Ar ddechrau blwyddyn newydd, mae'r diwydiant bwyd a diod yng Nghymru'n parhau i wynebu pwysau a sialensiau aruthrol, ond rhaid i ni gofio ei bod yn anochel y bydd yna gyfleoedd hefyd, er gwaethaf pa mor bell i ffwrdd mae'r rheiny'n ei deimlo ar hyn o bryd.   Rydyn ni'n deall bod y cyfyngiadau sy'n angenrheidiol i reoli ton ddiweddaraf pandemig y coronafeirws yn taro'r busnesau bwyd a diod hynny sy'n cyflenwi'r byd lletygarwch galetaf, ac rydyn ni'n parhau i wasgu am becynnau cymorth ar gyfer y busnesau hynny sy'n dioddef waethaf gyda'n cydweithwyr o fewn y Llywodraeth.

Mae'r DU bellach wedi ymadael â'r UE, a bydd hyn yn sicr o effeithio ar gynhyrchwyr bwyd a diod yng Nghymru. Yr ystyriaethau allweddol yw'r bobl hynny sy'n allforio i Ewrop a Gogledd Iwerddon, a'r rhai sy'n mewnforio. Bydd sicrhau bod eich busnes wedi mapio newidiadau ac atebolrwydd yn y meysydd hyn, a bod ganddo'r wybodaeth ddiweddaraf gan y Llywodraeth ar flaen ei fysedd, yn golygu bod busnesau bwyd a diod yn llai tebygol o wynebu oedi ac anawsterau. Mewn sawl ffordd, mae hi'n siwrnai o ddysgu i ni gyd.

Mae Bwrdd Diwydiant Bwyd a Diod Cymru yma i helpu trwy ddeall beth sydd ei hangen fwyaf arnoch chi, ein cydweithwyr yn y diwydiant, ar yr adeg yma, boed hynny'n wybodaeth, yn arweiniad neu'n gyngor, yn ogystal â gweithredu fel dolen gyswllt i'r llywodraeth. Gall busnesau bwyd a diod gyrchu hunanasesiadau a chynghorion wedi eu teilwra am effaith ymadael â'r UE. I wneud cais am ddiagnosteg gan brosiect Cywain, e-bostiwch: cywain@menterabusnes.co.uk

Er y cytunwyd ar gytundeb masnach cychwynnol rhwng y DU a'r UE, megis dechrau mae'r trafodaethau o ran cytundebau masnach estynedig y tu hwnt i'r UE.  Fel rydw i wedi ei ddweud o'r blaen, rhaid i ni fel diwydiant fod yn glir ynghylch beth rydyn ni am ei gael o'r trafodaethau hynny, a gweithio gyda'n gilydd i sicrhau bod ein llais yn cael ei glywed. A dyma lle mae cyfle i ni - mae ein diwydiant bwyd a diod yn neilltuol, a gall gystadlu ar lwyfan fyd-eang os ydyn ni'n meddwl yn ddoeth ac yn cadw'n hyblyg.

Os hoffech chi gysylltu â fi'n uniongyrchol i drafod y materion y mae'ch busnes neu'ch sector yn eu hwynebu, e-bostiwch Chair.FDWIB@llyw.cymru

Andy Richardson, Cadeirydd Bwrdd Diwydiant Bwyd a Diod Cymru

Y newyddion am Covid-19 a diwedd Cyfnod Pontio'r UE i fusnesau bwyd a diod

• Y Canghellor yn cyhoeddi cymorth pellach i fusnesau ar gyfer y cyfnod clo (Saesneg yn unig)

• Mynegiannau o Ddiddordeb ar gyfer y Cynllun Buddsoddi mewn Busnesau Gwledig – BWYD yn agor ar 18 Chwefror 2021

• Gweithwyr ffynonellau hanfodol y gadwyn gyflenwi'n defnyddio'r Gymdeithas Darparwyr Llafur newydd (Saesneg yn unig)

• Gwiriwch a oes gan eich busnes ganiatâd i allforio i'r UE (Saesneg yn unig)

• Cofrestrwch eich busnes gweithgynhyrchu bwyd am brofion coronafeirws – Cysylltwch ag Angela Coleshill i gymryd rhan

• Gwiriwch y gweithdrefnau ar dollau tramor wrth allforio nwyddau (Saesneg yn unig)

• Gwiriwch y rhwystrau i fasnachu a buddsoddi dramor (Saesneg yn unig)

• Canllawiau digidol Defra ar Bontio o'r UE ar gyfer busnesau bwyd a diod (Saesneg yn unig)

• Canllawiau Defra i Fusnesau ar Reolau Tarddiad yr UE

• Hawlio cyfraddau tollau ffafraethol rhwng y DU a'r UE o 1 Ionawr ymlaen (Saesneg yn unig)

• Cynlluniau Dynodiad Daearyddol (GI) newydd y DU

• Cwrdd â Chanolfan ZERO2FIVE y Diwydiant Bwyd Ar Lein

• Hyfforddiant ar lein am ddim gyda BioArloesedd Cymru

• Gweminarau Gwybodaeth Llywodraeth Cymru am y Farchnad Manwerthu

• Cronfa £180m ar gyfer busnesau lletygarwch, hamdden a thwristiaeth

Y newyddion diweddaraf o'r diwydiant

• Rhaid i lais cynhyrchwyr bwyd a diod Cymru gael ei glywed mewn cytundebau masnach yn sgil Brexit (Saesneg yn unig)

• A allai wisgi Cymru gael ei statws gwarchodedig ei hun? (Saesneg yn unig)

• Margaret Ogunbanwo yn trafod ei phrofiadau a'i chynlluniau ar gyfer ei busnes yn 2021 (Saesneg yn unig)

• Pedwar o effeithiau allweddol cytundeb Brexit ar fwyd a diod y DU (Saesneg yn unig)

• Rhai o'r danteithion figan blasus sydd ar gael yng Nghymru'r mis yma (Saesneg yn unig)

• James Martin a Stephen Terry'n coginio gyda chig oen Cymreig ar sioe ITV (Saesneg yn unig)

Camau allweddol diweddar gan y Bwrdd

• Cynhaliodd y Bwrdd gyfarfod strategaeth a chynllunio ar gyfer 2021 a'r tu hwnt, a thrafodaethau ynghylch rôl y Bwrdd wrth barhau i helpu diwydiant Bwyd a Diod Cymru i dyfu.

• Cynhaliwyd cyfarfod ar Gytundeb Masnach a Chydweithredu'r UE-DU er mwyn deall y materion sy'n bwysig i'n diwydiant a pha gamau y dylai'r Bwrdd a Llywodraeth Cymru fod yn eu cymryd. Rydyn ni'n defnyddio'r wybodaeth yma i lobïo am weithredu ar faterion nad ydynt wedi eu datganoli yn San Steffan ac er mwyn i Gymru fod â llais ar draws y DU.

• Cynhaliodd y Bwrdd sesiwn ar y trafodaethau masnach sydd ar y gweill rhwng y DU a gweddill y byd, ac effaith hyn a'r cyfleoedd i Gymru.

• Mae'r Bwrdd yn rhannu dolenni at wybodaeth, cefnogaeth a phecynnau cymorth trwy Twitter a LinkedIn.

Cadwch mewn cysylltiad am ddiweddariadau ar Twitter a LinkedIn Ymunwch â'n Grŵp Facebook i rannu gweithluoedd. Cysylltwch â ni trwy e-bost yn Chair.FDWIB@llyw.cymru