Llythyr at fusnesau oddi wrth Ken Skates: Diwedd Cyfnod Pontio’r UE

Mae Gweinidog yr Economi, Trafnidiaeth a Gogledd Cymru, Ken Skates, wedi cyhoeddi llythyr, yn tynnu sylw at sawl adnodd y gall busnesau eu defnyddio yn dilyn diwedd Cyfnod Pontio’r UE.

Mae’r adnoddau hyn yn cynnwys Porth Cyfnod Pontio'r UE Busnes Cymru, sy’n cynnig cyngor ac arweiniad ynghylch paratoi ar gyfer y berthynas fasnachu newydd, a hefyd wybodaeth am y datblygiadau diweddaraf.

Mae’r llythyr hefyd yn tynnu sylw at adnodd tracio a ddatblygwyd gan Lywodraeth y DU (Saesneg yn unig), sy’n galluogi busnesau i dderbyn rhestr wedi’i phersonoli o gamau ar gyfer cynorthwyo â’r rheolau masnachu newydd.

Perthynas Cymru â'r Undeb Ewropeaidd yn y dyfodol

Yn dilyn diwedd y Cyfnod Pontio mae Prif Weinidog Cymru wedi ysgrifennu at Ursula Von dêr Leyen, Llywydd y Comisiwn Ewropeaidd, ynghylch sut y gallai Cymru ddatblygu perthynas adeiladol a chadarnhaol gyda’r UE.

Mae'r llythyr, lle y mae Cymru'n ymrwymo i barhau i fod yn wlad Ewropeaidd sy’n edrych tuag allan, yn cefnogi gweithrediad effeithiol Cytundeb Masnach a Chydweithredol rhwng yr UE ar DU.

.

Masnachu Trawsffiniol (Porthladdoedd)

Mae’n rhaid i fusnesau sydd wedi’u lleoli ym Mhrydain Fawr ddilyn rheolau newydd ar gyfer masnachu â’r UE a chyda Gogledd Iwerddon.

• Mae Paratoi Cymru yn cynnwys yr wybodaeth ddiweddaraf am symud nwyddau drwy borthladdoedd Caergybi, Abergwaun, a Doc Penfro.
• Gweler y diweddariad diweddaraf am gynlluniau wrth gefn ar gyfer Porthladd Caergybi.
• Ar gyfer masnach rhwng Prydain Fawr ac Iwerddon, mae rhagor o wybodaeth am greu hysbysiad gofynnol cyn byrddio (PBN) i gludwyr a Gwasanaeth Tollau Gyrru i Mewn ac Allan (RoRo Service) Cyllid Iwerddon (Saesneg yn unig).
• Mae rhagor o ganllawiau ar fasnach drawsffiniol â’r UE ar wefan Busnes Cymru.
• Ar gyfer masnach rhwng Prydain Fawr a Gogledd Iwerddon, dylech gofrestru ar gyfer Gwasanaeth Cymorth i Fasnachwyr Llywodraeth y DU (Saesneg yn unig).

Llywodraeth y DU: rhestr o fusnesau sydd wedi'u cymeradwyo i allforio i'r UE

Cyhoeddodd Llywodraeth y DU yn ddiweddar restr o fusnesau sydd wedi’u cymeradwyo i allforio i'r UE.

Os yw eich busnes wedi’i gofrestru ym Mhrydain Fawr neu’n un o’r Tiriogaethau sy’n ddibynnol ar y Goron (Jersey, Guernsey, Ynys Manaw), gwiriwch a yw wedi’i gymeradwyo.

Gallwch hefyd ddod i wybod beth yw eich rhif TRACES (System Rheoli Masnach ac Arbenigwyr). Mae angen ychwanegu’r rhif hwn at y dystysgrif Iechyd allforio ar gyfer y cynnyrch rydych yn ei allforio.

Cynllun Peilot Gweithwyr Tymhorol: cymorth ar gyfer ffermwyr a thyfwyr yn 2021

Mae Llywodraeth y DU wedi cadarnhau y bydd nifer y gweithwyr a ganiateir i deithio i'r DU er mwyn pigo a phecynnu ffrwythau a llysiau yn cynyddu ar gyfer cynhaeaf eleni.

Cafodd y Cynllun Peilot ei lansio’n wreiddiol yn 2019 ac mae wedi’i estyn a’i ehangu am flwyddyn ychwanegol. Mae 30,000 o fisas ar gael ar gyfer y rhai sy’n dymuno dod i’r DU a gweithio ar ffermydd am gyfnod o hyd at chwe mis.

Bydd y gweithwyr yn chwarae rhan allweddol yn y gwaith o helpu tyfwyr garddwriaethol i bigo a phecynnu eu cynnyrch yn 2021.

Llywodraeth y DU: cyhoeddi cwotas pysgota dros dro

Mae Llywodraeth y DU wedi cyhoeddi terfynau dros dro ar gyfer dalfeydd i bysgotwyr yn y DU, gan sicrhau y gall pysgota barhau heb unrhyw darf hyd nes y bydd y trafodaethau blynyddol ynghylch pysgodfeydd gyda’r UE, Norwy ac Ynysoedd Ffaro yn dod i ben.

Yn dilyn ymgynghori â’r Gweinyddiaethau Datganoledig a’r Sefydliad Rheoli Morol, mae terfynau dros dro ynghylch dalfeydd wedi’u pennu a hynny’n unol â Chytundeb Masnach a Chydweithredu rhwng y DU a'r UE, a byddant yn parhau hyd ddiwedd mis Mawrth.

Rheolau Tarddiad ar gyfer Nwyddau sy’n Symud rhwng y DU a’r UE

Rheolau Tarddiad (ROO) yw’r meini prawf a ddefnyddir i benderfynu lle y mae cynnyrch wedi’i gynhyrchu (e.e. Prydain, UE).

Os ydych chi’n mewnforio neu’n allforio, mae angen ichi wybod am y rheoliadau newydd, oherwydd y gallai cyfraddau tariff gwahanol fod yn gymwys, gan ddibynnu ar ddynodiad eich cynnyrch.

Mae Llywodraeth y DU wedi cyhoeddi canllawiau manwl ar y gofynion newydd o dan gytundeb y DU gyda’r UE (y Cytundeb Masnach a Chydweithredu).

Mae rhagor o wybodaeth am hawlio cyfraddau ffafriol ar dollau ar nwyddau a gwmpesir yn y cytundeb, ac ar ddatgan nwyddau a fewnforir i'r DU ar eich datganiad mewnforio (Saesneg yn unig).

Tîm Cysylltwyr Fferm

Cymorth un-i-un cyfrinachol. Os ydych angen trafod unrhyw beth cysylltwch gyda un o’r swyddogion.