Bwletin Darparwyr Gofal Plant - Rhagfyr 2022

Croeso i'n e-gylchlythyr mis Rhagfyr, wedi'i ddylunio i'ch hysbysu'n rheolaidd am y newyddion, yr wybodaeth a'r datblygiadau diweddaraf sy'n berthnasol i'r sector gofal plant.

Bydden ni'n gwerthfawrogi eich adborth ar yr e-gylchlythyr ac, os oes unrhyw beth yr hoffech chi i ni ei gynnwys neu ei egluro, rhowch wybod i ni drwy lenwi ein harolwg byr.

Byddem ni'n gwerthfawrogi eich adborth ar yr e-gylchlythyr ac os oes unrhyw beth yr hoffech chi i ni ei gynnwys neu ei egluro yna rhowch wybod i ni trwy e-bostio GGiD@caerffili.gov.uk.

Mae'r Nadolig yn agosáu'n gyflym, ac rydyn ni'n dod at ddiwedd blwyddyn brysur arall o newid a heriau.

Hoffai Tîm Blynyddoedd Cynnar a Gofal Plant Caerffili achub ar y cyfle hwn i ddiolch i chi i gyd am eich cymorth parhaus a dymuno iechyd, hapusrwydd a ffyniant i chi a'ch teuluoedd y Nadolig hwn ac yn y Flwyddyn Newydd i ddod.

Hyfforddiant a datblygiad proffesiynol - Amserlen y gaeaf

Rydyn ni ar hyn o bryd yn gweithio ar amserlen hyfforddi misoedd Ionawr, Chwefror a Mawrth a byddwn ni’n anfon yr holl fanylion am hyn atoch chi yn ystod mis Rhagfyr.

Brechlynnau ffliw

Mae pob plentyn 2 a 3 oed ar 31 Awst 2021 yn gymwys i gael brechiad ffliw am ddim ar ffurf chwistrell drwynol. Fodd bynnag, nid yw pob rhiant yn ymwybodol o hyn nac yn derbyn y cynnig.

Gall staff sy'n gweithio yn y sector blynyddoedd cynnar helpu i godi ymwybyddiaeth o'r rhaglen ymhlith rhieni. 

Syniadau Iach ar gyfer y Nadolig

Mae creu golygfeydd, siapiau ac wynebau Nadoligaidd yn ffordd wych o annog plant i fwyta ffrwythau a llysiau a gall fod yn ffordd wych o annog plant i roi cynnig ar fwyd newydd.

Beth am droi eich gorsaf ddŵr yn eira rhewllyd Siôn Corn neu gael thema 'Frozen'?

Siarad gyda fi – Beth am droi amser sgrin yn amser ti a fi

Oeddech chi'n gwybod bod plant yn ei chael hi'n anodd iawn gwrando ar 2 beth ar yr un pryd?

Maen nhw'n gallu gwrando arnoch chi'n siarad gymaint yn haws os nad oes unrhyw wrthdyniadau, felly gall fod o gymorth mawr i ddiffodd y teledu a chael amser chwarae tawel gyda'ch gilydd, gyda llawer o sgwrsio i gymryd rhan ynddo! Os ydych chi'n gwylio sgrin gyda'ch gilydd, gwnewch yn siŵr eich bod chi'n ei mwynhau gyda'ch gilydd trwy:

• Sôn am yr hyn mae'r cymeriadau'n ei wneud.
• Defnyddio teganau go iawn i ymuno yn yr hyn sy'n digwydd ar y sgrin. Paru eitemau ar y sgrin â'ch teganau chi os gallwch chi, ‘Edrychwch – mochyn yw hwn, mochyn yw hwn hefyd’.
• Stopiwch a meddwl beth allai ddigwydd nesaf ‘Rydw i'n meddwl efallai byddan nhw'n mynd yn fwdlyd ar eu taith gerdded!’.
• Eisteddwch mewn man lle gallwch chi weld wynebau eich gilydd.
• Gwnewch yn siŵr eich bod chi'n cynnwys amser chwarae heb sgrin cyn ac ar ôl amser sgrin.

For more information on interacting with young children, visit https://gov.wales/talk-with-me

Download the Let's Talk poster to display at your setting (PDF)

Ewch i’n gwefan newydd

Cofiwch gael golwg ar ein gwefan newydd. Mae ganddi lawer o wybodaeth ddefnyddiol a chyngor ynglŷn â’r blynyddoedd cynnar, gofal plant a chymorth i ddarpar rieni neu deuluoedd sydd â phlant rhwng geni a 7 oed. www.blynyddoeddcynnarcaerffili.co.uk   Mae yna adran benodedig i ddarparwyr gofal plant lle gallwch chi hefyd ddarllen unrhyw e-fwletin blaenorol y byddech chi wedi eu colli. Gadewch i ni wybod sut y byddech chi’n gwella hyn.

Hoffwch ni ar Facebook

Am y wybodaeth a'r cyngor diweddaraf ar wasanaethau a gweithgareddau gofal plant, Hoffwch y Gwasanaeth Gwybodaeth i Deuluoedd ar Facebook.