Tenant i Denant Mai 26

Gwiriwch eich dyddiadau casglu gwastraff ac ailgylchu cyn Gŵyl Banc y Gwanwyn, ddydd Llun 25 Mai.

Bydd yr holl gasgliadau’n digwydd un diwrnod yn hwyrach na’r arfer yr wythnos nesaf.

Dyma pryd y bydd eich biniau’n cael eu casglu:

Bydd casgliadau ar gyfer gwastraff hylendid a chewynnau a gwastraff gardd hefyd yn dilyn yr amserlen ddiwygiedig.

Rhowch eich biniau allan erbyn 6am ar eich diwrnod casglu diwygiedig. Cofiwch yr uchafswm o dri bag du a golchwch a gwasgwch eich deunydd ailgylchu.

Cofrestrwch i gael neges e-bost neu neges destun am ddim i'ch atgoffa am eich casgliadau ailgylchu a bagiau du yma.

Os bydd unrhyw darfu ar wasanaethau, bydd y wybodaeth yn cael ei rhoi ar wefan y cyngor ar ôl 2pm ar ddiwrnod eich casgliad. Mae trigolion yn cael eu hannog i wirio’r wybodaeth ddiweddaraf cyn rhoi gwybod am wastraff sydd heb ei gasglu.

Mae trigolion hefyd yn cael eu hannog i rannu’r wybodaeth hon ag aelodau o’r teulu, ffrindiau neu gymdogion sydd efallai yn dibynnu ar eraill am ddiweddariadau a gwybodaeth.

Bydd yr holl ganolfannau ailgylchu gwastraff y cartref ar agor fel arfer ddydd Llun, 25 Mai. Gallwch weld eu horiau agor yma.

Mae Llesiant Delta wedi lansio Delta i Chi, sef gwasanaeth larwm personol ac ymateb i helpu pobl ledled Sir Gaerfyrddin i fyw'n ddiogel, yn annibynnol ac yn dawel eu meddwl yn eu cartrefi eu hunain.

I lawer o denantiaid, yn enwedig y rhai sy'n byw ar eu pennau eu hunain, sydd â chyflyrau iechyd neu anableddau, neu sy'n mynd yn hŷn, gall gwybod bod help bob amser ar gael wneud gwahaniaeth mawr.

Os ydych chi wedi cael codwm, yn teimlo'n sâl, neu angen help brys, mae cymorth ar gael drwy wasgu botwm, ddydd neu nos, 365 diwrnod y flwyddyn.

Mae'n cynnwys:

• Larymau personol a synwyryddion cwympo fel y gallwch chi alw am help yn gyflym os bydd rhywbeth yn mynd o'i le
• Monitro 24/7 gan ymgynghorwyr lleol cyfeillgar sy'n gallu siarad â chi a chael yr help cywir
• Gwasanaeth ymateb lleol, lle gall staff hyfforddedig ddod mas a'ch helpu ar ôl codwm neu argyfwng arall
• Galwadau cyfeillgar i wirio llesiant, gan gynnig sicrwydd a chyswllt rheolaidd

Mae rhai larymau hefyd yn gallu gweithio y tu fas i'r cartref, gan helpu pobl i deimlo'n hyderus i fod yn egnïol ac yn annibynnol.

Mae'r prisiau'n dechrau o £4.85 yr wythnos, ac mae'r gwasanaeth yn cynnig nifer o opsiynau hyblyg ar gyfer anghenion gwahanol, boed hynny'n sicrwydd sylfaenol neu gymorth mwy rheolaidd.

Mae Llesiant Delta yn Gwmni Masnachu Awdurdod Lleol, sy'n eiddo i Gyngor Sir Caerfyrddin, sydd â mwy na 30 mlynedd o brofiad o gefnogi pobl yn lleol. Mae ein gwasanaethau yn cael eu darparu gan staff hyfforddedig a gofalgar sydd ar gael 24 awr y dydd, bob dydd o'r flwyddyn.

Wrth i'r ysgolion gau ar gyfer hanner tymor y Sulgwyn, mae Sir Gâr yn cynnig amrywiaeth wych o weithgareddau i deuluoedd fwynhau gyda'i gilydd. O anturiaethau yn yr awyr agored a phrofiadau wedi'u hysbrydoli gan natur i berfformiadau theatr, arddangosfeydd mewn amgueddfeydd a sesiynau creadigol mewn llyfrgelloedd, mae digon o ffyrdd cost isel ac am ddim ar gael i wneud y gorau o'r seibiant.

P'un a ydych chi'n chwilio am ddiwrnodau mas egnïol, ymweliadau diwylliannol hamddenol, neu rywbeth i'w wneud beth bynnag fo'r tywydd, mae gan Sir Gâr rywbeth i bobl o bob oed beth bynnag eu diddordeb.

Gallwch weld rhestr lawn o'r gweithgareddau ar dudalen 'Be sy' mlaen' Darganfod Sir Gâr

I lawer o ofalwyr maeth, yr eiliadau bach sy'n golygu fwyaf. Y chwerthiniad cyntaf, plentyn yn bod yn agored, neu’n syml yn teimlo'n ddigon diogel i ofyn am help.

Mae Ammanys o Sir Gaerfyrddin yn rhannu ei phrofiad o faethu ochr yn ochr â'i mam, Louise, gan gefnogi plant sydd wedi profi trawma. Fel llawer o ofalwyr, maen nhw wedi gweld sut y gall gofal bob dydd, amynedd a dealltwriaeth arwain at ddatblygiadau pwerus.

Canfu arolwg cenedlaethol gan Faeth Cymru:

-Mae tua 80% o ofalwyr wedi cefnogi plant sy'n dangos ymddygiadau sy'n gysylltiedig â thrawma.

-Mae hanner yn gweld cynnydd sylweddol o fewn chwe mis.

-Mae 93% yn teimlo'n hyderus wrth ymateb i ymddygiadau sy'n gysylltiedig â thrawma Os ydych chi erioed wedi ystyried maethu, efallai mai nawr yw'r amser perffaith. Gall yr eiliadau bach hynny newid bywyd plentyn, a'ch un chi.