|
Archebwch eich sesiwn un-i-un gyda'r tîm Datblygu Twristiaeth
Ar ôl cael adborth cadarnhaol iawn i'n cymorthfeydd busnes diweddar yn yr haf, rydyn ni'n cynnig mwy o gefnogaeth o fis Medi. P'un a ydych chi'n awyddus i fanteisio i'r eithaf ar gyfleoedd marchnata drwy Darganfod Sir Gâr, ystyried opsiynau cyllido, neu gael y wybodaeth ddiweddaraf am y mentrau twristiaeth diweddaraf, bydd Sarah ac Elinos ar gael ar gyfer sesiynau ar-lein un-i-un ar ddydd Mawrth olaf pob mis
|
|
Archebwch eich lle nawr ar gyfer Gŵyl Gerdded Gyntaf Llwybr Dyffryn Tywi!
 Ymunwch â ni rhwng 16 Medi a 4 Hydref am raglen o deithiau cerdded tywys ar hyd Llwybr hardd Dyffryn Tywi - o wylio bywyd gwyllt a theithiau treftadaeth i gerdded Nordig, gweithdai creadigol ac ymweliad tywys i Goedardd Gelli Aur, mae yna daith gerdded sy'n addas i bawb.
|
Gweithdy am ddim ar gyfer defnyddio AI yn effeithiol
Wedi'i chynllunio ar gyfer busnesau twristiaeth a lletygarwch, bydd y sesiwn hon a ariennir gan Lywodraeth Cymru yng Nghaerfyrddin ar 9 Medi yn dangos ffyrdd ymarferol o ddefnyddio deallusrwydd artiffisial i greu cynnwys, gwella eich presenoldeb ar-lein, ymateb i ymholiadau cwsmeriaid ac arbed amser. Hyn a hyn o leoedd sydd ar gael.
|
|
Ymgyrch farchnata'r haf yn cyrraedd 3 miliwn
Gan ddefnyddio agoriad Llwybr newydd Dyffryn Tywi fel ffocws, mae ein gwaith hysbysebu digidol wedi'i dargedu wedi creu ymwybyddiaeth enfawr o "awyr agored" y Sir gyda mwy na 3 miliwn o argraffiadau a 75,976 o gliciau ar y wefan, gan arwain at orfod cynyddu lled band ar gyfer ein gwefannau.
Gyda phobl yn ceisio gwneud y gorau o'r tywydd poeth, rydyn ni wedi sicrhau bod ein pedwar llwybr di-draffig, anhygoel (Dyffryn Tywi, Arfordir y Mileniwm, Dyffryn y Swistir a Dyffryn Aman) yn cael sylw ar y cyfryngau cymdeithasol fel Facebook a YouTube.
|
|
|
Ydych chi wedi cynllunio rhywbeth newydd neu chwilfrydig ar gyfer 2026 a 2027?
P'un a ydych chi wedi cynllunio atyniad, llety, gweithgaredd, gweithdy newydd neu uwchraddio cyfleuster, rydyn ni am eich helpu i'w hyrwyddo i'r torfeydd. Mae rhannu eich cynlluniau'n gynnar yn ein helpu i wneud y mwyaf o gyfleoedd cysylltiadau cyhoeddus ar y cyfryngau cenedlaethol a thrwy Croeso Cymru yn ogystal â'ch cynnwys yn ein hymgyrch farchnata newydd sbon "Penwythnosau Chwilfrydig" yr Hydref, a ariennir yn garedig gan Lywodraeth y DU.
Os oes gennych rywbeth a allai wneud penwythnos yr hydref yn fwy cofiadwy i gwpl, bydden ni wrth ein bodd yn clywed gennych chi – yn enwedig profiadau arbennig o ran llety, neu fwydlen arbennig, digwyddiad neu gwrs coginio diwrnod er enghraifft.
|
Cyllid newydd ar gyfer hygyrchedd – amser o hyd i wneud cais
Gyda thua un o bob pedair taith dros nos i Gymru yn cynnwys rhywun sydd â gofyniad mynediad, mae Llywodraeth Cymru yn cynnig cyllid cyfalaf i fusnesau twristiaeth a lletygarwch ar gyfer prosiectau i wella hygyrchedd a chreu profiadau mwy cynhwysol i ymwelwyr.
|
|
|
Llywodraeth y DU yn ariannu marchnata ymwelwyr dydd newydd
 |
|
Gyda chefnogaeth Llywodraeth y DU, bydd mwy o waith hyrwyddo yn canolbwyntio ar themâu "Rydyn ni'n gwybod am le" fel syniadau am weithgareddau ar ddiwrnod gwlyb, osgoi diflastod a gweithgareddau rhesymol eu pris. Cysylltwch â Sarah nawr a gwnewch yn siŵr bod eich rhestr Darganfod Sir Gâr am ddim yn gyfredol i wneud y gorau o'r cyfle hwn.
|
Gwnewch y gorau o'r hydref yn Sir Gâr
Mae ein hymgyrch "Ni'n gwybod am le" a'r map newydd "Pethau i'w Gwneud" wedi'u cynllunio i annog ymwelwyr i archwilio ymhellach a darganfod mwy o beth sydd gan Sir Gâr i'w chynnig y tymor hwn — o deithiau cerdded yr hydref a bwyd lleol i brofiadau sy'n addas i deuluoedd ym mhob tywydd.
Helpwch eich gwesteion i ddarganfod mwy, aros yn hirach, gwario mwy a mwynhau Sir Gâr fel person lleol.
Gallwch gael mynediad at luniau a fideos am ddim i wella'ch ymgyrch farchnata.
Archebwch eich mapiau am ddim a chymryd rhan yr hydref hwn.
|
Ymweliad ymgyfarwyddo â'r Ardd Fotaneg Genedlaethol
Ddydd Mercher 30 Medi 2026 11 AM - 12:30 PM ymunwch â staff datblygu twristiaeth a Chymdeithas Twristiaeth Sir Gâr ar ymweliad ymgyfarwyddo â'r Ardd Fotaneg Genedlaethol. Dewch i fwynhau rhai o uchafbwyntiau'r Ardd yn uniongyrchol, a bydd cyfle i chi ddysgu mwy am raglenni cadwraeth, addysg ac ymwelwyr, a bwrw golwg ar sut rydyn ni'n gweithio gyda'n gilydd i hyrwyddo Sir Gâr fel cyrchfan flaenllaw ar gyfer natur, dysgu a thwristiaeth gynaliadwy.
|
|
|
|
|
