Newyddion diwydiant Croeso Cymru

Newyddion i’r Diwydiant Twristiaeth yng Nghymru

I gofrestru ar gyfer ein cylchlythyr, cliciwch yma. 

Yn cael trafferth i weld yr e-bost yma, neu i’w rannu, edrychwch arno ar-lein.   

14 Awst 2024

Cofiwch: Mae Gwobrau Twristiaeth Cenedlaethol Cymru 2025 – dyddiadau cau diwygiedig ar gyfer ceisiadau

Bydd Gwobrau Twristiaeth Cenedlaethol Cymru yn dychwelyd yng ngwanwyn 2025. Mae'r gwobrau yn cael eu cynnal gan Croeso Cymru i ddathlu'r gorau o'r diwydiant twristiaeth yng Nghymru.

I gystadlu rhaid I chi gyflwyno cais drwy eich gwobrau twristiaeth sirol / rhanbarthol.  Dim ond enillwyr Gwobrau Rhanbarthol 2024 fydd yn cael eu hystyried ar gyfer Gwobrau Twristiaeth Cenedlaethol Cymru ym mis Mawrth 2025. Nodwch y dyddiadau cau estynedig a restrir isod.

Dywedodd Jack Sargeant AS, y Gweinidog Partneriaeth Gymdeithasol:

"Rydym yn lwcus iawn fod gennym gymaint o fusnesau twristiaeth rhagorol ac amrywiol yng Nghymru.

"Er fy mod yn gwerthfawrogi y bydd y rhan fwyaf yn brysur yn croesawu ymwelwyr ar hyn o bryd, hoffwn eu hatgoffa hefyd i gyflwyno eu hunain ar gyfer y gwobrau twristiaeth rhanbarthol, y cam cyntaf wrth geisio ennill cydnabyddiaeth yn y Gwobrau Cenedlaethol. Gwnewch yn siŵr eich bod chi a'ch ardal yn cael y gydnabyddiaeth rydych chi'n ei haeddu am yr hyn rydych chi'n ei wneud a sut rydych chi'n ei wneud.”

Mae'r categorïau ar gyfer Gwobrau Twristiaeth Cenedlaethol 2025 fel a ganlyn:

1. Gwesty Gorau
2. Llety Gwely a Brecwast, Tafarn, Tŷ Llety Gorau
3. Llety Hunanddarpar Gorau
4. Safle Carafanio, Gwersylla a Glampio Gorau
5. Yr Atyniad Gorau
6. Gweithgaredd, Profiad neu Daith orau
7. Categori Bro a Byd (Y rhai sy'n mynd y filltir ychwanegol ar gynaliadwyedd amgylcheddol)
8. Gwobr Twristiaeth Hygyrch a Chynhwysol
9. Y Lle Gorau i Fwyta
10. Seren y Dyfodol
11. Y Digwyddiad Gorau
12. Busnes Cyfeillgar i Gŵn Gorau

I gofrestru ac i gael rhagor o wybodaeth, dilynwch y dolenni isod yn dibynnu ar ble rydych wedi'ch lleoli:

De-orllewin Cymru:

• Sir Gaerfyrddin – Cofrestrwch drwy Wobrau Twristiaeth Sir Gaerfyrddin. Y dyddiad cau ar gyfer ceisiadau yw hanner nos ar 6 Medi 2024.
• Abertawe a Chastell-nedd Port Talbot – Cofrestrwch drwy Wobrau Twristiaeth Bae Abertawe. Y dyddiad cau ar gyfer derbyn ceisiadau yw hanner nos ar 6 Medi 2024.
• Sir Benfro - Gwnaeth y cyfnod ymgeisio gau ar 30 Gorffennaf Wobrau Croeso Sir Benfro.

De-ddwyrain Cymru:

• Gwobrau Twristiaeth De-ddwyrain Cymru – Y dyddiad cau ar gyfer ceisiadau yw hanner nos ar 6 Medi 2024.

 Canolbarth Cymru:

• Gwobrau Twristiaeth Canolbarth Cymru – Y dyddiad cau ar gyfer ceisiadau yw hanner nos ar 6 Medi 2024.

Gogledd Cymru:

• Gwobrau Go North Wales – Y dyddiad cau ar gyfer ceisiadau yw hanner nos ar 7 Hydref 2024.

Mynnwch yr wybodaeth ddiweddaraf drwy newyddion y diwydiant

Edrychwch ar gylchlythyrau a bwletinau a gyhoeddwyd yn flaenorol i’r diwydiant gan Croeso Cymru: Cylchlythyrau/Bwletinau Twristiaeth | Drupal (llyw.cymru).

Methu gweld yr ebost hwn? Ewch ar-lein