) nad yw wedi'i ddatrys trwy ddefnyddio'r technegau a thechnoleg safonol sydd ar gael. Cofrestrwch yma ar gyfer y digwyddiad briffio i ddysgu mwy.