Mae Cymru yn 'Agored i Fusnes’

Mae Ken Skates, Ysgrifennydd y Cabinet dros yr Economi a’r Seilwaith, wedi pwysleisio bod Cymru yn agored iawn i fusnes.

Bu’n siarad â chynrychiolwyr cwmnïau Angori yn ddiweddar, a dywedodd fod Llywodraeth Cymru wedi ymrwymo i gefnogi twf busnes a buddsoddi.

Bu’r Ysgrifennydd Cabinet mewn cyfarfodydd o Fforymau’r Cwmnïau Angori yn y Gogledd ac yn y De i siarad â chynrychiolwyr y cwmnïau er mwyn gwrando ar unrhyw bryderon sydd ganddynt yn dilyn canlyniad refferendwm yr Undeb Ewropeaidd ac i drafod cyfleoedd newydd a sut y gall Llywodraeth Cymru eu helpu.

Cliciwch yma i gael ragor o wybodaeth a gwyliwch ddatganiad yr Ysgrifennydd Cabinet dros yr Economi.

Cyhoeddi cyllid ar gyfer Pentref Llesiant a Gwyddorau Bywyd Mae cynlluniau i greu Pentref Llesiant a Gwyddorau Bywyd yn Llanelli wedi symud gam ymlaen wrth i Lywodraeth Cymru gyhoeddi y bydd yn ariannu Uwchgynllun y prosiect. Hefyd mae wedi cytuno i amrywio telerau’r cytundeb rhwng Cyd-fenter Arfordir Llanelli a Chyngor Sir Caerfyrddin fel ei fod yn cynnwys y datblygiad arfaethedig yn ffurfiol, cyn belled â bod modd cytuno ar y cynllun busnes. Nod y Pentref Llesiant a Gwyddorau Bywyd yw gweddnewid y ffordd y mae gofal yn cael ei ddarparu a lles yn cael ei hybu yn y rhanbarth. Bydd yn ceisio creu cysylltiadau rhwng iechyd da, ymchwil a’r gwyddorau bywyd, a chyfleoedd hamdden arloesol er mwyn helpu pobl i fod yn iach. Rhagor o wybodaeth.

Medica’n profi’n boblogaidd gyda DTR Medical Bydd cwmni llwyddiannus o Abertawe sy’n cynhyrchu offer llawfeddygol      di-haint untro yn dychwelyd i Medica ym mis Tachwedd. Gwnaeth DTR Medical sicrhau 37 o gytundebau mewn 21 o wledydd gwahanol wrth arddangos ar stondin Llywodraeth Cymru a bydd ugain o gwmnïau eraill yn ymuno â nhw ar y stondin ym mis Tachwedd. Medica yw sioe fasnach feddygol fwyaf blaenllaw’r byd ac fe’i cynhelir bob blwyddyn yn Dusseldorf. Rhagor o wybodaeth.

Hedfan o Gaerdydd i Lundain mewn awr Mae cysylltiadau hanfodol rhwng Caerdydd a Llundain i gael eu cryfhau gyda gwasanaeth awyr dros dro.  Bydd Flybe, cwmni awyrennau rhanbarthol mwyaf Ewrop, wedi cyhoeddi y bydd yn cynnig ‘teithiau argyfwng’ ar gyfer y cyfnod o chwe wythnos pan fydd Twnel yr Hafren ar gau.  Bydd modd i deithwyr busnes a thwristiaid hedfan i ganol Canary Wharf hyd at deirgwaith y dydd am ddim ond £34.99 un ffordd o’r 12 Medi – 21 Hydref 2016.  Darllenwch fwy ac archebu yma.

Y Gorau o Wyddorau Bywyd Cymru Mae Cymru yn  genedl o bobl arbennig iawn. A ydych chi’n adnabod pobl sy’n gwneud pethau rhagorol ac sy’n gwneud gwir wahaniaeth i’ch sector neu’ch proffesiwn? Dyma’ch cyfle i’w henwebu ar gyfer Gwobr Dewi Sant. Gallwch enwebu grŵp neu unigolyn sydd, yn eich barn chi, wedi gwneud cyfraniad mawr i’ch sector neu sydd wedi cael llwyddiant nodedig yng Nghymru neu’n rhyngwladol. Dominic Griffiths o Alesi Surgical enillodd y Wobr Fasnach eleni. Gwnaeth ddyfeisio, ‘Ultravision’, i glirio mwg yn ystod llawdriniaethau laparosgopig. Mae’r ddyfais wedi’i hallforio er mwyn i ysbytai ledled yr UE ei defnyddio.   Da chi, peidiwch â cholli’r cyfle hwn i godi proffil eich sefydliad a’r diwydiant. I enwebu rhywun, dilynwch y ddolen hon. Y dyddiad cau yw 21 Hydref 2016.

Rydym eisiau eich barn ar ddatrys tagfeydd ar yr M4

Rydym yn gofyn i fusnesau roi eu barn wrth inni ddod gam yn nes at ganfod ateb i’r tagfeydd ar yr M4. 

Mae Ken Skates, Ysgrifennydd y Cabinet dros yr Economi a’r Seilwaith, wedi cyhoeddi Ymchwiliad Cyhoeddus Lleol annibynnol i brosiect Coridor yr M4 yn ardal Casnewydd.

Disgwylir i’r ymchwiliad hwn ddechrau yng Nghasnewydd yr hydref hwn.

Hoffwn glywed eich barn. I gael mwy o wybodaeth, ewch i’n tudalen ar yr M4.

BBI Solutions yn ennill Gwobr Allforio Glodwiw ‘Made in the UK’

Ym mis Tachwedd y llynedd, enillodd BBI Solutions Wobr Allforiwr y Flwyddyn yng Ngwobrau Made in Wales. Yn dilyn hynny, mae’r cwmni, sy’n cael cymorth gan Lywodraeth Cymru, wedi parhau i gael llwyddiant gan ennill Gwobr Allforio Made in the UK. Rhagor o wybodaeth.

Prentisiaeth Uwch Newydd mewn Gwyddorau Bywyd a Diwydiannau Cysylltiedig ym maes Gwyddoniaeth

Mae Coleg Pen-y-bont ar Ogwr wedi cyhoeddi ei Brentisiaeth Uwch mewn Gwyddorau Bywyd a Diwydiannau Cysylltiedig ym maes Gwyddoniaeth. Mae’r cwrs hwn wedi’i anelu at y rheini sy’n gweithio yn y sector Gwyddorau Bywyd a chaiff ei ddarparu dros gyfnod o 24 mis. Mae’r Brentisiaeth uwch newydd hon yn cynnig 3 llwybr ar Lefel 4 gan gynnwys: Technegydd Gwyddorau Bywyd, Technegydd Gwyddorau Cemegol a Thechnegydd Gwyddorau Bwyd. Rhagor o wybodaeth.

MedaPhor yn ennill un o Wobrau Busnes Caerdydd

Mae MedaPhor, sydd wedi cael cefnogaeth gan Lywodraeth Cymru, wedi ennill Gwobr Busnes Technoleg ac Arloesedd y Flwyddyn yng Ngwobrau Busnes Caerdydd 2016.

Roedd MedaPhor ar y rhestr fer ynghyd â chwmnïau technoleg eraill sydd wedi’u lleoli yng Nghaerdydd sef Circle IT, Net Support UK a Zipporah. Rhagor o wybodaeth.

Hwb Gwyddorau Bywyd Cymru – diwrnod agored 31 Awst 2016

Bydd Hwb Gwyddorau Bywyd Cymru yn cynnal ‘diwrnodau agored’ y mis hwn er mwyn i bobl fedru galw heibio.

Mae’r diwrnodau hyn ar gyfer pobl sydd â diddordeb yn y sector gwyddorau bywyd neu sydd eisiau dysgu mwy am yr hyn y mae’r Hwb yn ei gynnig i gwmnïau a sefydliadau yn y sector.

Bydd nifer cyfyngedig o ddesgiau poeth ar gael ar y diwrnodau hyn. Rhagor o wybodaeth.

Y Prif Weinidog yn cyhoeddi cynllun i godi hyder ymhlith byd busnes ynghyd â chronfa newydd i gefnogi twf a swyddi

Mae Carwyn Jones, y Prif Weinidog, wedi cyhoeddi cynllun i godi hyder byd busnes a chronfa newydd i gefnogi twf a swyddi fel rhan o ymateb Llywodraeth Cymru i ganlyniad refferendwm yr UE.

Wrth siarad yng nghyfarfod eithriadol o’r Cyngor Adfywio Economaidd yng Nghaerdydd dywedodd Mr Jones fod Llywodraeth Cymru yn awyddus i  sicrhau busnesau a mewnfuddsoddwyr bod Cymru’n parhau i fod yn agored i fusnes. Rhagor o wybodaeth.

Cyfradd cyflogaeth Cymru yn uwch nag erioed

Mae’r Prif Weinidog wedi ymateb i’r ystadegau diweddaraf am y farchnad lafur, sy'n dangos bod cyfradd cyflogaeth Cymru yn uwch nag erioed erbyn hyn.

Dywedodd Carwyn Jones, y Prif Weinidog: “Mae cyfradd cyflogaeth Cymru heddiw yn uwch nag erioed. Dros y flwyddyn ddiwethaf mae nifer y bobl sy’n ddi-waith yng Nghymru wedi syrthio 30,000 i’w lefel isaf ers 2006. Rhagor o wybodaeth.

Venturefest Cymru  ̶  28 Medi, Stadiwm Swalec, Caerdydd

Mae Venturefest Cymru yn dod â buddsoddwyr, entrepreneuriaid ac arloeswyr ynghyd i annog pawb i rannu gwybodaeth, rhwydweithiau a syniadau. Bydd digwyddiad eleni yn mynd i’r afael â’r rhwystrau sy'n wynebu entrepreneuriaid a busnesau wrth geisio datblygu busnes. P’un ai a ydych chi’n cael trafferth cael gafael ar gyllid, ymgyfarwyddo â recriwtio, neu eisiau dysgu sut mae datblygu’r strategaeth farchnata gywir neu reoli twf direolaeth; bydd Venturefest Cymru yn mynd i’r afael yn uniongyrchol â’r rhwystrau sy’n wynebu’ch busnes. Rhagor o wybodaeth.

GwerthwchiGymru: gweddnewid gwefan GwerthwchiGymru

Yr haf hwn bydd gwefan GwerthwchiGymru yn cael ei gweddnewid er gwell a bydd yn edrych yn fwy ffres.

Mae GwerthwchiGymru yn wefan hanfodol er mwyn i gyrff cyhoeddus, gan gynnwys Llywodraeth Cymru, sicrhau gwerth am arian.

Mae GwerthwchiGymru yn ffynhonnell wybodaeth ac yn borthol caffael sy’n caniatáu ichi edrych am gyfleoedd i gael contractau a gwneud cais amdanynt. Mae oddeutu gwerth £4 biliwn o gontractau ar gyfer nwyddau a gwasanaethau yn y sector cyhoeddus yn cael eu hysbysebu ar y safle hwn bob blwyddyn.  

Mae 80% o’r cyfleoedd yn rhai llai ac yn cael eu cynnig gan amrywiaeth eang o sefydliadau a ariennir yn gyhoeddus – felly mae contractau ar gael ar gyfer busnesau o bob math a maint. Rhagor o wybodaeth.

Dilynwch ni ar @WG_economy

Bellach gallwch gael yr wybodaeth ddiweddaraf am adran Economi, Gwyddoniaeth a Thrafnidiaeth  Llywodraeth Cymru a chysylltu â ni trwy ein dilyn ar Twitter.