|
Y Wybodaeth Ddiweddaraf am y Gweinidog Twristiaeth
Mae Adam Price wedi cael ei benodi'n Weinidog Cabinet Llywodraeth Cymru dros Fenter, Cysylltedd ac Ynni, sy'n gyfrifol am dwristiaeth.
Mae ei bortffolio yn cynnwys meysydd allweddol ar gyfer busnesau twristiaeth, megis trafnidiaeth, cysylltedd digidol, ynni, a thwf economaidd.
Byddwn ni'n parhau i roi'r wybodaeth ddiweddaraf i chi am ddatblygiadau sy'n effeithio ar yr economi ymwelwyr.
|
|
“Ni'n gwybod am le” – Ymgyrch yr haf a map pethau i'w gwneud
 Yn ystod y gwyliau ysgol, bydd ein hymgyrch “Ni'n gwybod am le” a map “Pethau i'w Gwneud” yn helpu ymwelwyr i wneud y gorau o'u hamser yn Sir Gâr. Trwy annog pobl i ymweld â mwy nag un lleoliad a hyrwyddo profiadau lleol sy'n addas i deuluoedd beth bynnag fo'r tywydd, mae'n cefnogi busnesau i gynyddu amser aros a gwariant a rhannu argymhellion lleol unigryw. Archebwch eich mapiau am ddim a chymryd rhan.
|
Busnesau lleol i elwa ar sioe deithiol cymorth busnes haf 2026
 Mae busnesau twristiaeth a lletygarwch yn cael eu gwahodd i Sioe Deithiol Twristiaeth a Busnes yr Haf 2026 ar 30 Gorffennaf yng Ngardd Fotaneg Genedlaethol Cymru. Dewch i fanteisio ar gyngor arbenigol, gweithdai ymarferol a chymorth un i un i helpu eich busnes i dyfu. Mae'r digwyddiad am ddim ond hyn a hyn o leoedd sydd ar gael felly mae'n rhaid archebu lle ymlaen llaw.
|
|
Cyfryngau cenedlaethol yn hybu proffil
Rydyn ni'n parhau i gynyddu ymwybyddiaeth o'r Sir trwy weithio gyda theitlau cenedlaethol, ac mae eitemau twristiaeth rhagorol wedi'u cyhoeddi yn y Telegraph, y Times a'r Sunday Times, ac ym mis Mehefin fe wnaethon ni drefnu bod newyddiadurwr papur newydd y Sun yn ymweld â'r Sir ar daith 5 diwrnod oedd yn llawn o bethau i'w gwneud fel teulu. Diolch yn fawr iawn i'r holl fusnesau a fu'n gweithio gyda ni i sicrhau bod yr ymweliad hwn yn llwyddiannus.
|
Cyffro'r Eisteddfod yn cynyddu
Gydag Eisteddfod y Garreg Las, yr ŵyl deithiol fwyaf yn Ewrop, yn dod gerllaw i ogledd Sir Benfro mewn dim ond 4 wythnos, rydyn ni wedi bod yn gweithio gyda'r trefnwyr, y cymunedau lleol a'r busnesau twristiaeth i sicrhau bod y 184,000 o bobl y mae disgwyl iddyn nhw fynd i'r Eisteddfod yn mwynhau eu harhosiad ac yn gwybod beth y gallan nhw ei fwynhau yn yr ardaloedd lleol. Gwnewch yn siŵr bod eich gwybodaeth yn gyfredol ar y rhestri am ddim ar Darganfodsirgar.com
|
Sioeau Teithiol ar gyfer Busnesau Llwybr Dyffryn Tywi
Beth am roi hwb i'ch busnes drwy fanteisio ar y cyfle hwn i drefnu sesiwn un i un gyda ein tîm twristiaeth. Mae slotiau cyfleus o 20 munud ar gael, lle gallwch ddysgu sut i wella eich cynnig, cael asedau marchnata am ddim fel mapiau, lluniau a fideo, a dod yn Llysgennad Twristiaeth Sir Gâr a fydd yn eich helpu i wneud y mwyaf o lwyddiant Llwybr Dyffryn Tywi. Ymunwch â Sarah yn Neuadd y Farchnad, Llandeilo.
|
|
|
Sir Gâr yn serennu ar Channel 4
Cafodd Still Water (Y Golau), sef dilyniant i Light in the Hall, y gyfres ddrama ar Channel 4, ei ffilmio mewn nifer o leoliadau ar draws y Sir. Mae'r ddrama'n cael ei dangos ar Channel 4 ar hyn o bryd a dyma'r prif lun ar y gwasanaeth dal i fyny. Fe wnaethon ni weithio'n agos gyda'r tîm cynhyrchu i ddod o hyd i leoliadau ffilmio posibl, sicrhau caniatâd a chau ffyrdd i wneud y cynhyrchiad mor effeithlon â phosibl.
|
Hyfforddiant am ddim gyda Busnes Cymru
Gall busnesau twristiaeth a lletygarwch ymuno â gweminarau Busnes Cymru sy'n cynnwys pynciau fel dechrau busnes, cyllid, marchnata, sgiliau digidol, adnoddau dynol a thwf. Gallwch archebu sesiynau ar-lein neu drwy e-bost a rhaid gwneud hynny o leiaf tri diwrnod ymlaen llaw. Mae llawer o'r cyrsiau yn cefnogi twf busnes o'r syniad cychwynnol hyd at ehangu.
|
|
|
|
|
