Ar 12 Tachwedd, cyhoeddodd Lesley Griffiths AC, Gweinidog yr Amgylchedd, Ynni a Materion Gwledig y Cynllun Morol Cenedlaethol cyntaf erioed ar gyfer Cymru, gan bennu'n gweledigaeth ar gyfer datblygu'n moroedd yn gynaliadwy dros yr 20 mlynedd nesaf.

Wrth siarad yn y Senedd, dywedodd y Gweinidog,

"Mae'n bleser gen i gyhoeddi a mabwysiadu Cynllun Morol Cenedlaethol cyntaf Cymru, sy'n nodi'n gweledigaeth ar gyfer moroedd glân, iach a chynhyrchiol am yr 20 mlynedd nesaf. Hoffwn fanteisio ar y cyfle hwn i ddiolch i aelodau'r Pwyllgor Newid Hinsawdd, yr Amgylchedd a Materion Gwledig am eu hargymhellion sydd wedi'n helpu i lunio'r cynllun, a'r rhanddeiliaid a phartneriaid niferus sydd wedi rhoi o'u hamser, eu harbenigedd a'u syniadau.

Cafodd Cynllun Morol Cenedlaethol Cymru ei baratoi a'i fabwysiadu o dan Ddeddf y Môr a Mynediad Arfordirol (2009), sy'n sail ar gyfer cynllunio morol ledled y DU. Daw’r Gorchymyn hwn i rym ar unwaith. Mae Cynllun Morol Cenedlaethol Cymru yn cynnwys cynlluniau a pholisïau ar gyfer ardaloedd ar y tir (allan i 12 milltir fôr) ac ar y môr (12 i 200 milltir fôr).

Rydym wedi cyhoeddi nifer o ddogfennau atodol gyda'r cynllun:

Gwerthusiad Cynaliadwyedd - Adroddiad annibynnol i sicrhau bod ein cynllun morol yn bodloni amcanion cynaliadwyedd a llesiant. (Saesneg yn unig)

Asesiad Rheoliadau Cynefinoedd - Adroddiad annibynnol i ddeall sut y gallai ein cynllun morol gael effaith ar fywyd gwyllt. (Saesneg yn unig)

Crynodeb o newidiadau yn dilyn ymgynghoriad - Yn rhestru'r newidiadau a wnaethpwyd i'r Cynllun Morol drafft yn dilyn yr ymgynghoriad.

Rydym hefyd wedi diweddaru'n porthol Cynllunio Morol sy'n cyflwyno'r dystiolaeth orau sy'n bod am ardaloedd y Cynllun Morol. Rydym hefyd wedi paratoi Cwestiynau Cyffredin.