Straeon go iawn gan bobl ifanc a gofalwyr maeth sydd â phrofiad o ofal

Cael trafferth gweld yr e-bost hwn? Edrychwch arno fel tudalen we

Mawrth 2026

Dathlu plant a phobl ifanc sydd â phrofiad o ofal ledled Sir Gaerfyrddin ar Ddiwrnod Gofal

Ar y Diwrnod Gofal hwn (Dydd Gwener, 20 Chwefror), gwnaethom ddathlu cyflawniadau plant a phobl ifanc â phrofiad o ofal ledled ein sir. O fynd i'r brifysgol i redeg eu busnesau eu hunain, dyma rai o siwrneiau ysbrydoledig plant a phobl ifanc sydd â phrofiad o ofal ar draws Sir Gaerfyrddin. Rydyn ni'n falch iawn o'n plant a'n pobl ifanc sydd â phrofiad o ofal, heddiw a bob dydd.

Mae nifer cynyddol o aelwydydd LHDTC+ yn maethu yng Nghymru

Yr Wythnos Mabwysiadu a Maethu LHDTC+ hon (2-9 Mawrth), gwnaethom ddathlu'r nifer cynyddol o aelwydydd LHDTC+ sy'n gwneud gwahaniaeth ledled Cymru, gan gynnwys yma yn Sir Gaerfyrddin. Mae Dee a Kaz Hamilton yn ofalwyr maeth sydd newydd gael eu cymeradwyo gyda ni ac maen nhw eisoes yn gwneud gwahaniaeth trwy ofal seibiant, gan gynnig lle diogel a chroesawgar i blant a phobl ifanc. Gyda chynnydd o 30% mewn aelwydydd LHDTC+ sy'n maethu yng Nghymru, nawr yw'r amser i ystyried a allech chi gymryd y cam cyntaf.

Pythefnos Gofal Maeth

Cynhelir Pythefnos Gofal Maeth o ddydd Llun, 11 Mai tan ddydd Sul, 24 Mai. Mae'r thema eleni, Dyma beth yw Maethu, yn dathlu'r nifer o straeon gwahanol sy'n ffurfio'r gymuned faethu.

Trwy gydol y pythefnos byddwn ni'n rhannu straeon go iawn gan ein gofalwyr maeth, gan dynnu sylw at y gwahaniaeth maen nhw'n ei wneud, a chodi ymwybyddiaeth o sut mae maethu yn newid bywydau.

Dilynwch ar ein sianeli cyfryngau cymdeithasol i glywed y straeon hyn a gweld beth yw maethu yn Sir Gaerfyrddin.

Rydym wedi trefnu nifer o ddigwyddiadau gwybodaeth ledled y sir cyn, yn ystod ac ar ôl Pythefnos Gofal Maeth. Mae'r sesiynau hamddenol hyn yn gyfle gwych i gwrdd â'r tîm, gofyn cwestiynau, a dysgu mwy am yr hyn y mae maethu yn ei gynnwys.

Os na allwch fynychu digwyddiad, gallwch gysylltu â ni am sgwrs anffurfiol.

Dileu elw o ofal plant

Mae newidiadau newydd yn dod yn y ffordd y bydd gofal yn cael ei ddarparu. Mae Maethu Cymru Sir Gâr yn cefnogi cynlluniau Llywodraeth Cymru i gael gwared ar elw o wasanaethau i blant sy'n derbyn gofal. Bydd y newidiadau hyn yn dod i rym o 1 Ebrill ac yn cael eu cyflwyno'n raddol dros amser.