|
|
Croeso i Denant i Denant – eich llythyr newyddion misol
Rydych yn derbyn y llythyr newyddion hwn oherwydd eich bod wedi cofrestru i dderbyn newyddion, gwybodaeth a diweddariadau i bobl sy'n byw mewn cartrefi sy'n eiddo i'r Cyngor.
|
|
Newidiadau i'r System Rheoli Tai
Fel rhan o'r broses hon, bydd ein system bresennol yn system ddarllen-yn-unig o 19 Mehefin.
Yn ystod yr wythnos sy'n dechrau ar 22 Mehefin, ni fydd rhai swyddogaethau Fy Nghyfrif ar gyfer gwasanaethau rhent tai ar gael dros dro.
Os oes angen:
- gwneud cais am ddatganiad rhent
- gofyn am ad-daliad
- archebu carden giro
- sefydlu debyd uniongyrchol
cysylltwch â Rhenti Tai ar HousingRents@sirgar.gov.uk
Er bod rhai gwasanaethau yn newid, gallwch barhau i:
- talu eich rhent fel arfer
- cysylltu â'ch Swyddog Tai
- rhoi gwybod am atgyweiriadau fel arfer
Rydym yn gwerthfawrogi eich amynedd yn ystod y newid hwn wrth i ni weithio i wella ein gwasanaethau i chi.
|
Newyddion Tai Cyngor Sir Caerfyrddin
Bydden ni'n gwerthfawrogi eich adborth ar sut rydyn ni'n rhannu gwybodaeth a newyddion tai. Cymerwch ychydig funudau i gwblhau ein harolwg byr sy'n gofyn 4 cwestiwn am ddulliau cyfathrebu Cyngor Sir Caerfyrddin. Bydd eich barn yn ein helpu ni i wella'r ffordd rydyn ni'n rhoi gwybodaeth i chi. Diolch yn fawr am gymryd rhan!
|
|
|
Dywedwch wrthym beth yr hoffech ei weld yn Tenant i Denant
Rydym yn ceisio cynnwys ystod eang o bynciau sy'n bwysig i chi fel tenant a phreswylydd Sir Gaerfyrddin yn y llythyr newyddion hwn.
Dywedwch wrthym pa fath o wybodaeth, newyddion a chyngor fyddai'n ddefnyddiol i ni eu cynnwys.
|
Rhoi gwybod am waith atgyweirio tŷ ar-lein
Oeddech chi'n gwybod y gallwch roi gwybod am waith atgyweirio tŷ ar-lein?
Mae rhoi gwybod am waith atgyweirio tŷ ar-lein yn golygu bod eich cais yn cael ei anfon yn syth at y tîm a bydd yn cael ei asesu cyn gynted â phosibl.
|
|
Diwrnod y Lluoedd Arfog 2026 yn dod cyn hir
Rydyn ni'n cynnal Diwrnod cenedlaethol y Lluoedd Arfog ym Mharc Gwledig Pen-bre ar 27 Mehefin lle bydd amrywiaeth o arddangosfeydd milwrol a gorymdaith, cerddoriaeth fyw drwy'r dydd, a bydd tîm arddangos parasiwt yr Awyrlu Brenhinol yn galw heibio! Mae'n gyfle i gydnabod gwaith y Lluoedd Arfog ac mae disgwyl i ymwelwyr heidio o bob cwr o'r wlad.
Bydd ein tîm Tai yno ar y dydd, dewch draw i ddweud helo.
|
Golchi. Gwasgu. Ailgylchu.
Cyn rhoi eitemau yn eich bag ailgylchu, golchwch nhw i gael gwared ar unrhyw fwyd neu hylif sy'n weddill a’u gwasgu lle bo modd.
Gweddillion bwyd a hylif yw'r prif achos dros halogi deunyddiau ailgylchu. Mae cymryd eiliad i olchi eitemau yn helpu i gadw’r ailgylchu yn lân a sicrhau y gellir ei brosesu'n iawn.
Gellir fflatio llawer o eitemau, fel poteli plastig a chartonau, i arbed lle. Fodd bynnag, nid oes angen gwasgu popeth. Dylid rinsio tuniau a chaniau ond nid oes angen eu fflatio.
Gwyliwch y fideo i ddysgu mwy.
Mae cymryd y camau syml hyn yn helpu i leihau halogiad, yn arbed lle yn eich bag ailgylchu, ac yn cadw casgliadau i redeg yn hwylus.
I gael gwybod rhagor, ewch i Ganllaw Ailgylchu A-Y y Cyngor i weld pa eitemau gallwch chi eu rhoi yn eich bagiau glas.
|
Chwyn ymwthiol
Yn ystod Wythnos Rhywogaethau Goresgynnol rhwng 22 a 28 Mehefin, rydyn ni'n annog ein tenantiaid i ddilyn arferion gorau plant wise a helpu i amddiffyn bywyd gwyllt Sir Gaerfyrddin.
Mae planhigion yn dod â lliw a bywyd i'n gerddi, yn gwella ansawdd aer ac yn cefnogi bywyd gwyllt. Fodd bynnag, gall rhai planhigion estron ddod yn oresgynnol os ydynt yn lledaenu y tu hwnt i ffiniau gardd, gan niweidio cynefinoedd lleol, dyfrffyrdd a hyd yn oed adeiladau.
Mae planhigion goresgynnol yn tyfu'n gyflym ac yn gallu torri rhywogaethau brodorol y mae bywyd gwyllt lleol yn dibynnu arnynt am fwyd a lloches. Gallant hefyd rwystro afonydd a phyllau, gan gynyddu'r perygl o lifogydd a niweidio hamdden ac ecosystemau lleol. I gael gwybod am rai rhywogaethau goresgynnol yn ein sir, ewch i'n gwefan.
Gall tenantiaid Cyngor Sir Gaerfyrddin helpu drwy ddilyn tri cham syml:
-
Gwybod beth rydych chi'n ei dyfu - Dewiswch blanhigion sy'n addas i'ch gardd neu'ch pwll, ac osgowch rywogaethau goresgynnol.
-
Stopiwch blanhigion rhag lledaenu - Cadwch blanhigion o fewn ffiniau eich gardd a pheidiwch byth â'u plannu na'u rhyddhau yn y gwyllt.
-
Compostiwch gyda gofal – Gwaredwch blanhigion, hadau a gwreiddiau diangen yn gyfrifol, gan na ellir compostio rhai yn ddiogel.
Mae angen gofal ychwanegol ar blanhigion pwll ac acwariwm, gan y gall hyd yn oed darnau bach ledaenu'n gyflym mewn afonydd a llynnoedd.
Drwy ddilyn arferion gorau "Plant Wise", gallwch chi fwynhau eich gardd a helpu i amddiffyn amgylchedd naturiol Sir Gaerfyrddin ar gyfer cenedlaethau'r dyfodol.
|
|
|
Prynu â Hyder – Chwiliwch am y logo yr haf hwn
Cynllunio gwyliau neu daith undydd? Angen gwasanaethu eich car cyn taith hir, neu help ar ôl i rywbeth fynd o'i le ar eich ffôn? Edrychwch am y logo Prynu â Hyder i ddod o hyd i fusnesau lleol dibynadwy.
Mae'r holl fusnesau cymeradwy wedi cael eu harchwilio'n ofalus gan Safonau Masnach, gan gynnwys gwiriadau yswiriant ac arferion busnes, fel y gallwch chi deimlo'n hyderus am y gwasanaeth rydych chi'n ei dderbyn.
I gael rhagor o wybodaeth neu i gysylltu â busnesau cymeradwy lleol:
- Carmarthen Electronics 01267 223955
- Thomas Services: 01558 824499
- Llanelli Motor Company: 01554 751792
Gallwch chi hefyd weld rhestr lawn o aelodau yma: www.buywithconfidence.gov.uk neu ffoniwch 01267 234567
Ydych chi'n fusnes lleol? Ymunwch â'r cynllun a dangos i gwsmeriaid eich bod chi'n fasnachwr dibynadwy. Ar hyn o bryd rydyn ni'n chwilio am arddwyr a chwmnïau symud celfi, ond mae croeso i bob busnes. Ffoniwch 01554 742306 i gael rhagor o wybodaeth.
Edrychwch am y logo a dewiswch fusnesau y gallwch chi ymddiried ynddyn nhw!
|
|
|
|
|
