 |
|
Oes gennych chi ddiddordeb mewn twristiaeth bwyd? Mae angen eich help arnom ni!
Ydych chi’n gynhyrchydd bwyd, ydych chi’n rhedeg bwyty, caffi neu dafarn neu ydych chi’n ymddiddori mewn twristiaeth bwyd? Rydym yn cydweithio â’n cyfeillion yn yr Is-adran Bwyd ar Gynllun Gweithredu Twristiaeth Bwyd Cymru 2014-2020 fydd yn cael ei lansio fis Rhagfyr. Mae bwyd yn rhan hanfodol o sector twristiaeth Cymru a hoffem glywed eich barn chi ynghylch sut gallwn ni gydweithio i godi proffil Cymru fel cyrchfan twristiaeth bwyd o ansawdd uchel.
Diddordeb? Allwch chi roi awr o’ch amser i ni? Dydd Mawrth 4 Tachwedd 11am.
Rydym yn trefnu sesiwn ryngweithiol ar-lein i gasglu eich adborth a’ch syniadau. Yr unig beth sy’n rhaid i chi ei wneud i gymryd rhan yw cael llinell ffôn a chyfrifiadur a mynediad i’r rhyngrwyd. Ni fydd rhaid ichi lawrlwytho unrhyw raglenni arbennig ac os byddai’n well gennych, gallwch anfon eich sylwadau atom yn ddi-enw. I gymryd rhan, e-bostiwch jane.owen@cymru.gsi.gov.uk ac fe gysylltwn â chi gyda rhagor o wybodaeth.
|
Mae Croeso Cymru yn cydweithio â Viking Recruitment i gynnal diwrnodau agored i roi gwybod i bobl am y cyfleoedd sydd ar gael i weithio mewn swyddi lletygarwch ar longau mordeithio. Y nod yw rhoi cyfle i fyfyrwyr sy'n astudio lletygarwch yng Nghymru a phobl 21 oed neu hŷn sy'n gweithio yn y sector lletygarwch weithio yn y diwydiant mordeithio.
Mae Viking Recruitment wedi'i leoli yn Dover ac mae'n recriwtio i swyddi lletygarwch ar ran cwmni 5 seren Seabourn Cruise Line. Bydd y diwrnodau agored yn cael eu cynnal ym Mhrifysgol Metropolitan Caerdydd, Coleg Castell-nedd Port Talbot a Choleg Abertawe ar 20, 21 a 22 Hydref. Bydd y diwrnod yn rhedeg o 9:30am i 3pm ar 20 a 22 Hydref ac o 9:30 i 1pm ar 21 Hydref. Dylid anfon unrhyw ymholiadau at Suzanne.thomas36@wales.gsi.gov.uk
Yn dilyn llwyddiant rhagorol Uwchgynhadledd NATO, a’r sylw enfawr y mae Cymru wedi’i chael ar hyd a lled y byd yn ei sgil, rydym yn trefnu ymgyrch i hybu Cymru fel cyrchfan digwyddiadau busnes. Mae Gwesty Hamdden y Celtic Manor (CMR) a Rhwydwaith Twristiaeth Busnes De-ddwyrain Cymru (SEWBTN) wedi cael contract i ddatblygu a chynnal ymgyrch gwaddol Uwchgynhadledd NATO ar ein rhan, ar y cyd â phartneriaid ledled Cymru.
Mae’r ymgyrch yn cynnwys rhaglen bell-gyrhaeddol o weithgareddau, sy’n manteisio ar gyfleoedd NATO gyda neges Gymreig arbennig.
Noswaith rhwydweithio gwaddol NATO Cymru
16 Hydref, 6pm - 8pm, Twenty Ten Clubhouse, Gwesty Hamdden y Celtic Manor, Casnewydd
Dysgwch sut i gymryd rhan yn yr ymgyrch a chodi ymwybyddiaeth am Gymru fel cyrchfan busnes i gynnal cyfarfodydd, cynadleddau a digwyddiadau. Os gofrestru, e-bostiwch: lkeirle@celtic-manor.com neu ffoniwch 01633 410530.
Os ydych yn rhestru’ch busnes ar wefan www.businessevents.visitwales.com, mae’n rhoi llwyfan perffaith i chi hybu eich gwasanaethau, cynyddu ymwybyddiaeth a gwerthiant. Cofiwch wneud yn siŵr bod manylion eich busnes yn gywir, ein hysbysu am unrhyw newidiadau ac ychwanegu mwy o fanylion fel enwau ystafelloedd cyfarfodydd unigol a faint o bobl y maen nhw’n gallu eu dal. Po fwyaf o fanylion a roddwch i ni, y mwyaf fydd eich cyfle i ateb gofynion eich cleientiaid.
 |
|
Ydyn ni’n cyfleu ein negeseuon yn llwyddiannus?
Rydym yn chwilio am ffyrdd i gyfathrebu â’r diwydiant twristiaeth ac fe hoffem i chi dreulio pum munud yn rhoi adborth i ni. Beth yw eich barn chi am ein newyddlenni? Ydych chi’n mynd i ddigwyddiadau’r diwydiant? A oes yna unrhyw beth yr hoffech chi wybod mwy amdano? Bydd eich atebion yn ein helpu i wella’r ffordd y byddwn yn cyfathrebu â chi yn y dyfodol.
|
Byddwn yn teithio ar ddiwedd mis Tachwedd gyda chyfres o sioeau i rannu ein cynlluniau ar gyfer marchnata yng Nghymru yn 2015. Bydd cydweithwyr o VisitBritain gyda ni, fydd yn egluro'r gwaith y maent yn ei wneud ar Gysylltiadau Cyhoeddus, a sut y mae hyn yn cysylltu â'n timau Cysylltiadau Cyhoeddus yn Croeso Cymru.
|
