|
|
Rhifyn 6
Croeso i fwletin mannau Gwyrdd a Diogel Casnewydd
 |
|
Mae'r cylchlythyr hwn yn cael ei gyflwyno i chi gan Cyfoeth Naturiol Cymru ar ran partneriaeth Bwrdd Gwasanaethau Cyhoeddus Casnewydd yn Un.
|
Betws, Casnewydd
Wrth i ni symud drwy'r Gwanwyn a'r Haf, rwy'n gobeithio eich bod yn iawn ac yn mwynhau'r awyr agored ac yn treulio ychydig o amser ym myd natur. Diolch i bawb a fynychodd y gweithdy rhwydwaith ym mis Ionawr 2022, rwy'n gobeithio eich bod wedi gwneud llawer o gysylltiadau newydd ac yn ei chael yn ddefnyddiol, yn ddiddorol ac yn egnïol i weld cymaint yn digwydd yng Nghasnewydd!
Mae'n wych gweld bod y rownd ddiweddaraf o'r gronfa Cyllidebu Cyfranogol wedi derbyn nifer o geisiadau a chynigion llwyddiannus sy'n cysylltu ag amcanion mannau Gwyrdd a Diogel. Alla i ddim aros i weld sut mae'r prosiectau hyn yn datblygu.
Gobeithio y byddwch yn mwynhau darllen gweddill y diweddariadau yn y cylchlythyr hwn - dathliad o'r holl waith partneriaeth a phrosiectau gwych sy'n amhrisiadwy i'r weledigaeth Werdd a Diogel ar gyfer Casnewydd.
Yn ogystal â'r diweddariadau hyn yn y cylchlythyr hwn, efallai y bydd gennych ddiddordeb yn yr adroddiad chwarterol diweddaraf ar sut mae'r mannau Gwyrdd a Diogel yn datblygu (Hydref i Ragfyr 2021). Gallwch ddod o hyd i'r holl adroddiadau blaenorol yma. Cysylltwch â ni os oes gennych unrhyw wybodaeth i'w bwydo i mewn i'r rhain.
Mae croeso i chi gysylltu â rhoi gwybod i mi os oes gennych unrhyw beth yr hoffech ei gynnwys mewn cylchgronau yn y dyfodol. Rwyf yma i helpu i gefnogi a hyrwyddo'r gwaith sy'n digwydd ar draws ein Rhwydwaith.
Harriet Bleach, Swyddog Ymgysylltu Gwyrdd a Diogel harriet.bleach@cyfoethnaturiolcymru.gov.uk
Twitter @harriet_bleach
Eich Casnewydd Eich Lles
Mae Eich Casnewydd Eich Lles yn fap ar-lein NEWYDD AM DDIM cyffrous sy’n eich cysylltu â phopeth a all helpu eich lles meddyliol a chorfforol yn eich ardal leol, gan gynnwys rhai o'n mannau gwyrdd.
Os oes gennych unrhyw adborth, cysylltwch â ni.
|
Mae Gwent yn paratoi ar gyfer Natur Wyllt.
Yn dilyn cynlluniau peilot rheoli glaswelltir llwyddiannus i wella bioamrywiaeth ar draws awdurdodau lleol Gwent, eleni mae'r dull Natur Wyllt yn cael ei ddefnyddio i gynnwys ardaloedd ehangach ledled Gwent. Y nod yw gwneud yr ardal yn 'gyfeillgar i bryfed peillio' drwy ganiatáu i fwy o flodau gwyllt dyfu yn ein mannau gwyrdd.
Bydd y prosiect sydd i'w gyflawni fel rhan o Bartneriaeth Grid Gwyrdd Gwent yn ymgysylltu â chymunedau lleol ledled De-ddwyrain Cymru, gan godi ymwybyddiaeth o ddirywiad pryfed peillio. Bydd y prosiect yn annog perchnogaeth a grymuso cymunedol i gyflawni camau a fydd yn eu helpu i adfer y pryfed peillio. Dysgwch fwy yma.
|
No Mow May
Beth yw No Mow Mai a pham mae'n bwysig?
Mae ymgyrch No Mow Mai blynyddol Plantlife yn ein hannog ni i gyd i feddwl am adael i'n lawntiau a'r tir rydym yn ei reoli dyfu, ac osgoi torri gwair yn enwedig yn ystod mis Mai. Mae hyn yn caniatáu i flodau gwyllt flodeuo (gan gynnwys meillion, llygaid y dydd, dant y llew ac eraill) ac yn helpu i roi ffynhonnell fwyd y mae mawr ei hangen ar ein pryfed peillio. Gyda thua 15 miliwn o erddi ym Mhrydain, mae gan ein lawntiau gymaint o botensial i helpu ein pryfed peillio, yn enwedig o ystyried colli cynefinoedd dolydd blodau gwyllt.
Mae digon o wybodaeth, awgrymiadau a chyngor ar Wefan Plantlife, edrychwch ar y wefan a’i rhannu.
|
 |
Mae Partneriaeth Grid Gwyrdd Gwent yn anelu at wella a datblygu ein seilwaith gwyrdd, y rhwydwaith o nodweddion naturiol a lled-naturiol, mannau gwyrdd, afonydd a llynnoedd sy'n rhyngweithio ac yn cysylltu pentrefi, trefi a dinasoedd. Mae gan seilwaith gwyrdd rôl hanfodol i'w chwarae o ran mynd i'r afael â natur, newid yn yr hinsawdd ac argyfyngau iechyd.
Mae'r bartneriaeth yn rhan bwysig o helpu i gyflwyno'r Datganiad Ardal De-ddwyrain Cymru ac yn cyd-fynd â'n nodau mannau Gwyrdd a Diogel.
Dyma gylchlythyr partneriaeth Grid Gwyrdd Gwent lle gallwch gwrdd â'r tîm a dysgu mwy am y 5 ffrwd waith o'r prosiect a amlinellir isod.
- Strategaeth a Phartneriaeth Seilwaith Gwyrdd Rhanbarthol (GDd)
- Coridorau Gwyrdd Gwent
- Ardaloedd Peilot Astudiaeth Eco i-Tree Gwent
- Prosiectau Seilwaith Gwyrdd Gwent (GDd)
- Gwent yn Caru Pryfed Peillio
Gellir dod o hyd i ragor o wybodaeth hefyd yma ac ar Twitter yma @GwentGreenGrid
Cynllun Newid Hinsawdd Cyngor Dinas Casnewydd
Mae Cyngor Dinas Casnewydd wedi cyhoeddi ei Gynllun Newid Hinsawdd sefydliadol uchelgeisiol y gallwch ei weld yma. Gallwch hefyd weld fideo yma a darllen y datganiad i’r Wasg. Mae'r cynllun yn nodi sut y bydd y Cyngor yn gweithio tuag at fod yn sefydliad carbon niwtral erbyn 2030.
|
Asesiadau Seilwaith Gwyrdd
Mae Asesiad Seilwaith Gwyrdd wedi'i greu ar gyfer Casnewydd. Mae Llywodraeth Cymru wedi gofyn i bob awdurdod cynllunio yng Nghymru ymgymryd ag un. Mae'r asesiad hwn yn rhoi syniad i ni o'r math a’r maint y Seilwaith Gwyrdd (GDd) sydd ar draws Casnewydd gyfan (parciau a chaeau chwarae, coed stryd, rhandiroedd, gerddi preifat, toeau gwyrdd, afonydd, camlesi ac ati). Ei ddiben yw helpu Awdurdodau Cynllunio i fabwysiadu ymagwedd strategol at Wybodaeth Ddaearyddol ac mae'n nodi rhai cyfleoedd i ddiogelu a gwella bioamrywiaeth a gwydnwch ecosystemau ac mae'n rhoi rhai argymhellion ar y camau nesaf. Mwy o fanylion i ddilyn unwaith y byddant ar gael.
|
Astudiaeth Seilwaith Gwyrdd Canol Dinas Casnewydd
 |
|
Gan weithio mewn partneriaeth, mae Cyfoeth Naturiol Cymru a Chyngor Dinas Casnewydd wedi cyflogi Green Infrastructure Consultancy i gynnal astudiaeth i chwilio am gyfleoedd i gyflwyno mwy o wyrddni yng Nghanol y Ddinas. Ariannwyd yr astudiaeth gan Gronfa Trawsnewid Trefi Llywodraeth Cymru. Efallai eich bod wedi mynychu un o'r sesiynau ym mis Chwefror lle cafodd rhai o'r enghreifftiau eu harddangos. Syniadau yn unig ydynt ar hyn o bryd, ond y gobaith yw y gallai'r syniadau hyn ysbrydoli mwy o wyrddni yng nghanol y ddinas os bydd cyllid ar gael. |
Arolwg Argyfwng Hinsawdd a Natur Casnewydd yn Un
Ydych chi'n byw yng Nghasnewydd?
Os ydych, hoffem glywed gennych i ddeall y materion allweddol ynglŷn â’r Argyfwng Hinsawdd a Natur sy'n bwysig i chi.
Cwblhewch yr arolwg isod i gymryd rhan – dyddiad cau 31 Mai 2022.
Arolwg Argyfwng Hinsawdd a Natur Casnewydd yn Un
Mae Casnewydd yn Un yn bartneriaeth yn y ddinas, lle mae sefydliadau cyhoeddus, preifat a thrydydd sector lleol yn gweithio gyda’i gilydd i wella lles economaidd, cymdeithasol, amgylcheddol a diwylliannol y ddinas. Hoffem glywed gan bobl ledled Casnewydd i ddechrau blaenoriaethu'r camau y mae angen i bob un ohonom eu cymryd fel dinas dros y blynyddoedd nesaf.
Yr arolwg yw cam cyntaf cyfres llawer ehangach o gyfleoedd ymgysylltu ac ymwneud a gynhelir yn fuan.
|
|
|
|
Mae llawer o brosiectau'n digwydd ledled Casnewydd, a byddwn wrth fy modd yn clywed gennych chi er mwyn cynnwys eich syniadau yn yr e-fwletinau sydd ar y gweill. Dyma’r diweddaraf am ambell un, ac rwy'n gobeithio y byddwch yn cael eich ysbrydoli gan weld cymaint yn digwydd yng Nghasnewydd!
Prosiect Pryfed Peillio Buglife
Nod Prosiect Pryfed Peillio Buglife yng Nghasnewydd, a ariennir gan y Cynllun Cymunedau Treth Gwarediadau Tirlenwi (LDTCS), yw:
- Dod â chymunedau at ei gilydd i archwilio natur a dathlu pryfed peillio lleol drwy raglen weithgareddau diddorol a chynhwysol
- Adfer cynefinoedd pryfed peillio sy'n gwella gwydnwch rhwydweithiau ecolegol
- Codi ymwybyddiaeth ac ysbrydoli pobl i weithredu dros bryfed peillio yn eu cymunedau gan gynnwys rhai o’r rhywogaethau mwyaf prin a’r rhai sydd dan fygythiad yng Nghymru
Mae Tom Butcher-Flynn o Buglife wedi bod yn brysur yn cynllunio llawer o weithgareddau i gyflawni'r uchod i gyd, a gallwch weld peth o'r gwaith sy’n cael ei wneud isod gyda’r grŵp y Ffordd i Fyd Natur...
|
Y Ffordd i Fyd Natur
Dyma ddiweddariad o'r holl waith cyffrous sy'n digwydd yn y grŵp Cyfeillion y Ffordd i Fyd Natur.
- Mae gwaith glanhau gan wirfoddolwyr y grŵp yn mynd yn ei flaen gyda thipio anghyfreithlon hanesyddol a sbwriel yn dal i gael eu tynnu o'r mieri ar ymylon y ffyrdd. Mae Cyngor Dinas Casnewydd yn cefnogi drwy gasglu sbwriel a thipio anghyfreithlon wrth iddynt gael eu clirio.
- Mae gwelliannau ar y gweill i'r mannau mynediad i gerddwyr ar Y Ffordd ac i'r coetir cyfagos gyda'r gwaith angenrheidiol yn cael ei wneud gan Dîm Cefn Gwlad Cyngor Dinas Casnewydd. Mae camau wedi'u gosod yn ystod sesiwn gwirfoddolwyr y Cyngor a'r grŵp i gysylltu'r Ffordd â'r Coetir cyfagos.
- Mae'r gwaith o greu llwybr cerdded cylchol newydd ar hyd Y Ffordd, drwy'r coetir, y dolydd cyfagos ac ar hyd Llwybr Beicio 88/Percoed Reen, sy'n cynnwys llwybrau cyhoeddus presennol, ar y gweill.
- Roedd ein taith gerdded Buglife Cymru 'Natur ar ein stepen drws' gyda Thywysydd Natur Ai-Lin Kee a Tom Bucher-Flynn o Buglife yn llwyddiant gyda 15 o oedolion a phlant lleol yn ymuno â ni i archwilio a chwilio am "fygiau". Gwnaeth pawb fwynhau’r digwyddiad.
- Mae dwy sesiwn Buglife arall wedi'u cynllunio:
1 Mehefin Taith natur 'Peillwyr ar Waith'
2 Mehefin Digwyddiad gweithgareddau i deuluoedd 'Celf Ar Y Ffordd'
Cadwch lygad am fwy o sesiynau sy'n seiliedig ar natur drwy gydol yr Haf a'r Hydref. I gael yr wybodaeth ddiweddaraf dilynwch Cyfeillion y Ffordd i Fyd Natur (@1RoadToNature)
Mae arwydd newydd "Welcome To The Road To Nature - Croeso i'r Ffordd i Fyd Natur" wedi cael ei ariannu a'i osod gan Gyngor Dinas Casnewydd gan ddefnyddio gwaith celf wych yr artist Buglife, Tom Maloney
Tagio teiars i fynd i'r afael â thipio anghyfreithlon
Ym mis Chwefror 2022, lansiwyd menter newydd i leihau tipio teiars gwastraff yn anghyfreithlon a'i effaith ar yr amgylchedd gan Cyfoeth Naturiol Cymru (CNC) mewn partneriaeth â Chyngor Dinas Casnewydd. Darllenwch fwy yma.
|
Pobl - Rhoi planhigion i ffwrdd am ddim
Yn ddiweddar, cynhaliodd Pobl, Hwb Canolog Cyngor Dinas Casnewydd, a Chyfoeth Naturiol Cymru ddigwyddiad yng Nghanolfan y Mileniwm Pilgwenlli gan roi planhigion i ffwrdd am ddim er mwyn annog pobl i roi cynnig ar dyfu eu bwyd eu hunain. Cafodd dros 300 o blanhigion eu rhoi i ffwrdd gyda gwahanol lysiau, ffrwythau a pherlysiau ar gael. Roedd dros 30 o deuluoedd yn bresennol ar y diwrnod, roedd mor hyfryd gweld y plant yn gyffrous i gael y cyfle i dyfu eu cynnyrch eu hunain.
Cafodd y digwyddiad ei ariannu gan brosiect y Loteri Genedlaethol 'How Green Is My Valley'. Gweithiodd aelod o staff Pobl, Charlotte Spring ar y prosiect, a dywedodd. ''Roedd y digwyddiad yn llwyddiant ysgubol, daeth rhai teuluoedd a fynychodd yn y bore yn ôl yn y prynhawn i ddweud eu bod eisoes wedi plannu’r planhigion yn eu gerddi a'u bod yn gyffrous i'w gwylio'n tyfu. Rydym yn parhau i gefnogi cymunedau mewn cyfnod anodd drwy sawl llwybr. Roedd y digwyddiad hwn wedi ein galluogi i annog ac addysgu teuluoedd am fanteision tyfu eu cynnyrch eu hunain a dechrau’n ddigost.''
|
Bwyd Cynaliadwy
Mae Cydlynydd Cynaliadwyedd Bwyd ar gyfer Casnewydd wedi cael ei benodi. Nod Gary Thomas o GAVO yw cefnogi prosiectau bwyd sy'n cefnogi pobl mewn argyfwng, fel banciau bwyd a phantrïoedd cymunedol, ond hefyd prosiectau tyfu cymunedol sydd â manteision mwy hirdymor.
Mae Rhwydwaith Cynaliadwyedd Bwyd wedi'i sefydlu ar draws y Ddinas. Mae Gary yn croesawu'r cyfle i gwrdd â grwpiau sy'n tyfu ffrwythau a llysiau ac a allai fod â diddordeb mewn creu cysylltiadau gwerthfawr rhwng prosiectau bwyd a thyfwyr cymunedol. Os oes gennych ddiddordeb mewn ymuno â'r Rhwydwaith neu os hoffech gael sgwrs anffurfiol, mae croeso i chi gysylltu â ni.
|
Pecynnau bywyd gwyllt a phlannu coed
Mae Lucy Arnold-Matthews, Swyddog Bioamrywiaeth ac Addysg Cyngor Dinas Casnewydd, wedi bod yn brysur gyda llawer o brosiectau. Roedd un ohonynt yn dosbarthu 22 o becynnau bywyd gwyllt i brosiectau tyfu cymunedol a safleoedd rhandir amrywiol ledled Casnewydd fel rhan o'r prosiect Cymunedau Cynaliadwy. Mae’n ysbrydoli dull sy'n ystyriol o natur o dyfu ac yn cysylltu cynefinoedd yn rhai o'n hardaloedd mwyaf trefol. Fel rhan o Goed i Ddinasoedd, cafodd 200 o goed ffrwythau eu plannu hefyd mewn lleoliadau amrywiol ledled Casnewydd gan wirfoddolwyr, Cyngor Dinas Casnewydd ac eraill.
|
|
 |
 |
|
Plannu coed yn y Betws
Cafodd dau gant o goed eu plannu ar hyd glannau Nant Betws yng Nghasnewydd. Cafodd glasbrennau eu rhoi gan Linc Cymru, ac ynghyd â Chartrefi Dinas Casnewydd treuliodd fore yn eu plannu ar hyd y man cerdded poblogaidd ym Metws. Edrychwch ar y fideo yma.
|
Goleuadau newydd ar hyd llwybrau Teithio Llesol
Mae goleuadau lefel isel wedi'u gosod mewn gwahanol fannau gwyrdd yng Nghasnewydd gan gynnwys Parc Tredegar, Parc Coed Melyn, a'r llwybr newydd yn Ynys Monkey, Llys-faen. Mae hyn yn helpu i wneud teithio llesol (cerdded a beicio ac ati) yn haws ac yn fwy croesawgar drwy gydol y flwyddyn.
|
|
 |
Coetiroedd ar gyfer Llesiant gyda Coed Lleol
Roedd y sesiynau Llesiant Coetiroedd ym Metws yn llwyddiant, ac roedd pobl leol yn mwynhau teithiau cerdded coetir, ymwybyddiaeth ofalgar a dysgu ac adnabod llawer o blanhigion a bywyd gwyllt. Arweiniodd Coed Lleol ar gyflwyno'r sesiynau yng nghoetir Cyfoeth Naturiol Cymru, mewn partneriaeth â Hwb Gogledd Cyngor Dinas Casnewydd.
Gan fod ganddynt y potensial i gael effaith gadarnhaol ar bobl a chynnig cyfle i ailgysylltu â natur ar garreg y drws, mae cynlluniau ar y gweill i gadw'r rhain i fynd gyda sesiwn Llesiant Coetiroedd misol – cadwch lygad am ragor o wybodaeth.
|
Sesiynau Gaeaf Llawn Lles
Roedd sesiynau Gweithgareddau Awyr Agored y Gaeaf Lles yng Nghasnewydd a gafodd eu cynnal gan y Bartneriaeth Awyr Agored yn llwyddiant ysgubol. Roedd carfan lawn o bobl ifanc ar y rhaglen ym mis Mawrth 2022 a chafodd rhai sesiynau ychwanegol mewn beicio mynydd a dringo creigiau awyr agored eu trefnu i oedolion ifanc ledled y ddinas.
|
Greening Maindee / Maindee Unlimited
Mae llawer o brosiectau a diweddariadau cyffrous gan Maindee Unlimited yn eu cylchlythyr Gwanwyn 2022 y gallwch eu darllen yma.
|
|
Y Bont Gludo
Mae llawer o ddigwyddiadau ar y Bont Gludo, gan gynnwys gweithgareddau sy'n gysylltiedig â natur. Gallwch gael y wybodaeth ddiweddaraf amdanynt yma ac ar y cyfryngau cymdeithasol. Yn dod yn fuan, mae digwyddiad Heuldro'r Haf ar 21 Mehefin. Gallwch archebu tocynnau yma.
Twitter - @NpTbridge
Instagram - Nptbridge1906
Facebook - @NptBridge
Hyb Gogledd Casnewydd
Mae gan Hyb Gogledd Cyngor Dinas Casnewydd (Betws, Caerllion, Shaftesbury, Malpas) lawer o ddigwyddiadau ar y gweill. Gallwch gael yr wybodaeth ddiweddaraf amdanynt yma. Mae gweithgareddau ar thema natur ac amgylchedd gan gynnwys Camwch i Fyd Natur cyfres o deithiau cerdded a Helfa Bwystfilod Bach Coetir ar 30 Mai.
Llwybr Arfordir Cymru (Dyfodol)
Mae Llwybr Arfordir Cymru (Dyfodol) yn gyfres o ddigwyddiadau a gosodiadau creadigol sy’n cael eu cynnal dros gyfnod o flwyddyn. Mae’r digwyddiadau’n archwilio'r effaith y gallai cynnydd yn lefel y môr ei chael ar arfordir Cymru, ac yn ymchwilio i'n perthynas â’r tir a’r dŵr.
Mae’r wybodaeth ddiweddaraf am ddigwyddiadau sydd ar y gweill yma a gallwch ymuno â'r rhestr bostio i gael rhagor o wybodaeth.
Rhagnodi Natur - Teithiau cerdded Natur Iechyd Gwyllt
Dyma ffilm fer ar sut mae Rhagnodi Natur yn gweithio (sy’n cael ei alw weithiau’n rhagnodi Gwyrdd). Mae prosiect o'r enw Iechyd Gwyllt yn cael ei redeg gan Ymddiriedolaeth Bywyd Gwyllt Gwent sy’n helpu pobl i gael y manteision o fod mewn natur a mannau gwyrdd Taith Gerdded Natur Iechyd Gwyllt | Facebook.
|
Cylchlythyr Datganiad Ardal De-ddwyrain Cymru
Gellir dod o hyd i gylchlythyr sy'n rhoi'r wybodaeth ddiweddaraf am Ddatganiad Ardal De-ddwyrain Cymru yma. Mae'r rhifyn cyntaf hwn yn edrych yn ôl ar y gwaith sydd wedi'i gyflawni hyd yn hyn gyda rhagolwg o'r hyn sydd ar y gweill.
Os oes gennych unrhyw ymholiadau cysylltwch â ni neu ddilyn y cyfryngau cymdeithasol am y diweddaraf, @CyfNatCymDD Facebook a @CyfNatCymDD Twitter.
|
Diweddariad Cynllun Datblygu Lleol Newydd
Mae'r Cyngor yn gweithio ar Gynllun Datblygu Lleol Newydd ar gyfer Casnewydd. Gweler y cylchlythyr diweddaraf yma am ddiweddariadau, y llinell amser, a ffyrdd o gymryd rhan a dweud eich dweud.
Natur a ni / Nature and us
Mae Natur a ni / Nature and Us yn sgwrs ledled Cymru am ddyfodol ein hamgylchedd naturiol, a hwylusir gan Cyfoeth Naturiol Cymru, mewn cydweithrediad â Llywodraeth Cymru. Mae’n cynnwys pobl Cymru mewn datblygu gweledigaeth gyffredin ar gyfer ein hamgylchedd naturiol, gan ystyried y newidiadau y mae angen i ni eu gwneud yn arwain at 2030 a 2050, fel unigolion ac fel gwlad.
Mae’r tîm y tu ôl i Natur a ni / Nature and Us wrthi'n adolygu canfyddiadau'r sgwrs genedlaethol ac yn paratoi adroddiad ar gam cyntaf y prosiect. Os hoffech gael y wybodaeth ddiweddaraf am ddatblygiadau Natur a Ni yn y dyfodol, gwnewch yn siŵr eich bod wedi nodi eich manylion ar y Dudalen Gofrestru hon.
|
|
|
Hyfforddiant
-
-
Gweithdy Adnabod a Chofnodi Pryfed
Mae'r prosiect Natur Wyllt yn cynnal gweithdy adnabod a chofnodi pryfed hanner diwrnod am ddim ledled Gwent. Mae'r sesiynau gweithdy yn addas ar gyfer pob oedran a phrofiad. Os hoffech fynychu’r sesiynau, llenwch y ffurflen gofrestru yma. Cynhelir un o'r gweithdai yng Nghasnewydd 8 Gorffennaf am 9.30am, Neuadd Gymunedol Tydu, Tŷ-du.
-
Cynnal Cymru – Cyrsiau Cynnal Cymru:
Cwrs Eco-Lythrennedd, Nabod Natur-Natur Wise. Cadwch lygad am gyrsiau am ddim i grwpiau cymunedol yma
Llythrennedd Carbon - Cliciwch y ddolen i weld prisiau'r cwrs.
Adnoddau
Mae llyfryn newydd sbon wedi'i gyhoeddi - Plannu ar gyfer Pryfed Peillio sy'n frith o syniadau gwych ac awgrymiadau da i'ch helpu i ddewis planhigion a rhoi syniadau i chi ar sut i wneud eich lle, sefydliad neu gymuned yn gyfeillgar i bryfed peillio. Gyda syniadau ar gyfer balconïau, gerddi a mannau cymunedol.
Mae Building With Nature wedi cynhyrchu set o safonau ar gyfer datblygwyr a llunwyr polisi ar sut i gydbwyso anghenion pobl a natur a bywyd gwyllt wrth ddylunio lleoedd a thai newydd. Gellir lawrlwytho'r canllaw o'u gwefan, a dyma fideo i esbonio mwy. Maen nhw hefyd wedi lansio astudiaethau achos sy’n arddangos enghreifftiau o Seilwaith Gwyrdd mewn datblygiadau adeiladu newydd.
Mae Llywodraeth Cymru yn gofyn ble yr hoffech weld mwy o goed yn cael eu plannu drwy ollwng pin ar y map rhyngweithiol ar-lein.
Darganfyddwch sut y gallwch gael eich coeden o fis Tachwedd 2022 fel rhan o Fy Nghoeden, Ein Coedwig.
Effaith hinsawdd, natur ac iechyd yng Nghymru
Creu Lleoedd a Mannau Iach
Her Driphlyg o Brexit, Covid-19 a Newid Hinsawdd ar iechyd a llesiant
Newid Hinsawdd, Safbwynt Cymru
-
Atebion sy'n seiliedig ar natur ar gyfer rheoli'r arfordir tudalen we
Mae tudalen Cyfoeth Naturiol Cymru yn rhoi arweiniad, tystiolaeth a gwybodaeth am atebion sy'n seiliedig ar natur ar gyfer rheoli arfordirol, sut y gallent fod o fudd i ni, pryd a sut y gellir eu defnyddio, a thystiolaeth am y llenyddiaeth wyddonol ddiweddaraf am atebion sy'n seiliedig ar natur.
-
Canllawiau defnyddiol yr Ymddiriedolaethau Natur
Mae'r Ymddiriedolaethau Bywyd Gwyllt wedi creu'r ffeithluniau ac animeiddio defnyddiol hyn, ac awgrymiadau ar bethau syml a hawdd y gallwn i gyd eu gwneud i leihau ein hôl troed carbon, addasu i newid yn yr hinsawdd a gwneud gwahaniaeth mawr i'r byd naturiol.
Photo Credit: Chris Harris/Living Levels Partnership
Mae Cyllido Cymru yn llwyfan newydd ar gyfer chwilio am gyllid a grëwyd gan Cefnogi Trydydd Sector Cymru.
Dyma ychydig o gyfleoedd cyllido isod.
GAVO - Grant Bwyd Cynaliadwy bellach yn agored i geisiadau. Ar gyfer grwpiau cymunedol sy'n gweithredu yng Nghasnewydd sy'n cynnig cymorth i'r rhai y mae ansicrwydd bwyd yn effeithio arnynt a'r rhai sy'n gweithio tuag at gynaliadwyedd bwyd yn y ddinas - gall hyn gynnwys gweithgareddau fel prosiectau tyfu cymunedol, sesiynau coginio neu debyg. Grantiau ar gael o hyd at £3000.
Cadwch Gymru'n Daclus - pecynnau Lleoedd Lleol ar gyfer Natur: i helpu i greu Gardd Tyfu Bwyd neu Ardd Bywyd Gwyllt, neu Berllan Gymunedol.
Loteri Genedlaethol Camau Cynaliadwy Cymru: Grantiau Gweithredu o £10,001 i £350,000 sy’n mynd i’r afael â newid hinsawdd mewn cymunedau ac yn helpu pobl i fyw mewn ffordd fwy cynaliadwy. Anfon eich ffurflen mynegi diddordeb atom erbyn 21 Gorffennaf 2022.
Coed Cadw – Pecynnau Plannu Coed am Ddim: Mae gan Coed Cadw amrywiaeth o becynnau coed am ddim sy'n addas i ysgolion, grwpiau ieuenctid a chymunedau gyda dau gyfnod dosbarthu’r flwyddyn, ym mis Mawrth a mis Tachwedd.
Llywodraeth y DU - Cronfa Perchnogaeth Gymunedol: Mae'r gronfa hon yn cefnogi grwpiau cymunedol i gymryd perchnogaeth o asedau ac amwynderau sydd mewn perygl o gael eu colli, gan gynnwys, er enghraifft, parciau, cyfleusterau chwaraeon a hamdden neu adeiladau/lleoliadau eraill.
Arian y Loteri Genedlaethol i bawb: Cyllid o £300 i £10,000 ar gyfer prosiectau cymunedol.
Cynllun Cymunedau y Dreth Gwarediadau Tirlenwi: Helpu cymunedau sy'n byw o fewn pum milltir i rai gorsafoedd trosglwyddo gwastraff neu safleoedd tirlenwi i weithredu dros eu hamgylchedd lleol.
|
Photo credit: Maindee Unlimited
|
|
|
|
|
