Rhagfyr 2016 • Rhifyn 13

Aston Martin wedi prynu safle yn Sain Tathan   Mae perthynas Llywodraeth Cymru gydag Aston Martin wedi ei gryfhau ymhellach heddiw yn dilyn gwerthu’r safle yn Sain Tathan i’r cwmni Prydeinig sy’n cynhyrchu ceir moethus.   Cafodd cwblhau y broses o werthu’r eiddo ei groesawu gan Carwyn Jones y Prif Weinidog ac Andy Palmer, Llywydd a Phrif Swyddog Gweithredol Aston Martin.  Mae’n paratoi’r ffordd ar gyfer dechrau’r gwaith ar Gam 1 canolfan weithgynhyrchu newydd Aston Martin yn Sain Tathan.      Yn gynharach eleni, cyhoeddodd Aston Martin eu bod wedi dewis Sain Tathan allan o 20 o leoliadau ledled y byd yr oeddent wedi eu hystyried ar gyfer eu hail ganolfan weithgynhyrchu, fel rhan o fuddsoddiad o £200 miliwn mewn cynnyrch a chyfleusterau newydd.     Darllen mwy

Banc Cyllido a Datblygu gwerth £136miliwn i helpu i gefnogi busnesau yng Nghymru wedi refferendwm yr UE    Mae pecyn ar gyfer busnesau sy’n cynnwys cronfa fusnes newydd gwerth £136 miliwn a sefydlu Banc Datblygu ar gyfer Cymru yn trawsnewid y cymorth ariannol sy’n cael ei gynnig i fusnesau yng Nghymru, yn dilyn y bleidlais i adael yr UE.   Dyma’r neges gan Ysgrifennydd yr Economi, Ken Skates, wrth iddo lansio Cronfa newydd Busnes Cymru mewn digwyddiad yng Nghaerdydd.    Darllen mwy

Hwb Economaidd dwbl i Ogledd Cymru Cafodd gogledd Cymru hwb ddwbl pan gyhoeddodd Ysgrifennydd yr Economi Ken Skates £20miliwn i sefydlu athrofa ymchwil gweithgynhyrchu uwch.   Bydd gan yr athrofa ffocws cryf ar sectorau gweithgynhyrchu uwch gan gynnwys y sectorau awyrofod, modurol, niwclear a bwyd. Ei nod yw targedu ymchwil a datblygu ar y cyd, technegau gweithgynhyrchu uwch a phrosesau cynhyrchu a’r angen am hyfforddiant a sgiliau ar draws y diwydiant.  Bydd yn helpu i sicrhau lle amlwg i Gymru wrth ddatblygu a chynllunio technoleg adennydd y dyfodol.  Darllen mwy

Cwmni o Rydaman yn llwyddo   Mae LSN Diffusion yn ehangu eu gwaith yn Rhydaman i fodloni y galw byd-eang sydd am ei gynnyrch metelegol uwch-dechnolegol.   Mae’r cwmni yn cynyddu ei gapasiti gweithgynhyrchu gyda chymorth Llywodraeth Cymru, a fydd yn creu ac yn diogelu swyddi.  Darllen mwy

Cwmni o Bontypŵl i ddarparu dyfeisiadau i brosiect Chernobyl   Mae cwmni gweithgynhyrchu Flamgard Calidair o Bont-y-pŵl wedi ennill contract gydag adeilad cyfyngu diogel newydd Chernobyl.   Mae wedi gwneud hynny gyda chefnogaeth Llywodraeth y DU drwy Gyllid Allforio y DU (UKEF), grantiau ymchwilio a datblygu Llywodraeth Cymru a Grŵp Bancio Lloyds.   Bydd Flamgard yn darparu dampers tân a rhai sy'n cau i safle Chernobyl Darllen mwy

Tim Meched Ysgol Uwchradd Dinbych Mae tîm merched o Ysgol Uwchradd Dinbych wedi ennill her F1 i Ysgolion.   Bu Tîm Tachyon yn cynrychioli Cymru yn y rownd derfynol yn Texas. Darllen mwy

Raytheon continue RAF Sentinel support Mae cwmni o Ogledd Cymru, sy’n derbyn cefnogaeth Llywodraeth Cymru wedi derbyn contract gwerth miliynnau o bunnoedd gan y Weinyddiaeth Amddiffyn.  Mae’r Llu Awyr Brenhinol wedi penderfynu ymestyn contract Raytheon UK gwerth £131 miliwn i reoli gwasanaethau cymorth ar gyfer rhaglen Sentinel, sy’n gwylio awyrennau, ymlaen i 2021. Darllen mwy

Y Riversimple Rasa ecogyfeillgar i ymddangos yn Cenex Car celloedd tanwydd hydrogen, 2 sedd, fforddiadwy, sy'n gwneud 250mpge yw’r Riversimple Rasa. Bydd yn gwneud ymddangosiad ecogyfeillgar yn LCV 2016 Cenex, sioe cerbydau carbon isel bennaf y DU yn Millbrook, Bedford, ar 14 ac 15 Medi.   Mae'r cwmni ceir ecolegol, Riversimple Movement, yn cyflogi 23 o weithwyr mewn canolfan ymchwil a datblygu yn Llandrindod ac ar hyn o bryd mae wedi codi arian torfol ar gyfer eu Rasa (Lladin am llechen lân) i gyd-fynd â grant UE gwerth €2miliwn.   Darllen mwy

Lansio Cronfa Twf a Ffyniant newydd Mae Cronfa Twf a Ffyniant, sef cronfa newydd gwerth £5 miliwn gan Lywodraeth Cymru, wedi cael ei lansio’n swyddogol i gefnogi swyddi a thwf o fewn cwmnïau ar draws Cymru.   Mae’r Gronfa, sy’n rhan o Gynllun 10 pwynt i godi hyder busnesau a gyhoeddwyd gan y Prif Weinidog Carwyn Jones, wedi’i rhannu’n ddwy ran. Caiff £2m ei neilltuo i brosiectau llai a fydd yn derbyn grantiau o rhwng £5,000 a £25,000 a chaiff £3 miliwn ei neilltuo i brosiectau buddsoddi cyfalaf mawr a fydd yn derbyn grantiau o rhwng £50,000 a £500,000. Darllen mwy

Y Prif Weinidog yn cyfarfod ag Is-lywydd Ford Europe

Bu y Prif Weinidog Carwyn Jones ac Ysgrifennydd yr Economi Ken Skates yn trafod dyfodol y safle ym Mhen-y-Bont ar Ogwr pan fu iddynt gyfarfod ag Is-lywydd Ford Europe, Linda Cash.

Wrth siarad wedi’r cyfarfod, dywedodd Carwyn Jones y Prif Weinidog:

“Roeddwn yn falch o gyfarfod Linda Cash a’i thîm uwch i drafod dyfodol gwaith Ford Engine. Roedd yn gyfarfod cynhyrchiol pan gawsom y cyfle i drafod cynlluniau i fuddsoddi yn y safle a ffyrdd y gallwn ddiogelu gweithgynhyrchu a swyddi ym Mhen-y-Bont ar Ogwr yn yr hirdymor. 

“Bu i bawb gytuno bod y gwaith yn rhan hollbwysig o economi weithgynhyrchu Cymru a phwysleiswyd eto i Ford bod  Llywodraeth Cymru yn barod i helpu yn unrhyw ffordd y gall i gefnogi’r ffatri a’r gweithlu. 

"Dylid adeiladu Hinkley gyda Dur Prydain", meddai Ysgrifennydd yr Economi

Mae Ysgrifennydd y Cabinet ar gyfer yr Economi a’r Seilwaith, Ken Skates wedi dweud y bydd Hinkley Point yn hwb mawr i’r gadwyn gyflenwi yng Nghymru a dylid ei adeiladu gan ddefnyddio dur o Brydain. 

Deillia ei sylwadau o benderfyniad Llywodraeth y DU i fwrw ymlaen â Hinkley Point, sef y cyntaf mewn cyfres o brosiectau niwclear newydd ac arfaethedig gan Lywodraeth y DU. Y nod yw sicrhau bod cyflenwad digonol o drydan dibynadwy, fforddiadwy a charbon isel ar gael ar draws Prydain.

Darllen mwy

Menter gwerth £14.7 miliwn a gefnogir gan yr UE i hybu gweithgynhyrchu yng Nghymru

Caiff menter £14.7m a gefnogir gan yr UE i fanteisio i'r eithaf ar arbenigedd ymchwil o’r radd flaenaf ym mhrifysgolion Cymru i helpu i roi hwb i’r diwydiant gweithgynhyrchu yng Nghymru ei chyhoeddi heddiw gan yr Ysgrifennydd Cyllid Mark Drakeford. 

O dan gynllun ASTUTE 2020, sy’n cael cymorth gwerth £10m o Gronfa Datblygu Rhanbarthol Ewrop a £4.7m o brifysgolion sy'n cymryd rhan, bydd tîm o academyddion o’r radd flaenaf ac arbenigwyr technegol cymwysedig iawn yn cydweithio â byd diwydiant i fynd i'r afael â heriau gweithgynhyrchu i ddatblygu nwyddau cynaliadwy, gwerth uwch a gwasanaethau ar gyfer y farchnad fyd-eang

Darllen mwy

Cymru mewn sefyllfa dda i adeiladu’r economi

Mae Cymru mewn sefyllfa dda i adeiladu economi gryfach a mwy diogel, a rydym yn holi am safbwyntiau cychwynnol ar y blaenoriaethau ar gyfer yr economi.

Cewch wybod mwy a gwrando ar Ken Skates, Ysgrifennydd y Cabinet a’r Seilwaith ar y

fideo

Pobl dda i wneud eu gwaith gorau yng Nghymru

Mae llyfryn newydd deniadol yn gwerthu Cymru i’r byd wedi ei gynhyrchu gan Lywodraeth Cymru.    

Gan gynnwys tystiolaeth gan gwmnïau o safon megis Aston Martin ac Airbus, mae This is Advanced Materials and Manufacturing yn arddangos popeth sydd gan Gymru i’w gynnig er mwyn denu mwy o fuddsoddwyr lefel uchel i’r wlad. 

Darllen mwy

GwerthwchiGymru: gwefan GwerthwchiGymru ar ei newydd wedd  

Yr Haf hwn bydd gwefan newydd, well GwerthwchiGymru ar ei newydd wedd.  

Mae GwerthwchiGymru yn ffordd hanfodol i gyrff cyhoeddus, gan gynnwys Llywodraeth Cymru, i sicrhau gwerth am arian. 

Mae’r porthol gwybodaeth a chaffael yn caniatáu ichi chwilio am gyfleoedd ar gyfer contractau, gyda gwerth oddeutu £4 biliwn o gontractau ar gyfer nwyddau a gwasanaethau y sector cyhoeddus yn cael eu hysbysebu ar y safle pob blwyddyn. 

Mae 80% yn gyfleoedd llai sy’n cael eu cynnig gan ystod eang o sefydliadau sy’n derbyn cyllid y cyhoedd – fell mae contractau ar gyfer busnesau o bob mathau ac o bob maint. 

Darllen mwy.

DIGWYDDIADAU

Gweithgynhyrchu a deunyddiau: gwneud cais am gyllid arloesi

Mae busnesau o Brydain yn cael eu gwahodd i wneud cais am gyfran o £15 miliwn i weithio ar brosiectau sy’n mynd i’r afael â’r heriau ym maes gweithgynhyrchu a deunyddiau. 

Mae gan Innovate UK hyd at £15 miliwn i’w fuddsoddi mewn prosiectau busnes sy’n chwilio am atebion i heriau technegol a masnachol ym maes gweithgynhyrchu a deunyddiau.

Darllen mwy 

Digwyddiadau Nabod Ein Diwydiannau Newydd

Mae Nabod ein Diwydiannau wedi cael hoe dros yr haf ac mae nawr yn llawn egni ar gyfer ei drydedd flwyddyn. 

Dros y ddwy flynedd ddiwethaf mae Nabod ein Diwydiannau wedi rhoi cyfle i fusnesau ledled Cymru ymweld ag ystod eang o gwmnïau gan weld sut maen nhw’n gweithio ac yn rhannu arferion gorau mewn sawl sector diwydiant a maes gwaith.

Darllen mwy