Cylchlythyr Gwlad 30 Mawrth 2017

30 Mawrth 2017

PRYDWEDDOL

Hwb o chwarter biliwn o bunnau i gymunedau gwledig Cymru

Cadarnhaodd Ysgrifennydd y Cabinet dros yr Amgylchedd a Materion Gwledig, Lesley Griffiths y bydd hi yn ymrwymo yr arian sydd yn weddill o dan raglen Cymunedau Gwledig Llywodraeth Cymru ̶ Rhaglen Datblygu Gwledig 2014-2020.

Darllenwch mwy ar llyw.cymru/amgylcheddachefngwlad

Newyddion

Bwrdd newydd a chyfnod newydd i Hybu Cig Cymru

Mae Ysgrifennydd y Cabinet dros yr Amgylchedd a Materion Gwledig, Lesley Griffiths wedi cyhoeddi ffurf newydd ar Fwrdd Hybu Cig Cymru, sydd â’r dasg o hyrwyddo sector cig coch llewyrchus a chadarn yng Nghymru wedi Brexit.

Y Prif Weinidog Carwyn Jones – “Rydyn ni wedi ymrwymo i Brexit synhwyrol a fydd yn diogelu dyfodol Cymru”

I ddarllen datganiad y Prif Weinidog am danio Erthygl 50 gan Lywodraeth y DU ewch i dudalennau newyddion wefan Llywodraeth Cymru.

Ffurflen Cais Sengl 2017

Mae Ffurflen Cais Sengl (SAF) 2017 nawr ar gael i’w chwblhau drwy Taliadau Gwledig Cymru Ar-lein. Dyddiad cau ar gyfer cyflwyno eich ffurflen yw hanner nos ar 15 Mai 2017. Mae manylion llawn a chanllawiau ar lenwi’r SAF ar gael ar RPW Ar-Lein. Os ydych angen rhagor o help i ddefnyddio’r gwasanaethau ar-lein, ffoniwch ein Canolfan Cyswllt Cwsmeriaid ar 0300 062 5004. Bydd cymorth personol ar gael yn nifer o swyddfeydd Llywodraeth Cymru.

Cyfarfodydd Agored Ffurflen y Cais Sengl 2017

Mae Llywodraeth Cymru wedi trefnu cyfarfodydd agored a fydd yn cael ei arwain gan aelodau o’r Gwasanaeth Cysylltwyr Fferm. Mi fydd pob cyfarfod yn dechrau am 19.30. Os ydych eisiau mynychu un o’r cyfarfodydd, mae angen i chi gofrestru gyda Cyswllt Ffermio drwy e-bostio neu ffonio Canolfan Gwasanaeth Cyswllt Ffermio ar 08456000813.

Cronfa Cenedlaethol y Taliad Sylfaenol (BPS) 2017

Os nad ydych yn derbyn y Taliad Sylfaenol ar hyn o bryd a’ch bod am gael eich ystyried, gallwch ymgeisio drwy gategoriau Newydd-ddyfodiad a/neu Ffermwr Ifanc. Mae angen defnyddio y SAF i wneud hyn.

Trosglwyddo hawliau BPS

Gall ffermwyr drosglwyddo eu hawliau BPS drwy werthu neu brydlesu, a hynny gyda neu heb dir neu drwy etifeddiaeth. Mae ffurflenni ar-lein Trosglwyddo Hawliau ar gael i chi eu llenwi drwy eich cyfrif RPW Ar-lein. Mae’n rhaid hysbysu Llywodraeth Cymru cyn hanner nos ar 2 Mai 2017 ynghylch unrhyw drosglwyddiadau fel y gallwch hawlio ar y Ffurflen Cais Sengl 2017. Caiff unrhyw drosglwyddiadau a gyflwynir ar ôl y dyddiad hwnnw eu prosesu, ond ni fyddant ar gael i chi hyd y flwyddyn ganlynol (ee os byddwch yn ein hysbysu ar 3 Mai 2017 ni fydd modd i chi hawlio ar Ffurflen y Cais Sengl hyd 2018).

Parth Atal Fliw'r Adar

Mae’r Parth Atal Ffliw’r Adar dal mewn lle tan 30 Ebrill 2017 ac yn ddilys dros Gymru gyfan. Am fwy o fanylion, ewch i dudalennau Ffliw Adar ar wefan Llywodraeth Cymru.

Atgoffa ceidwaid gwartheg o ofynion profi TB cyn symud gwartheg i bori dros yr haf neu eu symud i dir comin

Mae Prif Swyddog Milfeddygol Cymru, yr Athro Christianne Glossop, wedi atgoffa ffermwyr bod angen i wartheg gael prawf TB clir dim mwy na 60 diwrnod cyn eu symud i bori dros yr haf neu eu symud i dir comin. Dylai ffermwyr sy'n pori gwartheg ar dir comin gysylltu â APHA ar 0300 303 8268 i drafod eu hamgylchiadau unigol a'u gofynion.

Unedau Cwarantin

Yn dechrau yn y gwanwyn hwyr 2017 mi fydd ceidwaid da byw yn gallu defnyddio Unedau Cwarantin i reoli symudiadau eu anifeiliaid yn hytrach na’r rheolau Atal Symud 6 niwrnod presennol. Mi fydd ceidwaid yn cael eu cysylltu i roi wybod iddynt o’r trefniadau newydd ac i’w cynorthwyo ar sut i ymgeisio. Mae mwy o fanylion ar gael ar wefan Llywodraeth Cymru.

Nodyn atgoffa i geidwaid gwartheg: Pori dros yr haf

Mae ceidwaid gwartheg yn cael eu hatgoffa nad yw BCMS bellach yn caniatáu ceisiadau am CTSlinks, o ganlyniad i newidiadau sy’n cael eu cyflwyno er mwyn symleiddio’r system CPH yng Nghymru. Mae mwy o fanylion ar gael ar wefan Llywodraeth Cymru.

Cyfle cyffrous i newydd ddyfodiaid sy'n ystyried mentro i'r sector Llaeth

Mae teulu ffermio o Geredigion yn herio’r dull traddodiadol o symud ymlaen yn y sector llaeth yng Nghymru.

Asesu arferion godro yn Ffosyficer

Mae addasiadau syml sydd ond yn costio 50c y fuwch yn helpu partneriaeth ffermio llaeth yn Sir Benfro i wella glendid y tethi ac ansawdd y llaeth, ac yn lleihau costau dwysfwyd blynyddol o hyd at £30,345.

Glastir Uwch

Bydd gan ffermwyr a rheolwyr tir hyd hanner nos ar 31 Mawrth 2017 i gyflwyno Datganiad o Ddiddordeb ar gyfer Glastir Uwch 2018 drwy gyfrif RPW Ar-lein. Bydd Rheolwyr Contract yn ymweld ag ymgeiswyr penodol er mwyn llunio contract Glastir Uwch. Gall contractau gynnwys Opsiynau Rheoli a Gwaith Cyfalaf a fydd yn cyflawni gwelliannau amgylcheddol ar gyfer cynefinoedd, rhywogaethau, pridd a dŵr.

Grantiau Bach Glastir – Carbon

Dylai ceisiadau Gweithiau Cyfalaf ar gyfer prosiectau Carbon Grantiau Bach Glastir gael eu cyflwyno trwy RPW Arlein erbyn 31 Mawrth 2017. Rhaid llwytho’r ffotograffau â geotag cyn ac ar ôl cynnal y gwaith cyfalaf gyda’ch cais.

Grantiau Bach Glastir – Tirwedd a Phryfed Peilio

Mae ffenest Mynegi Diddordeb ar gyfer Tirwedd a Phryfed Peilio wedi agor a fydd yn cau am hanner nos 18 Ebrill 2017. Mae arweiniad Grantiau Bach Glastir ar gael ar wefan Llywodraeth Cymru.

Glastir - Creu Coetir

Mae ffenest Mynegi Diddordeb ar agor ac yn cau am hanner nos 1 Mai 2017. Mae cyfarwyddiadau Glastir - Creu Coetir ar gael ar wefan Llywodraeth Cymru .

Cronfa Datblygu Cymunedau Gwledig

Brys - Cyfnod ar gyfer cyflwyno Datganiad o Ddiddordeb yn cau ar y 31 Mawrth. Grantiau yw’r rhain sy’n bennaf ar gyfer Grwpiau Gweithredu Lleol LEADER a sefydliadau cymunedol eraill.

Y Cynllun Cydweithio i Gynllunio Coedwigaeth

Bydd y cyfnod datgan diddordeb yn parhau hyd 30 Ebrill 2017. Annog cynllunio ar gyfer creu coetir llydanddail a chonwydd. Trwy roi help ariannol ar gyfer amrywiaeth o weithgareddau fydd yn helpu i wireddu’r nod hwn, gan reoli’n hadnoddau naturiol yn well, cyfrannu at les ein cymunedau gwledig.

Cynllun Buddsoddi mewn Busnesau Pren

Bydd y cyfnod datgan diddordeb yn parhau hyd 28 Ebrill 2017. Cefnogi rheolaeth gynaliadwy ar adnoddau naturiol ac ychwanegu at werth cynhyrchion coedwigoedd.

Cynllun Datblygu Cadwyni Cyflenwi a Chydweithio

Cyfnod ar gyfer cyflwyno Datganiad o Ddiddordeb yn cau ar y 10 Ebrill. Mae’r Cynllun Cydweithredu a Datblygu’r Gadwyn Gyflenwi yn rhoi help ar gyfer gweithgareddau cydweithio ar draws y sectorau amaeth, bwyd a choedwigaeth

Caffi Cletwr yn cyflwyno eu profiad o weithio mewn pentref bach a hybu datblygu gwledig – yr heriau a’r cyfleoedd

Fe ymwelodd Nigel Callaghan, Cadeirydd Cwmni Cletwr, y grŵp cymunedol sy’n rhedeg Siop a Chaffi Clettwr yn Nhre’r Ddôl, â Brwsel yn ddiweddar. Pwrpas ei daith oedd siarad â phwyllgor yr Undeb Ewropeiadd am waith y grŵp a’i effaith ar y gymuned.

Sefydliad Fuddianol Amaethyddol Frenhinol (RABI)

Ffoniwch 0808 281 9490 E-bost grants@rabi.org.uk

Y Rhwydwaith Cymunedau Fferm

Ffoniwch 03000 111 999 neu ewch i'r wefan.

Cronfa Addington

01926 620135 neu ewch i'r wefan.

Darllenwch mwy ar llyw.cymru

GWYBODAETH AM GWLAD

E-Cylchgrawn gan Lywodraeth Cymru yw Gwlad ar gyfer busnesau fferm a choedwigaeth a'r rheini sy'n ymwneud ag amaeth yng Nghymru.

Rhagor o wybodaeth ar y we:

llyw.cymru/amgylcheddachefngwlad

Dilynwch ar Twitter:

@WGCS_Enviro

@WG_Farmingfood

@LIC_Pysgodfeydd

Datdanysgrifo • Rheoli eich dewisiadau • Gweld yn eich porwr

Gallwch ddiweddaru eich tanysgrifiadau, newid eich cyfrinair neu eich cyfeiriad e-bost, neu ddileu tanysgrifiadau ar unrhyw adeg drwy fewngofnodi i'ch cyfrif.