Cymru'n lansio gwyliau byr i ferched a menywod ar Ddiwrnod Santes Non
Mae Croeso Cymru, wedi'i ysbrydoli gan Santes Non, mam Dewi Sant sy'n dathlu ei dygwyl ar 2 Mawrth, am gydnabod y duedd gynyddol i ferched a menywod fynd ar dripiau gyda’i gilydd trwy gyflwyno pedair taith newydd yn benodol ar gyfer menywod ar eu gwefan. Mae'r teithiau hyn yn annog grwpiau o fenywod i ddod i deimlo'r hwyl, gan bwysleisio llesiant, antur a phartïon aml-genhedlaeth a'r duedd gynyddol i grwpiau o ferched fynd am wyliau byr gyda'i gilydd.
Gwyliwch ein rîl o wyliau i ferched yng Nghymru.
Bydd tuedd gynyddol yn 2025 i ferched a menywod fynd ar wyliau mewn grwpiau gyda'i gilydd. Mae astudiaeth Croeso Cymru yn dangos
- i'r hashnod #GirlTrip gael ei agor fwy na 7m o weithiau ar TikTok yn y 120 diwrnod diwethaf.
- ar Pinterest, mae "Girls Trips" wedi gweld cynnydd o 20% bob blwyddyn a'i enwi 38% yn amlach ar draws lwyfannau cymdeithasol - yn ogystal â sbarduno miliynau o'r memyn 'when the girls trip leaves the group chat'.
Mae lleoliadau a digwyddiadau unigryw yn creu cyfleoedd perffaith i ddenu "tripiau merched". Er enghraifft, The Dreaming, encil llesiant yng nghanol harddwch Cwm Elan, sy'n eiddo i Charlotte Church, lle mae menywod yn canolbwyntio ar eu lles ac yn ailgysylltu â natur ac â nhw eu hunain. Mae digwyddiadau sy'n benodol ar gyfer grwpiau o fenywod yn tyfu yn eu poblogrwydd yng Nghymru: Cynhelir "She Ultra", yr ultra-farathon fwyaf yn y byd i fenywod a merched yn unig, ym Mhen Llŷn ym mis Ebrill ac mae'n denu 1,800 o gystadleuwyr o bob rhan o'r byd. Dywedodd Huw Williams, trefnydd y digwyddiad: "Mae'r rhan fwyaf o'r menywod yn gerddwyr o fri a dim ond hyd at tua 20% sy'n rhedwyr. Mae menywod o bedwar ban gan gynnwys y Deyrnas Unedig, yr Eidal, Portiwgal, Gwlad Pwyl, Ffrainc, Gwlad Groeg ac America yn cymryd rhan. Mae'n mynd i fod yn benwythnos mor wych, i'r menywod a'r gymuned leol."
Cyfleoedd ar gyfer diwydiant:
-
Hyrwyddo eich busnes Hyrwyddwch y tripiau a'r digwyddiadau hyn gan greu cynigion a phecynnau arbennig wedi'u teilwra i fenywod.
-
Diweddaru'ch Rhestrau: Gan ddefnyddio'r offeryn rhestru cynnyrch, gwnewch yn siŵr bod eich rhestr cynnyrch ar croesocymru.com visitwales.com yn gyfredol ac yn gwneud y gorau o ddeunyddiau fel ffilm a delweddau i ddenu ymwelwyr i'r digwyddiadau hyn,
- Cymerwch gip ar ein rhestr teithiau newydd Syniadau ar gyfer tripiau penwythnos i ferched yng Nghymru ac annog menywod a merched i ddod i deimlo'r hwyl gyda'i gilydd yng Nghymru.
Yr AIG Agored i Fenywod, 30 Gorffennaf - 3 Awst 2025: tocynnau a chymryd rhan
Eleni bydd Cymru'n croesawu'r twrnamaint chwaraeon mwyaf erioed i fenywod i gael ei gynnal yng Nghymru - Pencampwriaeth Agored yr AIG i Fenywod. Mae'r digwyddiad yn denu chwaraewyr ac ymwelwyr o bob rhan o'r byd a bydd yn gyfle gwych i fenywod ddod ynghyd, mwynhau seibiant, gweld arfordir trawiadol Cymru a dathlu chwaraeon menywod trwy wylio gemau golff gwych yn un o brif dwrnameintiau'r byd ar un o gyrsiau gorau Cymru, y Royal Porthcawl.
Cymryd rhan: Gyda chwaraewyr ac ymwelwyr yn dod o bob cwr o'r byd ac o bosibl yn crwydro'r wlad o gwmpas ac yn aros i brofi gweithgareddau eraill, gwnewch yn siŵr bod eich rhestr cynhyrchion ar croesocymru.com yn gyfredol. Gallwch ei newid gyda'r offeryn rhestru cynnyrch.
Gwnewch yn siŵr eich bod yn dweud wrth eich ymwelwyr am y digwyddiad, sut i gael tocynnau a sut i grwydro llwybrau golff gwych ledled Cymru (Saesneg yn unig). neu i ddod yn ôl i brofi'r hwyl gyda mwy o syniadau ar gyfer tripiau penwythnos i ferched.
I ddathlu Diwrnod Rhyngwladol y Menywod, mae tocynnau rhad ar gael ar gyfer tocynnau - Royal Porthcawl | Menywod AIG Agored 2025 Daw'r cynnig i ben ar 11 Mawrth! Prynwch eich tocynnau nawr a'u rhannu gyda'ch ymwelwyr.
|
Edrychwch ar gylchlythyrau a bwletinau a gyhoeddwyd yn flaenorol i’r diwydiant gan Croeso Cymru: Cylchlythyrau/Bwletinau Twristiaeth | Drupal (llyw.cymru).
|
