| |
 Mae Llywodraeth Cymru yn cyhoeddi gweledigaeth y dyfodol ar gyfer y diwydiant bwyd a diod gan ei bod yn bwriadu arwain y byd ym maes cynaliadwyedd. Bydd cwmnïau blaenllaw ym maes bwyd a diod yn ymuno â Llywodraeth Cymru wrth iddynt amlinellu cynlluniau i osod arferion cynaliadwy wrth wraidd agenda adfer y diwydiant ar ôl Covid. O edrych ar feysydd fel twf a chynhyrchiant, effaith amgylcheddol, gwaith teg a chodi safonau drwyddi draw, drwy gydweithio gobeithir y gall y llywodraeth a'r diwydiant greu un o'r cadwyni cyflenwi mwyaf amgylcheddol a chymdeithasol gyfrifol yn y byd.
Gwyliwch Lesley Griffiths, Gweinidog yr Amgylchedd, Ynni a Materion Gwledig yn disgrifio sut mae Llywodraeth Cymru yn gwerthfawrogi cynaliadwyedd bwyd a diod yma.
 |
|
Wrth i mi ysgrifennu hyn, mae diwydiant bwyd a dod Cymru wedi bod dan gysgod pandemig y
coronafeirws ers blwyddyn gron. Rydyn ni'n gwybod ei bod hi wedi bod yn gyfnod anodd a
chythryblus dros ben i lawer o fusnesau, yn enwedig am fod y sialens bellach yn ddeublyg yn sgil effeithiau ymadawiad y DU â'r UE.
|
 |
|
Roedd y gyfres gyntaf o geisiadau ar gyfer y cynllun newydd yn cynnwys 2 gais o Gymru ac mae'r rhain yn cael eu hasesu ar hyn o bryd gan banel Dynodiadau Daearyddol y DU. Mae nifer o geisiadau newydd o Gymru yn agosáu at eu camau drafft terfynol a gobeithio y cânt eu cyflwyno i banel Dynodiadau Daearyddol y DU dros y misoedd nesaf.
Mae tudalen we Dynodiadau Daearyddol Llywodraeth Cymru yn rhoi rhagor o gyngor ynghylch sut i wneud cais ar gyfer y cynllun ac yn arddangos rhai o asedau hyrwyddo Dynodiadau Daearyddol sydd bellach ar gael, er mwyn helpu i godi proffil teulu Dynodiadau Daearyddol Cymru a'u cynnyrch Dynodiadau Daearyddol Cymraeg.
Yn ychwanegol, mae Llywodraeth Cymru wedi creu ‘straeon bwyd’ cynnyrch Dynodiadau Daearyddol unigol i arddangos eu cynhyrchwyr a chynnyrch ymhellach. Er enghraifft, mae fideo Conwy Mussel PDO i’w weld isod.
https://vimeo.com/505211998/038915537c
|
 |
|
Lansiwyd ein Strategaeth Brofi COVID-19 ddiwygiedig ar gyfer Cymru ar 28 Ionawr 2021. Mae'n nodi sut y byddwn yn cyflawni'r blaenoriaethau profi yn y dyfodol gan gynnwys canolbwyntio ar brofion i gefnogi a chynnal gwasanaethau allweddol yn y sector cyhoeddus a'r sector preifat.
Bydd profion ar gael tan ddiwedd mis Mehefin 2021.
Os oes gennych unrhyw gwestiynau am y fframwaith neu os hoffech drafod ymhellach, cysylltwch â: Covid19.WorkplaceTesting@llyw.cymru
|
 |
|
Nid yw'r pandemig wedi annog llawer o entrepreneuriaid bwyd a diod i gychwyn - ac er bod Canolfan Bwyd Cymru wedi cau ers mis Mawrth 2020, maent wedi gallu addasu eu gwasanaethau i gynnig cefnogaeth ar-lein ac o bell i fusnesau. Mae'r gwasanaeth cychwyn ar-lein wedi'i gynllunio i helpu cynhyrchwyr bwyd a diod newydd i droi eu diddordeb angerddol mewn i fusnes.
|
 |
|
Mae cynnyrch y DU yn enwog ledled y byd am ei dreftadaeth, ei ansawdd uchel a'i olrhain. O ganlyniad, mae'r galw byd-eang am gynhyrchion bwyd a diod o ansawdd a phremiwm y DU yn tyfu.
Mae bargeinion masnach newydd yn agor drysau i fusnesau amaethyddiaeth a bwyd a diod Prydain ledled y byd, ac mae'r Adran Masnach Ryngwladol (DIT) yn cynnig cyngor a chymorth am ddim i helpu eich busnes i fanteisio ar gyfleoedd byd-eang newydd.
O nodi marchnadoedd newydd i ddatblygu eich gwefan e-fasnach mae ein harbenigwyr yma – p'un a ydych yn newydd i allforio neu'n awyddus i dyfu eich gwerthiant rhyngwladol.
|
 |
|
Mae Llywodraeth Cymru wedi lansio cynllun newydd gwerth £1.3m i helpu sector pysgota a dyframaethu Cymru yn dilyn y ddau argyfwng i'w busnesau a achoswyd drwy adael yr UE a phandemig Covid-19.
Bydd rhan gyntaf y cynllun yn gweld grant untro wedi'i dargedu ar gael i fusnesau pysgota cymwys sy'n berchen ar longau yng Nghymru, gyda'r grant sy'n cyfateb i gostau llongau am dri mis, wedi'i gapio ar £10,000.
|
 |
|
Mae'r llywodraeth wedi cyhoeddi cymorth ychwanegol i fusnesau'r DU sydd â llai na 500 o weithwyr.
Bydd BBaChau sy'n masnachu gyda'r UE yn unig ac sydd felly'n newydd i brosesau mewnforio ac allforio yn cael eu hannog i wneud cais am grantiau o hyd at £2,000 i bob masnachwr dalu am gymorth ymarferol gan gynnwys hyfforddiant a chyngor proffesiynol i sicrhau y gallant barhau i fasnachu'n effeithiol gyda'r UE.
Gwneud cais am grant i helpu busnesau bach a chanolig sy'n newydd i fewnforio ac allforio. (Saesneg yn unig)
|
 |
|
Roeddem am roi gwybod i chi bod diweddariad ar y Cynllun Cymorth Hunanynysu a sut i hawlio taliad.
Os cafodd rhywun wybod am hunanynysu gan ap COVID-19 y GIG, gallant bellach ddefnyddio'r ap i wneud cais am daliad o £500 drwy'r cynllun cymorth hunanynysu i helpu gyda cholli enillion.
Mae'r wybodaeth ddiweddaraf am y cynllun cymorth hunanynysu ar gael yma.
|
 |
|
Mae Cynllun Buddsoddi mewn Busnesau Gwledig (Bwyd) yn talu costau buddsoddiadau cyfalaf ac yn cefnogi prosiectau sy'n cynnig manteision clir a mesuradwy i'r diwydiant bwyd a diod yng Nghymru.
Mae'r cynllun yn agored i broseswyr a gweithgynhyrchwyr bwyd a diod bach micro a newydd ledled Cymru.
Uchafswm cyfradd y grant ar gyfer unrhyw brosiect buddsoddi unigol yw 40% o gyfanswm y costau cymwys. Uchafswm trothwy'r grant fesul ymgymeriad ar gyfer unrhyw brosiect buddsoddi unigol yw £150,000, a'r lleiafswm yw £5,000
Mae canllawiau a meini prawf newydd ar gyfer y cynllun ar gael yma.
Gallwch wneud cais am Cynllun Buddsoddi mewn Busnesau Gwledig (Bwyd) drwy Taliadau Gwledig Cymru (RPW) Ar-lein YN UNIG. Os nad ydych wedi cofrestru gyda RPW Ar-lein ac yn dymuno cyflwyno cais, cyfeiriwch at y canllawiau ar sut i gofrestru sydd ar gael ar y ddolen hon Taliadau Gwledig Cymru (RPW) Ar-lein.
|
 |
|
Yn ystod y 12 mis diwethaf mae’r sector bwyd a diod wedi cael ei daro’n galed. Os ydych yn fanwerthwr, yn ymwneud â lletygarwch neu’n gynhyrchydd bwyd a diod, bydd COVID a Brexit wedi eich effeithio. Mis Mawrth diwethaf, ysgogodd Guild of Fine Food ei hun i roi cefnogaeth ac i annog meddwl creadigol mewn busnesau bach a chanolig. Gwnaethom ledaenu deddfwriaeth a chyfeiriad pwysig ar arfer da i helpu busnesau i oroesi. Roedd rhan o'r gwaith hwnnw'n cynnwys lobïo'r llywodraeth a llywio polisi. Gallwch ein helpu drwy gwblhau'r arolwg isod fel y gallwn ddeall y sector yn well a'r heriau y mae wedi'u hwynebu ac y bydd yn eu hwynebu. Byddwn yn parhau i gynrychioli'r sector bwyd a diod annibynnol yng Nghymru a ledled y DU.
Dyddiad cau 31 Mawrth
https://www.surveymonkey.co.uk/r/NMYJN75
|
 |
|
O fis Hydref 2021, bydd cyfreithiau labelu bwyd newydd ar gyfer bwyd wedi'u rhagbecynnu i'w gwerthu'n uniongyrchol (PPDS) yn cael eu cyflwyno.
Mae'r gofynion newydd yn golygu y bydd angen i fwyd (PPDS) gael enw'r bwyd a rhestr gynhwysion llawn gyda chynhwysion alergenig yn cael eu pwysleisio yn y rhestr.
Bydd y newidiadau hyn yn helpu i ddiogelu defnyddwyr sy'n gorsensitif drwy ddarparu gwybodaeth am alergenau a allai achub bywydau ar y pecynnu.
|
|
|
Gall busnesau bwyd ddefnyddio adnodd ar-lein newydd i asesu pa mor agored ydynt i droseddau bwyd.
Mae'r Adnodd Hunanasesu Gwydnwch Twyll yn arwain perchnogion a gweithwyr busnesau bwyd trwy gyfres o gwestiynau sydd wedi'u dylunio i'w helpu i nodi risg troseddau bwyd yn eu busnes, ac yn amlinellu'r camau y gallant eu cymryd i liniaru hyn. Gall busnesau ddefnyddio’r adnodd yn ddienw neu ddewis rhannu eu manylion gyda'r Asiantaeth Safonau Bwyd (ASB) i gael cyngor a chefnogaeth wedi'u teilwra.
|
 |
|
Mae hybu garddwriaethol yn allweddol i gynlluniau Llywodraeth Cymru i ddod allan o bandemig y coronafeirws ac mae wedi ei enwi gan eu Tasglu Adferiad Gwyrdd fel ffordd o gyflymu taith Cymru at economi carbon isel a gwlad iachach a mwy cyfartal.
Mae’r Cynllun Gweithredu ar gyfer y Diwydiant Garddwriaeth Fasnachol yng Nghymru yn darparu map ffordd ac yn argymell dulliau gweithredu i adeiladu yn unol ag amcanion strategol Llywodraeth Cymru. Mae’r Cynllun Gweithredu hwn yn amlinellu dull aml-randdeiliad, cadwyn gyflenwi gyfan i ddatblygu a chynnal cynhyrchu cynnyrch garddwriaethol masnachol yng Nghymru am y tymor hir.
|
 |
|
Fel rhan o Wobrau Dysgwyr Lantra, mae Gwobr Hyfforddi Tyfu Cymru’n rhoi cydnabyddiaeth i fusnesau garddwriaeth am ymrwymiad arbennig i Ddatblygiad Proffesiynol Parhaus. Mae enillydd y wobr, Hootons Homegrown yn fferm deuluol sy’n falch o gynhyrchu ffrwythau a llysiau cartref yn Sir Fôn.
Yn gydradd ail roedd Puffin Produce Ltd – y cyflenwyr mwyaf o gynnyrch Cymreig yng Nghymru a Seiont Nurseries Cyf. yng Nghaernarfon sy’n cyflenwi planhigion drwy’r post. Darllenwch ragor
|
 |
|
Mae cyfres o raglenni newydd wedi ei lansio i gefnogi tyfwyr garddwriaeth masnachol yng Nghymru. I dyfwyr sy’n anelu at apelio at fwy o gwsmeriaid neu gwsmeriaid a marchnad fanwerthu gwahanol. Mae Cyfres Hyfforddiant Gwarant Fferm wedi ei anelu at dyfwyr sy’n ystyried gwneud cais am safonau neu gynlluniau garddwriaethol, gan gynnwys Red Tractor, Soil Association M&S Select Farm a LEAF. Mae hyfforddiant 12 mis Tyfu Cymru Hyfforddiant Cynhyrchu Hadau wedi ei gynllunio i roi’r offer iawn i dyfwyr er mwyn iddyn nhw fod yn gymwys i dyfu cnydau hadau llysiau wedi eu peillio'n agored. Mae’r Rhaglen Arallgyfeirio i Arddwriaeth, wedi ei chynllunio i roi’r dechrau gorau i ffermwyr ym myd cynhyrchu garddwriaeth. Yn olaf, bydd Rhwydwaith Integredig Rheoli Plâu a Chlefydau Tyfu Cymru yn helpu tyfwyr i benderfynu beth yw’r pwysau cyfredol o ran plâu a chlefydau a’r angen i’w hatal a’u rheoli. Darllenwch ragor
|
 |
|
Mae casgliad newydd o ryseitiau sy'n tynnu dŵr i’r dannedd ac yn dod â bwydlen o brydau blasus o bob cwr o'r byd at ei gilydd bellach ar gael. Ei enw yw 'The Melting Pot', ac mae'r 30 o ryseitiau a gasglwyd gan Maggie Ogunbanwo gyda chyfraniadau gan aelodau o'r gymuned lleiafrifoedd ethnig yng Nghymru yn dathlu amrywiaeth ddiwylliannol y wlad.
|
 |
|
Yn dilyn ymgyrch lwyddiannus lle gwelwyd cynnydd sylweddol mewn archebion dros gyfnod y Nadolig yn 2020, mae rhai o gynhyrchwyr diodydd gorau Cymru wedi dod ynghyd i lansio ymgyrch newydd i gynyddu gwerthiant drwy gydol y flwyddyn.
Bydd ymgyrch ‘Diodydd Cymru’, sy’n cael ei chefnogi gan Glwstwr Diodydd Cymru, yn galluogi prynwyr i ddarganfod yr amrywiaeth o gynhyrchwyr diodydd sydd gan Gymru, yn cynnwys cynhyrchwyr gwin, cwrw, seidr, gwirodydd, dŵr, diodydd meddal, diodydd iechyd, te a choffi.
|
 |
|
Drwy gydweithio, mae cynhyrchwyr bwyd a diod o Gymru yn hybu eu cyfran o’r farchnad gynyddol ar gyfer rhoddion ar-lein.
Cymaint fu llwyddiant cynllun cydweithio a grëwyd i helpu cynhyrchwyr i gyrraedd siopwyr dros gyfnod y Nadolig, nes ei fod wedi’i ddatblygu ymhellach yn ystod 2021.
|
 |
|
Oeddet ti’n gwybod bod modd archebu arwyddion ‘Ar Agor/Ar Gau’ dwyieithog am ddim drwy wefan Helo Blod? Gyda chyfyngiadau yn llacio yn raddol ar draws Cymru a busnesau yn paratoi i ailagor i’r cyhoedd mae’n amser gwych i archebu!
Os wyt ti neu dy staff yn siarad Cymraeg, gallet ti archebu laniard a bathodyn sy’n dangos i dy gwsmeriaid pwy sy’n gallu siarad neu sy’n dysgu Cymraeg.
Ond mae Helo Blod yn cynnig llawer iawn mwy na hyn. Gallwn gynnig cyfieithu, gwirio testun a chyngor ymarferol am ddim ar sut i farchnata a hyrwyddo dy fusnes a gwneud y Gymraeg yn fwy amlwg yn dy siop, caffi, bwyty ac ar dy wefan.
Cer draw i llyw.cymru/HeloBlod i ddarganfod mwy.
|
 Gan adeiladu ar lwyddiannau digwyddiadau blaenorol, bydd BlasCymru/TasteWales 2021 yn cynnwys cymysgedd o elfennau digidol a chorfforol a dyma'r trydydd tro i gynhyrchwyr, prynwyr a gweithwyr proffesiynol yn y diwydiant bwyd o bob cwr o'r byd ymgynnull yn y digwyddiad masnach bwyd a diod rhyngwladol a'r gynhadledd yng Nghymru. Mae'r cyfleoedd yn cynnwys:
- Cyrchu bwyd a diod o Gymru – o frand i label breifat
- Arddangosfa Cynnyrch
- Cwrdd ag ystod eang o gyflenwyr
- Fformat cyfarfod rhagarweiniol sy'n effeithlon o ran amser
I ddysgu mwy a chofrestru eich ymweliad diddordeb: tastewales.com
 |
|
Sesiynau addysgiadol a diddorol gan arweinwyr ac arbenigwyr o'r diwydiant Bwyd a Diod. Gyda’r nod i fusnesau Cymru gael golwg fanwl a gwerthfawr. Cymerodd cyfanswm o 260 o bobl ran yn y gynhadledd agoriadol rithiol, a gynhaliwyd dros 3 diwrnod
I wylio'r trafodaethau amhrisiadwy hyn am ddim, ac i ddysgu mwy, cofrestrwch ag ardal aelodau Bwyd a Diod Llywodraeth Cymru.
|
 |
|
Marchnata hyblyg mewn cyfnod o newid
Trefnwyd gan Glwstwr Bwyd da Bwyd a Diod Cymru ar ran Bwrdd y Diwydiant Bwyd a Diod
Bydd Tuck in 2021 yn cael ei gynnal yn rithiol ar ddydd Mercher 14eg a 21ain Ebrill 2021, dan ofal Scott James o Coaltown Coffee.
|
 |
|
Mae rhaglen twf busnes 20Twenty wedi datblygu rhaglen unigryw, newydd, gyffrous ac ymgysylltiol ar gyfer darpar reolwyr ac arweinwyr tîm sy'n cynnig gwobr ddeuol gan Brifysgol Met Caerdydd a'r Sefydliad Rheolaeth Siartiedig (CMI).
|
 |
|
Ymunwch â'r FDF a'n siaradwyr arbenigol ar gyfer y digwyddiad rhithwir ddeuddydd hwn sy'n archwilio rôl Awtomeiddio a Digideiddio yn y Diwydiant Bwyd a Diod.
|
|
|
Mae Gwobrau'r Ffederasiwn Bwyd a Diod yn cydnabod ac yn gwobrwyo rhagoriaeth ar gyfer arloesedd, cystadleurwydd a thalent yn y diwydiant bwyd a diod.
Bob blwyddyn, mae cwmnïau o bob rhan o'r gadwyn cyflenwi bwyd a diod yn cymryd rhan yng Ngroniadau'r Ffederaswin Bwyd a Diod, ac mae dros 500 o westeion yn dod at ei gilydd i ddathlu'r enillwyr yn seremoni Wobrwyo'r Ffederasiwn Bwyd a Diod.
|
 |
|
(Saesneg yn unig)
Bydd Gwobrau Caws Rhithwir arloesol y DU ar y cyd â Bwyd a Diod Cymru yn dychwelyd ddydd Gwener 7 Mai 2021 am yr ail flwyddyn ac yn parhau i gefnogi a dathlu diwydiant caws arloesol Prydain. Mae'r ceisiadau ar agor NAWR ond byddant yn cau ar 24 Mawrth 2021.
Mae'r gwobrau wedi cynyddu o 300 i 400 o geisiadau unigol ar draws naw categori gan wneud cyfanswm o 42 o ddosbarthiadau unigol, felly mae digon o gyfle i chi gofrestru eich caws.
Bydd y gwobrau'n dathlu amrywiaeth ac ansawdd cyfoethog cynnyrch llaeth lleol ac mae’n gyfle gwych i gynhyrchwyr caws Cymru ddangos ansawdd eu cawsiau blasus a chyffrous.
I gael cyfle i ennill gwobr am eich caws Cymreig; cofrestrwch eich caws cyn 24 Mawrth ar www.virtualcheeseawards.com
|
 |
|
Her y Cogyddion Byd-eang yw lle mae cogyddion gorau'r byd yn cyfarfod i gystadlu mewn tri chategori cystadleuaeth: Her y Cogyddion Byd-eang, Her Cogyddion crwst Byd-eang, a Her Cogyddion Ifanc Byd-eang.
|
 |
|
Mewn ymateb i achosion o Covid-19 cyhoeddodd y Clwb Allforio y bwletin allforio Covid-19 cyntaf ar 26 Mawrth 2020.
|
Mae gan Bwyd a Diod Cymru gyfrwng cymdeithasol newydd. Dilynwch ni ar ein cyfrif Facebook BwydaDiodCymru a dilyn holl bethau bwyd a diod - newyddion, digwyddiadau a mwy #bwydadiodcymru
|
|
