Ar ôl inni gyhoeddi’r cynllun, bydd dyletswydd statudol ar Awdurdodau Cyhoeddus Perthnasol i wneud penderfyniadau yn unol â’r strategaeth, oni bai bod ystyriaethau perthnasol eraill. Nodir y manylion yn adran 58 o Ddeddf y Môr a Mynediad i’r Arfordir (2009):

Mewn cydweithrediad â Chyfoeth Naturiol Cymru, lansiwyd Strategaeth Tystiolaeth Forol Cymru yn y digwyddiad “Tystiolaeth Amgylcheddol 2019 – Cynhadledd Tystiolaeth Forol' a gynhaliwyd gan Blatfform yr Amgylchedd Cymru ym mis Medi. Mae’r strategaeth hon ar gyfer y pum mlynedd nesaf yn nodi ein blaenoriaethau o ran tystiolaeth forol lefel uchel sy’n angenrheidiol i fod yn sail i bolisïau a chynlluniau morol Llywodraeth Cymru a Chyfoeth Naturiol Cymru, gyda’r nod o ddwyn ynghyd rhanddeiliaid morol ledled Cymru, y DU ac yn rhyngwladol i rannu arbenigedd a galluogi dull gweithredu effeithlon a chyfannol o ran casglu tystiolaeth ar draws y sector Morol.

Mae Ynni Morol Cymru wedi agor cam 1 ei brosiect Ardal Brofi Ynni Morol (META) ar gyfer busnesau. Gydag wyth o safleoedd sydd eisoes wedi derbyn cydsyniad o fewn a gerllaw Dyfrffordd y Ddau Gleddau, mae META yn anelu at helpu datblygwyr ddefnyddio, cael gwared o risg a datblygu eu technolegau ynni morol i ddefnyddio ynni enfawr y cefnffordd yn ehangach. Mae’r prosiect gwerth £1.9 miliwn yn cael ei gefnogi gan Gronfa Datblygu Ranbarthol Ewrop drwy Lywodraeth Cymru, ochr yn ochr â’r Gronfa Cymunedau Arfordirol. Bu’r Cwnsler Cyffredinol a Gweinidog Brexit, Jeremy Miles yn y lansiad yn Noc Penfro. Gwrandewch ar y Gweinidog yma a darllenwch y datganiad i’r wasg yma. 

Rhoddodd ein cydweithwyr Cynllunio Morol gyflwyniad yng nghynhadledd “Tystiolaeth Amgylcheddol 2019 – Tystiolaeth Forol” yn Abertawe fis Medi. Roedd Adrian Judd yn rhan o’r sesiwn â’r teitl “edrych ar ddefnyddio ein moroedd yn gynaliadwy drwy gynllunio morol yng Nghymru” oedd yn edrych ar sut y defnyddir tystiolaeth i gynorthwyo gyda cynllunio morol. Bu Rachel Mulholland yn cynnal gweithdy ar ystyriaethau trawsffiniol ym maes cynllunio morol a rheoli o dan arweiniad y Severn Estuary Partnership fel rhan o brosiect ‘hyrwyddo cysylltiad rhanddeiliaid’ yr MMO.

Bu cynrychiolwyr o dîm Cynllunio Morol Llywodraeth Cymru a’r Sefydliad Rheoli Morol yn cyflwyno ar y cyd ar bwysigrwydd aberoedd ac ystyriaethau trawsffiniol wrth gynllunio a rheoli yn y gweithdy Ar draws Traethau’r Ddyfrdwy ym mis Medi. Rhoddodd Rachel Mulholland o Lywodraeth Cymru drosolwg o Gynllun Morol Cenedlaethol Cymru a’r newyddion diweddaraf ar gynnydd, a bu Ed Wright o’r MMO yn cyflwynlo’r newyddion diweddaraf ar Gynllun Morol Gogledd Lloegr a chynlluniau eraill yn Lloegr. Wrth i’n Cynlluniau Morol ddatblygu, bydd gennym gysylltiadau cryf â’r MMO o hyd, yn enwedig gan bod cynlluniau y Gogledd-orllewin a’r De-orllewin wedi’u datblygu.

Llofnodwyd cytundeb cydweithredu gan sefydliadau yng Nghymru, Cernyw ac Iwerddon yn amlinellu ymrwymiad i gydweithio i ddatblygu prosiectau tyrbinau gwynt arnofiol yn y Môr Celtaidd, sydd â’r capasiti i gynhyrchu tuag un ran o dair o ofynion ynni adnewyddadwy ychwanegol y DU tra’n helpu i gyflawni targedau carbon isel. Llofnodwyd yr ymrwymiad gan Bartneriaeth Menter Lleol Cernyw ac Ynysoedd Scilly, Ynni Môr Cymru a Chymdeithas Diwydiant Ynni Morol Adnewyddadwy Iwerddon, a chyhoeddwyd y cytundeb gan Lesley Griffiths, Gweinidog yr Amgylchedd, Ynni a Materion Gwledig yn y Gynhadledd Ynni Morol yn Nulyn. Darllenwch ragor.

Llywodraeth Cymru eisiau eich barn ar gyngor newydd ar gyfer datblygu mewn ardaloedd sydd wrth risg llifogydd ac erydu arfordirol. Rydym yn bwriadu:

• disodli'r map cyngor datblygu gyda map llifogydd Cymru newydd
• rhoi mwy o bwyslais ar y cynllun datblygu a'r angen am asesiadau strategol o ganlyniadau llifogydd
• integreiddio canllawiau ar erydu arfordirol gyda chyngor ar lifogydd yn TAN 15
• darparu canllawiau ar fentrau adfywio sy'n effeithio ar gymunedau lle ceir perygl llifogydd

Mynegwch eich barn erbyn 17 Ionawr 2020

Mae'r NDF yn gynllun datblygu tir newydd fydd yn pennu'r cyfeiriad ar gyfer datblygu yng Nghymru rhwng 2020 a 2040. Bydd y Fframwaith Datblygu Cenedlaethol a'r Cynllun Morol Cenedlaethol yn nodi'r cyfleoedd ac yn llywio datblygiadau ar y tir a'r môr, gan gefnogi y broses o wneud penderfyniadau a chydweithio ar draws ffiniau ar y môr a'r tir. Caiff y cysylltiadau rhwng y ddwy drefn gynllunio eu hegluro yn y ffeithlun hwn.

Mynegwch eich barn erbyn 15 Tachwedd