Gweinidog yn agor canolfan hyfforddiant adeiladu newydd ar yr A465

Mae cyfleuster hyfforddi a chanolfan ymwelwyr newydd wedi agor ar gynllun deuloli yr A465 ffordd Blaenau’r Cymoedd gyda’r nod o ddenu rhagor i weithio yn y diwydiant adeiladu.

Sefydlwyd y cyfleuster newydd i gyd-fynd ag ail ran Cynllun Deuoli’r A465, Ffordd Blaenau’r Cymoedd, rhwng Gilwern a Brynmawr. Cwmni Costain Ltd yw’r contractwyr sy’n rheoli’r cynllun, a Llywodraeth Cymru sydd wedi darparu’r cyllid.

Darllen mwy.

Adeiladu i’r dyfodol gyda chymorth gan Lywodraeth Cymru

Mae cwmni ym Mhont-y-pŵl sy'n gwneud cynhyrchion adeiladu ac a ddioddefodd tân mawr flwyddyn yn ôl yn bwriadu creu 31 o swyddi newydd a diogelu 12 o swyddi eraill drwy fenter newydd i ehangu’r cwmni, diolch i gefnogaeth gan Lywodraeth Cymru.

Bydd Brick Fabrication Ltd., sy’n gwneud simneiau plastig sydd wedi’u gorchuddio gan friciau a’u hatgyfnerthu gan wydr ar gyfer adeiladwyr tai o'r radd flaenaf yn y DU, yn buddsoddi £790,000 mewn cyfleuster cynhyrchu yn y dref yn Nhorfaen.

Darllen mwy.

DU Construction yn llwyddo gyda help Llywodraeth Cymru

Mae buddsoddi mewn canolfan a phencadlys mewn safle strategol a phriodol yn Ardal Fenter Ynys Môn wedi talu ar ei ganfed i DU Construction Ltd sy’n ennill contractau newydd ac yn creu swyddi.

Cafodd buddsoddiad DU Construction o £470,000 ei gefnogi gan £210,000 gan Gronfa Twf Economaidd Llywodraeth Cymru. Mae hyn wedi galluogi’r cwmni i ehangu a symud ei swyddfeydd o Gaerwen i Barc Busnes Penrhos yng Nghaergybi.

Darllen mwy.

Cwmni lloriau arbenigol yn ehangu gyda chymorth Cronfa Twf Economaidd Cymru

Mae cwmni o Ogledd Cymru sy’n gosod lloriau resin i gleientiaid ledled y Du – gan gynnwys y London Eye a Chwrs Rasio Aintree - ac sydd wedi ennill sawl gwobr, wedi ehangu i adeilad i ateb y galw cynyddol am ei wasanaethau.

Cafodd y buddsoddiad mewn safle newydd a pheiriannau gan Coatech Ltd ei gefnogi gan grant o Gronfa Twf Economaidd Llywodraeth Cymru i helpu i sicrhau fod y cwmni’n fwy cystadleuol, ac i greu chwech o swyddi newydd a diogelu dwy swydd arall.

Darllen mwy.

Y diweddaraf am Dyfodol Adeiladu Cymru

Mae’r fenter ar y cyd gan Lywodraeth Cymru a’r CITB, Dyfodol Adeiladu Cymru (CFW), yn parhau i ddarparu cymorth gwerthfawr i’r diwydiant, trwy gynnal digwyddiadau, datblygu’r gadwyn gyflenwi, cymorth unigol a hyfforddiant Arweinyddiaeth a Rheoli.  Cewch chi a’ch cwmni adeiladu gymhorthdal llawn ar gyfer pob cymorth.  Bydd y cyrsiau nesaf ar gyfer yr elfen Arweinyddiaeth a Rheoli o dan arweiniad Prifysgol Fetropolitan Caerdydd yn dechrau yn ystod yr Hydref.  Gwybod mwy a sut i wneud cais.

Ewch i wefan Dyfodol Adeiladu Cymru i ddod i wybod mwy am y cymorth sydd ar gael i’ch busnes; digwyddiadau sy’n cael eu cynnal, a newyddion o’r diwydiant; gan dynnu sylw at y prif gyfleoedd ar gyfer eich busnes adeiladu - cofrestru i sicrhau eich bod yn gwybod y newyddion diweddaraf. 

Cewch wybod yma sut y mae un cwmni eisoes wedi elwa o gymorth Dyfodol Adeiladu Cymru.

Ffynhonnell y darlun: CITB

Cyfleoedd yn y Gadwyn Gyflenwi i Barc Adfer

Mae busnesau sydd â diddordeb yn y cyfleoedd o fewn y gadwyn gyflenwi sy’n cael eu darparu gan Parc Adfer yn cael eu gwahodd i sesiwn Cyfarfod y Prynwr.  Cynhelir y digwyddiad, fydd yn canolbwyntio ar y ganolfan adfer ynni newydd yn y Gogledd yng Ngholeg Cambria ar 20 Hydref.  Mae ganddynt ddiddordeb mewn  amrywiol ddeunyddiau a diwydiannau.  Cewch wybod mwy yma a cewch gofrestru eich diddordeb i fod yn bresennol yn y digwyddiad yma.

Darlun: gan artist o Ganolfan Adfer Ynni Parc Adfer

Gwerthu tir yn arwain y ffordd ar gyfer datblygiad defnydd cymysg gwerth £100 miliwn yn Ardal Fenter Canol Caerdydd

Mae Llywodraeth Cymru a chwmni JR Smart, datblygwyr blaengar o Gaerdydd, wedi cwblhau’r gwaith o gyfnewid contractau ar dir yng nghalon Ardal Fenter Canol Caerdydd. Mae hyn yn paratoi’r ffordd ar gyfer datblygiad defnydd cymysg nodedig a llewyrchus newydd gwerth £100 miliwn. Bydd y datblygiad hwn yn cynnwys swyddfeydd, gwesty ac eiddo preswyl.

Bydd y datblygiad arfaethedig 250,000 o droedfeddi sgwâr dan yr enw Stryd Ioan – Sgwâr Callaghan yn creu oddeutu 100 o swyddi yn ystod y cyfnod adeiladu. Wedi i’r gwaith datblygu ddod i ben, bydd modd cynnal/creu oddeutu 1000 o swyddi. Darllen mwy.

Datblygiad newydd gwerth £8 miliwn wedi’i drefnu ar gyfer SA1 Glannau Abertawe

Mae Waterstone Homes o Ben-y-bont ar Ogwr wedi llofnodi contractau gyda Llywodraeth Cymru ar gyfer datblygiad newydd mawreddog gwerth £8 miliwn yn SA1 Glannau Abertawe.

 Mae Waterstone wedi cael caniatâd cynllunio i adeiladu datblygiad ansawdd uchel sy’n cynnwys 25 o fflatiau dros bedwar llawr uwchben safle 8,000 troedfedd sgwâr âr gyfer siopau/cyfleusterau hamdden sydd â lle i fwytai awyr agored hefyd. 

Rhagwelir y bydd y datblygiad yn creu ac yn cefnogi 220 o swyddi ac yn creu dros £22 miliwn i’r economi.

Darllen mwy.

Goreuon Adeiladu Cymru

Ydych chi'n nabod y bobl eithriadol yn y byd Adeiladu? Y bobl sy’n cyflawni pethau rhyfeddol ac yn gwneud gwahaniaeth go iawn? Os ydych dyma'ch cyfle i'w cyflwyno ar gyfer Gwobrau Dewi Sant – y nodau o anrhydedd uchaf a roddir gan Lywodraeth Cymru i unigolion a thimau rhagorol sy'n haeddu cydnabyddiaeth genedlaethol. Rydym yn arbennig o awyddus bod llwyddiannau ac ysgogwyr a chynhyrfwyr mwyaf y sector Adeiladu  yn cael eu hystyried ar gyfer y Gwobrau Dewi Sant am Fenter ac Arloesedd a Thechnoleg eleni. Mae 7 Gwobr arall ar gyfer Dewrder, Diwylliant, Dinasyddiaeth, Rhyngwladol, Chwaraeon ac i Berson ifanc yn ogystal â Gwobr Arbennig y Prif Weinidog.

Dyma’r amser i fynd amdani  - gallwch enwebu ar-lein yn unig yma hyd at 27ain Hydref 2015.