Cymru Iachach - Newyddion Iechyd a Gwasanaethau Cymdeithasol 13/10/21

13/10/2021

y diweddaraf

Croeso’n ôl

Mae’r newyddlen yn ôl heddiw, a bydd yn cael ei chyhoeddi’n wythnosol yn ystod y tymor yn unig.
Bydd yn cynnwys holl ddatganiadau a newyddion Llywodraeth Cymru ar gyfer y sector iechyd a gwasanaethau cymdeithasol
Gwnaethoch danysgrifio i dderbyn y newyddlen gan ddefnyddio’r cyfeiriad e-bost hwn. Os nad ydych yn dymuno derbyn y newyddlen nawr, gallwch datdanysgrifio gan ddefnyddio’r ddolen ar waelod y dudalen.
Mae croeso ichi anfon y newyddlen at unrhyw un y byddai’r wybodaeth ynddi yn ddefnyddiol iddynt.
Gall tanysgrifwyr newydd danysgrifio yma

Newyddion diweddaraf Iechyd a gwasanaethau cymdeithasol

‘Brechlynnau yw'r ffordd orau o helpu'r Gwasanaeth Iechyd Gwladol cyn y gaeaf heriol'

Mae Strategaeth Frechu COVID-19 wedi cael ei chyhoeddi ar ei newydd wedd. Yn y Strategaeth, mae Eluned Morgan, y Gweinidog Iechyd, yn cadarnhau y bydd y rhan fwyaf o’r rheini sy'n gymwys yn cael cynnig eu brechiad atgyfnerthu erbyn 31 Rhagfyr 2021.

Ymgyrch Diogelu Cymru

Drwy gydol y pandemig, mae’r ymgyrch Diogelu Cymru wedi bod yn annog pobl i ymddwyn mewn ffordd sy’n atal lledaeniad COVID-19, a niweidiau o ganlyniad i’r feirws. Mae’r ymgyrch wedi defnyddio ystod eang o ddulliau cyfathrebu i gyrraedd cymaint o bobl â phosibl. Mae hyn wedi cynnwys hysbysebu yn ogystal â gweithio gyda dylanwadwyr a brandiau mawr i rannu negeseuon allweddol gyda’u cynulleidfaoedd. Gallwch weld hysbyseb diweddaraf Diogelu Cymru yma.
Mae’r holl ddeunyddiau sy’n cael eu cynhyrchu ar gael i bartneriaid a rhanddeiliaid eu defnyddio ar eu sianelau. Cysylltwch â HSSComms@llyw.cymru i gael rhagor o wybodaeth.

Y gwaith o ddarparu’r brechlyn COVID i blant 12 i 15 oed yn cyflymu yng Nghymru

Wrth i unigolion 12 i 15 oed ar draws Cymru ddechrau derbyn eu brechlynnau COVID-19, cadarnhaodd y Gweinidog Iechyd y bydd pob un ohonynt yn cael cynnig brechlyn erbyn diwedd hanner tymor mis Hydref.

Penodiad newydd i swydd Prif Weithredwr GIG Cymru a’r Cyfarwyddwr Cyffredinol Iechyd a Gwasanaethau Cymdeithasol

Judith Paget sydd wedi'i phenodi'n Brif Weithredwr GIG Cymru ac yn Gyfarwyddwr Cyffredinol Iechyd a Gwasanaethau Cymdeithasol.

Ymateb deddfwriaethol Gweinidogion Cymru i bandemig y coronafeirws

Mae Llywodraeth Cymru wedi cyhoeddi adroddiad ar ei hymateb deddfwriaethol i bandemig y coronafeirws.

Biliwn o eitemau o PPE yn cael eu rhoi i gadw staff y GIG a staff gofal cymdeithasol yn ddiogel

Mae mwy na biliwn o eitemau o gyfarpar diogelu personol (PPE) wedi’u rhoi am ddim i’r GIG a’r sector gofal cymdeithasol yng Nghymru ers dechrau’r pandemig.

Llywodraeth Cymru i fuddsoddi bron i £25m mewn pedwar sganiwr digidol newydd i leihau amseroedd aros a chwrdd â’r galw am wasanaethau

Bydd y pedwar sganiwr PET-CT newydd yn helpu i wella mynediad at y dechnoleg ddiagnostig ddiweddaraf hon ar draws Cymru.

Optimeiddio Rhaglen Sgrinio Coluddion Cymru

Sgrinio Coluddion Cymru yw un o’n rhaglenni sgrinio cenedlaethol ac mae’n cynnig prawf sgrinio bob dwy flynedd i ddynion a menywod rhwng 60 a 74 oed ar hyn o bryd.

“Rwyf eisiau i Gymru fod yn genedl sy’n dathlu oed”

Bydd rôl ganolog pobl hŷn yn ein cymunedau’n cael ei chydnabod wrth i Gymru ddod yn genedl sydd o blaid pobl hŷn. Dyna gyhoeddiad Julie Morgan, y Dirprwy Weinidog Gwasanaethau Cymdeithasol.

Darllen mwy am hyn llyw.cymru/iechydagofalcymdeithasol

AMDANOM NI

Gwybodaeth berthnasol i'r rhai sy'n gweithio o fewn y sector iechyd a gwasanaethau cymdeithasol

Rhagor o wybodaeth ar y we:

http://llyw.cymru/iechydagofalcymdeithasol

Dilyn ar-lein:

@LlCIechydGofal

@CMOWales

#CymruIachach

Datdanysgrifo • Rheoli eich dewisiadau • Gweld yn eich porwr

Gallwch ddiweddaru eich tanysgrifiadau, newid eich cyfrinair neu eich cyfeiriad e-bost, neu ddileu tanysgrifiadau ar unrhyw adeg drwy fewngofnodi i'ch cyfrif.