 Mae Tiny Happy People y BBC yn ymgyrch sy’n ceisio helpu rhieni i gynorthwyo datblygiad iaith eu plentyn nhw.
Mae tua un o bob tri phlentyn (31%) yn dechrau ysgol gynradd heb gyrraedd lefel dda o ddatblygiad cynnar, ffigwr sy’n codi i un o bob dau wrth sôn am blant o gefndiroedd tlawd (46%). Yn anffodus, erbyn i blentyn ddechrau’r ysgol, mae’n aml yn rhy hwyr i’r plant hyn ddal i fyny.
Ond mae yna ateb syml iawn. Mae siarad mwy, canu mwy a chwarae mwy gyda phlentyn yn y blynyddoedd cynnar hynny yn rhoi hwb mawr i’r ffordd y mae ymennydd babanod yn tyfu ac yn datblygu – sef nod ymgyrch newydd wych y BBC, Tiny Happy People.
Mae Gweinidogion Cymru wedi dyrannu cyllid i bob Awdurdod Lleol yng Nghymru er mwyn sicrhau darpariaeth barhaus ar gyfer y sector gofal plant, drwy gynorthwyo darparwyr sy'n wynebu problemau cynaliadwyedd. Mae'r cyllid sydd ar gael yn gyfyngedig a bydd y cyfle i wneud cais yn dod i ben yn fuan.
Byddwn ni'n derbyn ceisiadau drwy gydol y flwyddyn ariannol hon – 2021-2022 – yn unig, felly rydyn ni'n eich annog chi i wneud cais cyn gynted â phosibl os ydych chi'n teimlo eich bod chi'n bodloni gofynion y dyfarniad grant.
Darllenwch y ffurflenni cais a'r telerau ac amodau yn drylwyr cyn i chi wneud cais. Os oes gennych chi unrhyw ymholiadau neu os oes angen rhagor o arweiniad neu gymorth arnoch chi i lenwi eich cais chi, cysylltwch â'ch Swyddog Gofal Plant penodol.
-
Grant Ailgychwyn ac Adfer COVID-19 – Darparu cyllid cynaliadwyedd er mwyn helpu lleoliadau gofal plant i barhau i weithredu drwy gydol heriau COVID-19, a thu hwnt i hynny, lle nad oes unrhyw arian cyhoeddus arall yn cael ei ddarparu i dalu'r un costau. Nid yw'r grant hwn wedi'i fwriadu i gymryd lle unrhyw elw sydd wedi cael ei golli yn ystod y flwyddyn ariannol hon. Llenwch y ffurflen gais a darllen a llofnodi'r telerau ac amodau. Dychwelwch y ddwy ddogfen i GGiD@caerffili.gov.uk
-
Grant Cynaliadwyedd Tymor Byr – Diben y cymorth y gallwn ni, o bosibl, ei gynnig i'ch lleoliad chi yw eich helpu chi i aros yn gynaliadwy a pharhau i weithredu tra bod nifer y plant sy'n dod i'ch lleoliad chi yn is nag o'r blaen. Gallai hyn fod oherwydd y pandemig neu ffactorau eraill sydd allan o'ch rheolaeth chi. Bydd y grant hwn yn eich helpu chi yn y tymor byrrach tuag at gostau rhentu a bydd yn cael ei ddyfarnu yn sail unigol am uchafswm o un tymor. Llenwch y ffurflen gais a darllen a llofnodi'r telerau ac amodau. Dychwelwch y ddwy ddogfen i GGiD@caerffili.gov.uk
Bydd Grant Cyfalaf Bach ar gyfer y Cynnig Gofal Plant ar agor tan 31 Ionawr 2022 i bob darparwr a hoffai wneud cais am bryniannau monitro TG a CO2 yn unig.
Mae pob lleoliad sydd wedi'i gofrestru gydag Arolygiaeth Gofal Cymru, ac sy'n cynnig lleoedd y Cynnig Gofal Plant i blant 3 a 4 oed neu sy'n bwriadu cynnig lleoedd, yn gymwys i wneud cais. Mae hyn yn cynnwys gwarchodwyr plant, darparwyr yn y sectorau preifat a gwirfoddol, a lleoliadau a gynhelir sy'n cynnig gofal dydd, gofal cofleidiol, darpariaeth ar ôl ysgol, cynlluniau chwarae yn ystod y gwyliau ac ati. Hefyd, gall ceisiadau gan ddarparwyr gofal plant sydd wrthi'n gwneud cais am gofrestru gydag Arolygiaeth Gofal Cymru a bron wedi'i gwblhau gael eu hystyried. Rhaid i'r lleoliad gofal plant fod wedi'i leoli ym Mwrdeistref Sirol Caerffili.
Os nad ydych chi wedi'ch cofrestru ar hyn o bryd i ddarparu lleoedd y Cynnig Gofal Plant ar ran Caerffili, neu os hoffech chi gael rhagor o wybodaeth am y grant hwn, anfonwch e-bost i greenn1@caerffili.gov.uk cyn cyflwyno'ch cais am grant.
Darllenwch y ffurflen gais a'r telerau ac amodau yn drylwyr cyn i chi wneud cais.
Llenwch y Ffurflen gais a darllen a llofnodi'r telerau ac amodau. Dychwelwch y ddwy ddogfen i greenn1@caerffili.gov.uk.
Mae'r cyllid hwn yn cau yn fuan ac mae cyllid yn gyfyngedig, felly, rydyn ni'n eich annog chi i wneud cais cyn gynted â phosibl.
 mae adnoddau darllen ar gael drwy Ymddiriedolaeth Lyfrau Cymru a rhaglen Pori Drwy Stori - rhaglen sydd â'r nod o gefnogi sgiliau llythrennedd, rhifedd, siarad a gwrando yn y Cyfnod Sylfaen. Mae cofrestru ar gyfer y rhaglen hon yn agored i bob meithrinfa a gynhelir ac nas cynhelir sy'n gweithio gyda phlant cyn iddynt ddechrau yn y Dosbarth Derbyn.
Mae rhagor o wybodaeth ar gael gan Kate Cubbage yn Ymddiriedolaeth Lyfrau Cymru Kate.Cubbage@booktrust.org.uk.
Mae pob plentyn sy'n 2 a 3 oed ar 31 Awst 2021 yn gymwys i gael brechiad ffliw am ddim ar ffurf chwistrell trwyn. Fodd bynnag, nid yw pob rhiant yn ymwybodol o hyn nac yn manteisio ar y cynnig.
Mae darparwyr gofal plant mewn sefyllfa ddelfrydol i godi ymwybyddiaeth rhieni o bwysigrwydd brechu rhag y ffliw i blant. Gallwch argraffu a lawrlwytho’r poster hwn i’w arddangos yn eich lleoliad chi neu ei archebu am ddim o wefan Iechyd Cyhoeddus Cymru.
|
Fel y gwyddoch efallai, mae cwricwlwm newydd i Gymru ac mae Llywodraeth Cymru wedi bod yn gweithio gydag ymarferwyr y Cyfnod Sylfaen a’r blynyddoedd cynnar i ddatblygu cwricwlwm newydd yn benodol ar gyfer lleoliadau gofal plant nas cynhelir. Mae’r dolenni i’r cwricwlwm, sydd wedi'i gyhoeddi ar Ionawr 10 2022, isod.
Cwricwlwm ar gyfer lleoliadau meithrin a ariennir nas cynhelir - Hwb (gov.wales)
Yn ogystal, mae Llywodraeth Cymru wedi bod yn ailddatblygu rhai adnoddau hyfforddi i helpu gweithredu'r Cwricwlwm i Gymru. Bydd y rhain ar gael ar-lein ac yn cynnwys y pynciau canlynol:
- Datblygiad plentyn
- Dysgu yn yr awyr agored
- Pontio
- Arsylwi
- Chwarae a dysgu seiliedig ar chwarae
- Profiadau go iawn
Cadwch eich llygaid chi ar agor gan y byddwn ni'n cynnig cymorth i chi gael mynediad at y modiwlau hyfforddi hyn pan fyddan nhw ar gael.
|
|
