Mae’r paratoadau yn mynd rhagddynt gyda llai na 60 diwrnod nes bydd digwyddiad masnach bwyd a diod rhyngwladol mwyaf Cymru, BlasCymru/TasteWales, yn dychwelyd.
Mae gwefan BlasCymru/TasteWales bellach yn fyw (www.tastewales.com/) ac mae tocynnau cynnar ar gael tan 31 Awst – prynwch eich tocynnau nawr!
Cynhelir yn y Ganolfan Gynadledda Ryngwladol (ICC Cymru), Casnewydd ar 25-26 Hydref, bydd y digwyddiad deuddydd yn croesawu prynwyr bwyd a gweithwyr proffesiynol y diwydiant o dan yr un to i gwrdd â busnesau bwyd a diod blaenllaw Cymru.
Thema digwyddiad eleni yw ‘Pwerus gyda’n gilydd: O her i lwyddiant. Rôl gwytnwch, arloesedd ac optimistiaeth.’
Bydd y digwyddiad yn cynnwys arddangosfa o’r cynnyrch gorau sydd gan Gymru i’w gynnig, ac yn:
- Arddangos cynhyrchwyr a'u cynnyrch i gynulleidfaoedd cenedlaethol a rhyngwladol
- Broceru perthnasau rhwng cynhyrchwyr a phrynwyr trwy gyfarfodydd partneru
- Cynnwys ardaloedd â themâu sy’n arddangos arloesedd, technoleg a chynaliadwyedd, ynghyd â rhaglen seminarau ddifyr gydag arbenigwyr blaenllaw yn y diwydiant.
 Mae cwmni siocled y canolbarth, Coco Pzazz, wedi blasu llwyddiant o fynychu digwyddiadau BlasCymru/TasteWales blaenorol.
Dywedodd y perchennog, Lori Whinn, “Mae’n ddigwyddiad hynod o drefnus, ac mae ein profiad o’r sioe wedi bod yn gadarnhaol iawn. Byddwn yn bendant yn argymell bod busnesau eraill yn mynychu. Mae wastad wedi bod yn werth chweil. Os oes un digwyddiad i fynd iddo mewn blwyddyn, BlasCymru/TasteWales yw hwnnw.”
Darllenwch blog llwyddiant Coco Pzazz, ymhlith eraill yma.
I gael gwybod mwy, ac i sicrhau eich tocyn i fynychu, ewch i www.tastewales.com/
|
