Cynllun manwerthu newydd i helpu busnesau i efelychu llwyddiant Authentic Curries a World Foods

Derbyniodd yr Authentic Curry Company (ACC) Gyllid Buddsoddi mewn Busnesau Bwyd i ehangu'r cyfleusterau cynhyrchu.

Yn dilyn yr ehangu, llwyddodd ACC i drefnu bod eu cynnyrch yn cael eu gwerthu yn siopau Tesco, Morrisons, Asda, Co-op a Sainsbury ledled Cymru.

Ym mis Gorffennaf, ymwelodd y Gweinidog Materion Gwledig a Gogledd Cymru, a'r Trefnydd Lesley Griffiths ag ACC fel rhan o'r cyhoeddiad am Gynllun Manwerthu Bwyd a Diod newydd Llywodraeth Cymru.

Llwyddiant ar gyfer Cynhyrchwr Mêl yng Ngwobrau Dewi Sant

Trwy’r Cynllun Buddsoddi mewn Busnesau Bwyd roedd cwmni Hilltop Honey wedi gallu prynu adeilad ac offer at ddibenion ehangu.

Yn dilyn yr ehangu, llwyddodd Hilltop Honey i ychwanegu at ei restr o leoliadau manwerthu, ac mae bellach yn cyflenwi Asda, Sainsbury's, Morrisons a Tesco.

Sefydlodd Scott Hilltop Honey fel 'hobi' yn 2011 yng ngardd gefn tŷ ei rieni yng Nghanolbarth Cymru ac yn 2019 gwnaeth ei 'hobi' dalu ar ei ganfed pan enillodd Wobr Menter yng Ngwobrau Dewi Sant.

Hilltop Honey, Ein Taith Hyd yma (Saesneg yn Unig)

Cywain - busnesau'n cydweithio er elw

Bydd y prosiect hwn yn cynnig darpariaeth ddi-dor ar gyfer busnesau bwyd a diod sy'n canolbwyntio ar dwf, gan ddwyn ynghyd ac adeiladu ar lwyddiannau rhaglen bresennol Cywain a'r peilot Clystyrau Bwyd a Diod Da.

O ddefnyddio peiriant godro i’r peiriant gwerthu - Mae peiriannau gwerthu llaeth hunan-wasanaeth yn dod yn fwy poblogaidd, a gyda chymorth Cywain, mae nifer o ffermydd llaeth yng Nghymru yn dewis defnyddio’r dechnoleg - gan ddarparu agwedd fodern ar werthiannau cynnyrch fferm traddodiadol.

Map Cywain yn cyfeirio siopwyr at fwyd a diod o Gymru - Mae adnodd newydd wedi cael ei lansio gan Cywain i helpu siopwyr sydd wedi’u cyfyngu gan bandemig y coronafeirws i gael mynediad at fwyd a diod gwych o Gymru drwy glicio botwm.

Cymorth gan Cywain i’r gwyliau bwyd a diod ar-lein - Pan roedd pandemig y Coronafeirws ar ei waethaf yn 2020, a phan nad oedd modd cynnal y digwyddiadau bwyd traddodiadol, cynigiodd Cywain ddigwyddiadau bwyd amgen – rhai 'rhithwir'.

Prosiect HELIX

Bydd Prosiect HELIX yn ceisio datblygu a darparu gweithgarwch trosglwyddo gwybodaeth sy'n canolbwyntio ar arloesi, strategaeth fwyd ac effeithlonrwydd a fydd yn cynyddu cynhyrchiant ac yn lleihau gwastraff yn y gadwyn fwyd.

Bydd y prosiect hwn yn rhan o ddarpariaeth Arloesi Bwyd Cymru sy'n hyrwyddo darpariaeth Cymru gyfan.

Bydd Prosiect HELIX yn casglu gwybodaeth am bob cwr o'r byd ac yn trosglwyddo'r wybodaeth i gwmnïau Cymreig.

Bydd Prosiect HELIX yn cael effaith sylweddol ar greu swyddi, cadw swyddi, lleihau gwastraff, a datblygu busnes newydd.

Mae 3 Canolfannau Bwyd yn rhan o Brosiect Helix -

Mae Canolfan y Diwydiant Bwyd ZERO2FIVE ym Mhrifysgol Metropolitan Caerdydd - yn darparu cefnogaeth dechnegol, weithredol a masnachol i fusnesau bwyd er mwyn eu galluogi i gystadlu'n fwy effeithiol.

• Triawd o gwmnïau Cymreig yn profi llwyddiant ardystio diogelwch bwyd
• Cynnig cefnogaeth ar gyfer gwella cynaliadwyedd i wneuthurwyr bwyd a diod o Gymru
• Cwmni saws Coreaidd wedi’i leoli yng Nghaerdydd yn ennill gwobr bwyd breintiedig (Saesneg yn Unig)

Mae Canolfan Bwyd Cymru - yn ganolfan technoleg bwyd bwrpasol sy’n cynnig cyngor, gwasanaethau technegol a hyfforddiant i fusnesau newydd, busnesau bach a chanolig a chynhyrchwyr bwyd sydd eisoes ar waith.

• Busnes cacennau Ridiculously Rich yn ffynnu gyda chefnogaeth gan Ganolfan Bwyd Cymru
• Little Welsh Deli Gallai’r cwmni Little Welsh Deli ymarfer a gwella’u dulliau cynhyrchu tra roeddent yn defnyddio’r Ganolfan Fwyd
• Mae'r Fferm Bug wedi cael help i ddatblygu'r Cwcis Criced a'u cael i mewn i'r farchnad

Mae'r Ganolfan Technoleg Bwyd Llangefni - yn cymryd rhan weithredol mewn nifer o brosiectau sy'n cefnogi'r diwydiant cynhyrchu bwyd a diod.

• Cwmni Bwyd Traddodiadol Patchwork
• Edwards o Gonwy
• Rural Foodies Cartref i Coco Pzazz

Sgiliau Bwyd Cymru

Mae rhaglen Sgiliau Bwyd Cymru, a gyflenwir gan Lantra, yn cefnogi busnesau yn niwydiant prosesu a gweithgynhyrchu bwyd a diod o Gymru i sicrhau bod gan weithwyr y sgiliau a’r hyfforddiant priodol ar gyfer eu busnes a’r diwydiant ehangach yn gyff.

Gan weithio ar draws holl sectorau diwydiant bwyd a diod Cymru, mae’n ceisio paratoi gweithwyr ledled Cymru i addasu i heriau economaidd ac amgylcheddol i’r dyfodol a’u galluogi i fanteisio ar gyfleoedd i ddatblygu a thyfu eu busnesau.

Cwrs Bragu Brewlab - Gan weithio gydag un o’n darparwyr hyfforddiant, BrewLab, un o brif ddarparwyr cyrsiau bragu’r DU, fe wnaethom gefnogi diwrnod o hyfforddiant i rai o fragdai Cymru yn ddiweddar. Gweld sut aeth hi!

Mae straeon eraill yn cynnwys: Dyfi Distillery; Flawsome & Capestone Organic Poultry Ltd

Dysgwch ychydig am y prosiect yma.  (Saesneg yn Unig)