| |
Nod ymgyrch #CaruCymruCaruBlas #LoveWalesLoveTaste yw codi ymwybyddiaeth o fwyd a diod gwych o Gymru ac annog y gymuned Gymreig i gefnogi cynhyrchwyr bwyd a diod o Gymru. Fel rhan o'r ymgyrch, cynhelir Diwrnodau Dathlu Bwyd a Diod o Gymru, gan ddechrau gyda’r cyntaf a gynhelir ar: Ddydd Gwener 3 Gorffennaf 2020 ynghyd â dau ddiwrnod arall – un ym mis Awst, ac un ym mis Medi.
Nod yr ymgyrch yw annog pobl i barhau i gefnogi cynhyrchwyr a manwerthwyr Cymru drwy brynu cynhyrchion bwyd a diod o Gymru – naill ai yn y siopau neu ar-lein.
 |
|
Lesley Griffiths AS, Gweinidog yr Amgylchedd, Ynni a Materion Gwledig gyda chefnogaeth y Bwrdd Bwyd, cynhaliwyd gweminar ar 2 Gorffennaf gyda dros 130 o fusnesau i drafod argyfwng COVID-19 a'i effaith ar weithgynhyrchu bwyd. Roedd y gweminar yn canolbwyntio ar fusnesau bwyd yn gweithredu i safonau uchel er mwyn lleihau'r risg y gallai'r gweithlu gontractio a lledaenu COVID-19 yn y gweithle. Cafodd y gweminar dderbyniad da iawn.
|
 |
|
Wrth i ni barhau i wynebu’r newidiadau cyflym o ran effeithiau pandemig Covid-19, a gyda rhai o
ddyddiadau allweddol Brexit ar y gorwel, mae Bwrdd Diwydiant Bwyd a Diod Cymru wedi bod yn
siarad â'r Llywodraeth a’r diwydiant yn gyson er mwyn cael yr arweiniad a'r cymorth gorau posibl yn
ystod y cyfnod ymestynnol yma.
|
 |
|
O ganlyniad i COVID-19 ataliwyd ymgyrch recriwtio Adran yr Amgylchedd, Ynni a Manterion Gwledig Llywodraeth Cymru ar gyfer aelodau ychwanegol i Fwrdd Diwydiant Bwyd a Diod Cymru (BDBDC). Mae'r ymgyrch yn cael ei ailgychwyn yn ystod y mis hwn (Gorffennaf 2020). Bydd cyhoeddiadau pellach yn cael eu gwneud yng Nghylchlythyr BDBDC. Mae linc cofrestru i gylchlythyr BDBDC ar welod y cylchlythyr hwn.
Y Bwrdd yw llais y diwydiant bwyd a diod yng Nghymru. Mae'n rhoi cyfeiriad, yn annog rhwydweithio ac yn rhannu gwybodaeth hanfodol. Hefyd, mae'n darparu ffyrdd ffurfiol ac anffurfiol o gynnig cyngor i'r Llywodraeth.
|
 |
|
Mewn cydweithrediad â Bwrdd Diwydiant Bwyd a Diod Cymru, rydym wedi crynhoi rhai o’r ystyriaethau sy’n ofynnol ar gyfer gweithgynhyrchwyr bwyd a diod yng Nghymru mewn perthynas â’r risgiau a gyflwynir gan Coronavirus.
|
 |
|
Cyngor i helpu safleoedd prosesu cig a bwyd i reoli risg COVID-19 i weithwyr.
|
 |
|
Pecyn cymorth ac asedau i gyflogwyr gweithwyr hanfodol gyfathrebu strategaeth profi, olrhain, diogelu.
|
 |
|
Mewn ymateb i achosion COVID-19, mae Llywodraeth Cymru wedi cyhoeddi mesurau i gynorthwyo busnesau drwy'r cyfnod anodd hwn gan ymestyn y Gronfa Cadernid Economaidd ymhellach a chyflwyno Grant Busnes Newydd i fusnesau yng Nghymru, sy’n ychwanegol i’r cymorth a ddarperir gan Lywodraeth y DU.
Rhedeg eich busnes
Mae Busnes Cymru'n cefnogi pobl sy’n dechrau, yn rhedeg neu’n tyfu busnes. Rhoddir cyngor ar-lein, dros y ffôn ar ein Llinell Gymorth, neu wyneb-yn-wyneb, ac mae ein 10 canllaw gorau’n trafod hanfodion fel cyllid, cymorth technegol, ennill sgiliau masnachol, datblygu busnes, marchnata, eiddo a lleoliad, a mentora.
|
 |
|
Mae mwy a mwy o fusnesau’n paratoi i ddychwelyd i’r gwaith wrth i gynlluniau’r llywodraeth yn ymwneud â lleihau cyfyngiadau cadw pellter cymdeithasol barhau i ddod i’r amlwg. Mae’r daflen wybodaeth hon a ddatblygwyd gan Corinna Lloyd-Jones, Cyfarwyddwr Adnoddau Dynol Menter a Busnes, yn amlinellu rhai o’r ystyriaethau cyflogaeth sy’n berthnasol ar hyn o bryd.
|
 |
|
Mae’r Gronfa wedi’i llunio i gefnogi busnesau, mentrau cymdeithasol ac elusennau nad ydyn nhw’n gymwys ar gyfer cynlluniau cymorth grant eraill nad oes angen eu had-dalu oherwydd COVID-19 gan Lywodraeth Cymru.
|
 |
|
Mae Llywodraeth y DU wedi lansio Cyfnod 1 y Gronfa Trawsnewid Ynni Diwydiannol (IETF). Bydd y rhaglen gyllid yn cefnogi busnesau sy’n defnyddio llawer o ynni i drawsnewid i ddyfodol carbon isel a lleihau eu hallyriadau drwy ddefnyddio ynni yn fwy effeithlon a datgarboneiddio.
|
 |
|
O 1 Gorffennaf 2020, gall cyflogwyr ddod â gweithwyr sydd wedi bod ar ffyrlo yn flaenorol yn ôl i’r gwaith am unrhyw gyfnod o amser neu unrhyw batrwm shifft, gan barhau i hawlio grant y Cynllun Cadw Swyddi drwy gyfnod y Coronafeirws o hyd am eu horiau arferol nad ydyn nhw’n eu gweithio.
|
 |
|
Mae cynhyrchwyr bwyd a diod o Gymru wedi derbyn gwybodaeth arbenigol uniongyrchol ynglŷn â sut i addasu a llywio eu mentrau trwy’r argyfwng COVID-19.
|
 |
|
Cafodd Is-adran Fwyd Llywodraeth Cymru (Prif bartner), partneriaid traws-lywodraethol Llywodraeth Cymru – Arloesi Iechyd, Addysg, Caffael, Cymdeithas Llywodraeth Leol Cymru, Innovate UK, Strategaeth arloesi ei anrhydeddu ochr yn ochr â goreuon cymuned gaffael Cymru yn ddiweddar yng Ngwobrau GO Cymru, Rhagoriaeth mewn Caffael Cyhoeddus, a gynhaliwyd ar 19 Mehefin.
|
 |
|
Bydd glasbrint ar gyfer gweithredu’n ddiogel a chynhyrchiol gan gynhyrchwyr yn ystod cyfnod COVID-19 yn rhoi hyder i’r diwydiant bwyd yng Nghymru i fedru addasu i’r dull gweithredu normal newydd fel y dechreuwn ddod.
|
 |
|
Cafodd Margaret Ogunbanwo ei magu a’i haddysgu yn Nigeria. Sefydlodd ei busnes, Maggie’s Exotic Foods, mewn ymgais i ail-greu rhai o’r bwyd bendigedig a gafodd ei magu yn ei fwyta. Ysbrydolwyd y busnes gan angerdd Maggie am ei threftadaeth Affricanaidd, a’i chariad at fwyd, coginio a gweld pobl ifanc, yn enwedig menywod, yn tyfu i'w llawn botensial.
|
 |
|
Mae prentisiaethau Bwyd a Diod Cymru yn rhaglenni dysgu a gynlluniwyd gan gyflogwyr i helpu recriwtio a hyfforddi staff a chynhelir adolygiad a diwygiad gan y Llywodraeth. Mae ymgynghoriad yn mynd rhagddo ynghylch newidiadau arfaethedig i'r prif lwybrau prentisiaeth a ddefnyddir gan fusnesau a'r cyngor sgiliau sector. Mae'r Academi Sgiliau Genedlaethol ar gyfer bwyd a diod yn cynnal dau ymgynghoriad ar-lein. Bydd y cysylltiadau yma ac yma yn mynd â chi i fanylion y newidiadau arfaethedig ac i'r ymgyngoriadau.
Os yw prentisiaethau'n bwysig i'ch busnes a/neu eich sector, mae'n HANFODOL bod busnesau'n cael gwybod am y diwygiadau ac dim ond amser byr y bydd yr ymgynghoriad yn ei gymryd i gwblhau. Rydym yn gwerthfawrogi bod gan fusnesau lawer o bwysau i ymgodymu â nhw ar hyn o bryd ond cofiwch gymryd ychydig o amser i ymateb i'r ymgynghoriad hynod bwysig hwn.
|
 |
|
Mae Bwrdd Uchelgais Economaidd Gogledd Cymru wedi ymrwymo i gefnogi busnesau yn ystod y cyfnod anodd yma. Maent wedi cynhyrchu arolwg busnes i edrych ar effaith COVID-19, sut mae wedi effeithio ar fusnesau lleol a’i diwydiannau er mwyn cael dealltwriaeth o’r anghenion ynghyd a’r hyn sydd ei angen er mwyn cefnogi adferiad bydd y cyfyngiadau yn cael ei codi.
|
 |
|
Mae cimychiaid o Gymru yn gobeithio sefyll allan wrth i gynllun ‘bandiau bodiau wedi’u brandio’ gael ei lansio. Ar ôl dal cimychiaid, caiff bandiau rwber eu gosod ar eu bodiau i'w hatal rhag anafu eu hunain a'r rhai sy'n eu trin. Mae'r cynllun newydd yn golygu bod bandiau’n cael eu gosod ar gimychiaid i ddangos yn glir eu bod wedi cael eu dal yn nyfroedd Cymru gan bysgotwyr o Gymru
|
|
|
I gael y newyddion, y wybodaeth a'r cymorth diweddaraf ar gyfer sector bwyd a diod Cymru, gan Fwrdd Diwydiant Bwyd a Diod Cymru, cofrestrwch ar gyfer y Cylchlythyr wythnosol yn y linc uchod.
|
 Cyfle i ddarganfod mwy am ein cynhyrchwyr annibynnol a'u gwinoedd sy'n cael eu tyfu ym microhinsoddau cwbl unigryw Cymru.
 |
|
Rydym yn gwahodd ceisiadau oddi wrth aelodau Clwb Allforio Bwyd a Diod Cymru i gymryd rhan mewn Ymweliad Datblygu Masnach rhithwir ȃ Denmarc, y Ffindir, Norwy a Sweden a gefnogir gan Bwyd a Diod Cymru. Ein partneriaid yn y farchnad fydd yn darparu'r rhaglen allgymorth ar gyfer pob gwlad yw'r Adran Masnach Rhyngwladol (DIT).
|
 |
|
Mae Bwrdd Diwydiant Bwyd a Diod Cy Cymru yn eich gwahodd i ymuno â gweminar i
ddeall sut y gall y cymorth yswiriant credyd masnach a gefnogir gan y llywodraeth
helpu eich busnes. Mae pandemig Covid-19 wedi bod yn hynod o heriol i fusnesau
bwyd a diod, yn enwedig y rhai sy’n gweithio yn y maes gwasanaeth bwyd.
|
 Mae gan Bwyd a Diod Cymru cyfryngau cymdeithasol newydd. Dilynwch ni ar ein cyfrif Instagram Bwyd_a_Diod_Cymru a dilyn holl bethau bwyd a diod - newyddion, digwyddiadau a mwy #bwydadiodcymru
|
|
