Rydym nawr wedi cyhoeddi deilliannau’r System Genedlaethol ar gyfer Categoreiddio Ysgolion ar gyfer ysgolion cynradd, canol ac uwchradd yng Nghymru.

Cyflwynir y System Genedlaethol newydd ar gyfer Categoreiddio Ysgolion i helpu adnabod yr ysgolion hynny yng Nghymru sydd angen y cymorth mwyaf i wella.  O dan y system newydd asesir ysgolion ar lefel eu perfformiad a’u gallu i wella, er mwyn sicrhau, mewn partneriaeth â’r awdurdodau lleol a’r consortia, bod unrhyw gymorth ac adnoddau’n cael ei dargedu’n effeithiol i ddiogelu’r gwelliannau angenrheidiol hynny yn ein system ysgolion.   

Caiff ysgolion eu rhoi mewn un o bedwar categori lliw o safbwynt cefnogaeth.  Mae’r ysgolion yn y categori gwyrdd yn ysgolion effeithiol iawn, yn y categori melyn mae'r ysgolion yn effeithiol, yn y categori oren mae’r ysgolion y mae angen eu gwella, a’r rhai sydd yn y categori coch yw’r ysgolion sydd angen eu gwella mwyaf.  Bydd y wybodaeth yn ymwneud â’r deilliannau categoreiddio, yn cynnwys y grwpiau safonau a’r data perfformiad a ddefnyddiwyd, yn ogystal â’r capasiti i wella a’r categori cefnogaeth, ar gael y llawn ar Fy Ysgol Lleol bnawn yfory.