Mae rhaglen BioCymru bellach yn llawn

Ewch i'r wefan i weld agenda lawn gan gynnwys y rhestr lawn o siaradwyr gwadd. Nid yw'n rhy hwyr i gofrestru i ddod.

Rhagor o wybodaeth

Y BBI Group a Llywodraeth Cymru’n cyhoeddi hwb o filiynau o bunnau i’r Cymoedd

Mae'r BBI Group yn crynhoi ac yn ehangu ei holl weithgareddau gweithgynhyrchu ym Mhrydain mewn un safle yng Nghaerffili fel rhan o brosiect buddsoddi gwerth £8.5m fydd yn creu ac yn diogelu mwy na 360 o swyddi yng Nghymru.

Mae gan y BBI Group nifer o gyfleusterau gweithgynhyrchu yn y DU ynghyd â phrif swyddfa yng Nghaerdydd. Ar ôl ymchwiliad mewnol, penderfynwyd symud i Barc Technoleg Border, Crymlyn lle bydd y cwmni’n gallu dod â’i holl waith gweithgynhyrchu a datblygu sydd ar hyn o bryd yn cael ei gynnal ym Mlaenafon, Caerdydd a Dundee o dan yr un to, gan greu prif swyddfa ryngwladol ar gyfer y Grŵp a Chanolfan o Ragoriaeth ar gyfer nifer o ffrydiau technoleg.

Rhagor o wybodaeth

Cyfleoedd i Rwydweithio â Phartneriaid yn y maes Gwyddorau Bywyd

Elfen bwysig o ddigwyddiad BioCymru yw'r cyfarfodydd partner un i un.

Mae'n ychwanegiad gwych at y cyfleoedd rhwydweithio anffurfiol sy'n digwydd drwy gydol y digwyddiad. Gall gynrychiolwyr cofrestredig gwrdd ag academyddion, buddsoddwyr, prynwyr, cwmnïau a nifer o weithwyr proffesiynol eraill yn y sector gwyddorau bywyd i archwilio cyfleoedd newydd i gydweithio drwy ddefnyddio system partner busnes BioCymru.

Sut i gymryd rhan yng nghyfarfodydd rhwydweithio'r gwyddorau bywyd