NEWYDDION AM ADDYSG YNG NGHYMRU

Ailwampio hyfforddiant athrawon yng Nghymru er mwyn codi safonau ysgolion Cyhoeddodd yr Ysgrifennydd Addysg, Kirsty Williams yn ddiweddar y bydd y ffordd y caiff athrawon eu hyfforddi yng Nghymru yn newid, gyda rôl gynyddol i ysgolion a mwy o fewnbwn gan brifysgolion er mwyn codi safonau.

Pasbort Dysgu Proffesiynol (PDP) Portffolio ar-lein yw’r PDP sydd ar gael i gofrestreion Cyngor y Gweithlu Addysg yn unig, gyda’r bwriad o’ch helpu i gofnodi a myfyrio ar eich datblygiad proffesiynol a chynllunio eich gyrfa ar gyfer y dyfodol.  Yr ymarferwr sy’n berchen ar ei Basbort ei hyn ac bydd i fyny i’r unigolion benderfynu gyda phwy a sut y dylai hi neu fe rannu’i Basbort.

Achredu Addysg Gychwynnol i Athrawon Hoffem glywed eich barn am y meini prawf drafft ar gyfer achredu rhaglenni addysg gychwynnol i athrawon (AGA) yng Nghymru a’r cynigion i wella swyddogaethau a rôl Cyngor y Gweithlu Addysg.   Datganiad Llafar yn y Siambr ar: Y Rhaglen Newid Addysg Gychwynnol i Athrawon: hynt y rhaglen a'r wybodaeth ddiweddaraf - Kirsty Williams AC.

Athrawon Cyflenwi a Staff Cymorth Cyflenwi – Gwiriadau diogelwch a chyflogaeth Ydych chi’n sicrhau bod y gwiriadau iawn o ran diogelwch a chymwysterau wedi’u gwneud wrth gyflogi athrawon cyflenwi a staff cymorth cyflenwi?

MWY O NEWYDDION AM ADDYSG YNG NGHYMRU

Cymedroli asesiadau athrawon yng Nghyfnod Allweddol 2 a Chyfnod Allweddol 3: adolygiad o gywirdeb a chysondeb

Ymateb i adolygiad thematig Estyn o gymedroli asesiadau athrawon yng Nghyfnod Allweddol 2 a Chyfnod Allweddol 3: adolygiad o gywirdeb a chysondeb.

Ydy’ch ysgol chi’n darparu gofal plant, megis clybiau brecwast neu glybiau ôl ysgol, am dâl?

Os felly, gallai rieni a gofalwyr ddefnyddio Gofal Plant di-dreth i dalu am y gweithgareddau gofal plant hyn.  Cofrestrwch ar-lein pan fyddwch yn derbyn eich llythyr gwahoddiad gan Lywodraeth DU yn yr hydref er mwyn sicrhau y gallwch dderbyn taliadau drwy Ofal Plant di-dreth (Saesneg yn unig).

Cymorth Arweinydd Digidol ar gyfer Ysgolion

Mae Arweinwyr Digidol ar gael yn eich Consortia Addysg Rhanbarthol i'ch cefnogi gyda mabwysiadu a defnyddio offer digidol a'r adnoddau sydd ar gael drwy Hwb a Hwb+.

Rhaglen Cynnydd ar gyfer Llwyddiant Cronfa Gymdeithasol Ewrop

Rhaglen hyfforddi drwy waith yw Cynnydd ar gyfer Llwyddiant. Bydd yn cyllido pobl ifanc 25 oed neu’n hŷn, sy’n gweithio yn y sector gofal plant, sector y blynyddoedd cynnar (gan gynnwys y Cyfnod Sylfaen) a’r sector chwarae yng Nghymru i ennill cymwysterau sy’n cael eu cydnabod yn genedlaethol ar lefel 2 a 3.

Llysgenhadon Gwych Comisiynydd Plant Cymru

Gall pob ysgol gynradd ymwneud â gwaith y Comisiynydd i hybu hawliau plant yng Nghymru trwy’r cynllun Llysgenhadon Gwych. Mae’r disgyblion yn cael cyfleoedd difyr i ddysgu am hawliau plant a rhoi gwybod i’r Comisiynydd beth yw eu barn. 

Dyddiad i’ch dyddiadur!  Gweithdy RHAD AC AM DDIM Llywodraeth Cymru a Dangos Hiliaeth y Cerdyn Coch

• 19 Hydref 2016 – Stadiwm Swalec Stadium, Caerdydd
• 20 Hydref 2016 – Holiday Inn, Casnewydd
• 3 Tachwedd 2016 – Parc y Scarlets, Llanelli
• 8 Tachwedd 2016 – Wrecsam Prifysgol Glyndwr 

CwrddHwb Aberteifi

Ydych chi’n dysgu yn ardal Aberteifi? Dewch i glywed sut gall Hwb gefnogi eich dysgu yng NghwrddHwb Aberteifi ar 2 Tachwedd.

Grant Amddifadedd Disgyblion

Roedd gwybodaeth anghywir yn ymwneud â chynhadledd yng Nghaerdydd yn nodi bod cyllid y Grant Amddifadedd Disgyblion yn dod i ben ym mis Mawrth 2017.  Mae Ysgrifennydd y Cabinet dros Addysg wedi cytuno ar gyfres o flaenoriaethau sy’n cynnwys sicrhau bod pob plentyn yn cael y cychwyn gorau mewn bywyd drwy ehangu'r Grant Amddifadedd Disgyblion. Bydd cyllid y Grant Amddifadedd Disgyblion Blynyddoedd Cynnar yn cael ei ddyblu o £300 i bob dysgwr cymwys. Cyhoeddir manylion pellach am hyn maes o law.

adnoddau a chystadlaethau

Yn galw ar bob ysgol: cwblhewch yr arolwg e-Ddiogelwch

Rydym ni’n galw ar bob ysgol yng Nghymru! A fyddech cystal â chwblhau arolwg e-Ddiogelwch byr i roi gwybod i ni pa faterion e-Ddiogelwch rydych chi’n ymdrin â nhw, pa adnoddau rydych chi’n eu defnyddio ar gyfer eich gwaith e-Ddiogelwch, a sut mae’r adnoddau hyn yn eich helpu i amddiffyn plant ar-lein.

Ddiwrnod Defnyddio’r Rhyngrwyd yn Fwy Diogel 2017

Mae ein tudalen ar Ddiwrnod Defnyddio’r Rhyngrwyd yn Fwy Diogel 2017 nawr ar gael ar Hwb! Darllenwch hi i gael gwybod beth yw’r dyddiad, beth fydd y slogan y flwyddyn nesaf, a sut i gymryd rhan. A chyn bo hir, byddwn yn lansio ein cystadleuaeth Diwrnod Defnyddio’r Rhyngrwyd yn Fwy Diogel felly cadwch lygad allan. 

Adnoddau newydd Hwb

Mae'r adnoddau diweddaraf ar Hwb yn cynnwys:

• CA2 - Cynllun Hanner Tymor: Rhyfel Byd Cyntaf 
• Meddwl yn Gyfrifiadurol gan Barefoot Computing CA2 (Mewngofnodwch i weld adnoddau newydd Barefoot Computing)

Macbeth, Romeo a Juliet ac Othello

Mae’r clasuron yma wedi eu cyfieithu i’r Gymraeg ar gyfer cynulleidfa newydd. Mae’r storïau yma yn gyfoethog eu cynnwys ac wedi eu haddasu yn arbennig i ddarllenwyr ifanc. Mae’r adnodd yn dod ag uchafbwyntiau’r clasuron a’u cymeriadau i genhedlaeth ifanc.

yr ystadegau diweddaraf ac adroddiadau

Arweinyddiaeth a gwella ysgolion cynradd

Dyma ymateb Llywodraeth Cymru i adroddiad Estyn o arweinyddiaeth a gwella ysgolion cynradd

Canlyniadau profion llythrennedd a rhifedd cenedlaethol

Mae adroddiad blynyddol sy'n cynnwys data sgorau safonedig ar sail oedran a mesurau cynnydd yn ôl rhyw ac awdurdod leol.

Cynlluniau Strategol Cymraeg mewn Addysg awdurdodau lleol

Darganfyddwch ba effaith y mae Cynlluniau Strategol Cymraeg mewn Addysg wedi’i chael ar gynllunio addysg cyfrwng Cymraeg, codi safonau a chydweithredu â chonsortia rhanbarthol.

Cyllid i ymweld â’ch ysgol bartner yn yr Almaen yn ystod yr hydref i gyd-weithio ar brosiect cefnforoedd ac afonydd!

Mae’r Weinyddiaeth Almaeneg ar gyfer Addysg ac Ymchwil, ynghyd â'i bartneriaid yn y DU yn cynnig grantiau teithio i ysgolion y DU i ymweld â'u hysgol bartner Almaeneg i ffurfio timau ymchwil i weithio ar brosiect sy'n targedu’r effeithiau niweidiol o’r tunelli o blastig sy’n cael eu dympio yn ein hafonydd a’n cefnforoedd bob blwyddyn. 

newyddion arall

Diwrnod Shwmae Sumae - 15 Hydref 2016  pythefnos i fynd!

Cyfle penigamp i’ch ysgol chi cael hwyl a rhannu syniadau yn Gymraeg.

Sut felly, gall eich ysgol gymryd rhan?  Gallech rannu digwyddiadau ‘ch ysgol chi drwy Twitter neu drwy Facebook ac os hoffech ychydig o ysbrydoliaeth cyn y 15fed, cliciwch yma am syniadau o 2013-2015  #shwmaesumae

Prosiect 2016-2018 yr Academi Wyddoniaeth Genedlaethol

Trosglwyddo o wyddoniaeth ysgol gynradd i wyddoniaeth ysgol uwchradd

Mae Techniquest Glyndŵr wedi derbyn arian oddi wrth Lywodraeth Cymru i greu rhaglen o ddiwrnodau paratoi i ddisgyblion cynradd fydd yn eu galluogi i ymdopi’n well â bywyd yn yr ysgol uwchradd. Mae diwrnodau Techniquest Glyndŵr yn canolbwyntio’n benodol ar hwyluso’r trosglwyddo o wyddoniaeth CA2 i wyddoniaeth CA3.

• Dyddiad: 14 Tachwedd 2016
• Amser: 14:30 - 17:00
• Lle: Techniquest Glyndŵr