|
 Annwyl
|
|
Ymunwch â'r Fforwm Twristiaeth Gynaliadwy
Y cyrchfannau twristiaeth mwyaf llwyddiannus yw'r rhai lle mae'r sectorau preifat, cyhoeddus a chymunedol yn gweithio gyda'i gilydd - gan rannu dealltwriaeth, trafod heriau a chyfleodd a llunio strategaethau yn y dyfodol.
Rydym bellach yn gwahodd cynrychiolwyr o'n busnesau a sefydliadau twristiaeth lleol i ymuno â'n Fforwm Twristiaeth Gynaliadwy newydd. Bydd aelodau'n cyfarfod o leiaf ddwywaith y flwyddyn i roi adborth, codi materion y sector a chryfhau cyfathrebu dwyffordd gyda'r Cyngor. Mae angen gwirfoddolwyr o feysydd llety, atyniadau, lletygarwch, digwyddiadau ac adwerthu ochr yn ochr â'r Cyngor Sir a'r gymuned.
Oes gennych chi ddiddordeb mewn cymryd rhan?
|
|
Sir Gâr yn cyrraedd y penawdau cenedlaethol
Mae ein hymgyrch farchnata Miri'r Merched yn parhau i enyn sylw yn y cyfryngau cenedlaethol, gydag erthygl tudalen lawn yn un o brif bapurau newydd y DU, The Mail on Sunday, ar 22 Chwefror. Gyda dros 550,000 o bobl yn talu i dderbyn y papur newydd, mae'r erthygl, gwerth £40,000 o ran hysbysebion, yn dod ar ôl ymweliad gan ei newyddiadurwr ac mae'n rhoi sylw i bob busnes lleol a oedd wedi gweithio gyda ni yn ystod yr ymweliad.
Yr wythnos diwethaf fe wnaethom ni groesawu ysgrifenwyr teithio ar gomisiynau gan adran deithio The Guardian a chylchgrawn Countyside Walking, ac fe gawsom adborth anhygoel am y profiadau, y croeso a safon yr hyn a gynigir. Rydym yn edrych ymlaen at weld yr erthyglau wedi'u cyhoeddi ac yn ddiolchgar iawn i'r holl bartneriaid a oedd wedi helpu i arddangos y sir.
|
Mae momentwm yr ymgyrch twristiaeth yn parhau i dyfu
Er mwyn cadw'r momentwm yn uchel, mae negeseuon hyrwyddo yn newid i "Cwtsho Lan yn Sir Gâr". Mae'r ymgyrch newydd hon eisoes yn denu sylw yn y cyfryngau gan ddenu dros 2 miliwn o argraffiadau digidol a 30,000 o drawiadau ar y we, ac yn cynnig cyfle cyffrous i ysbrydoli ymweliadau cyn diwedd y gaeaf.
Cymerwch ran trwy rannu'r asedau a'r postiadau cymdeithasol diweddaraf i helpu i ledaenu'r ymgyrch, ymestyn ei chyrhaeddiad. Cefnogir y gwaith gan Gronfa Ffyniant Gyffredin Llywodraeth y DU.
|
|
|
Seminar AM DDIM i drefnwyr digwyddiadau cymunedol
 Ar ôl adborth gan drefnwyr digwyddiadau, mae gweithdy 2 awr am ddim wedi'i drefnu am mis Mai 2026 gydag arbenigwr blaenllaw yn y diwydiant a fydd yn trafod y gofynion o ran cynllunio a rheoli digwyddiadau cymunedol yn effeithiol yn y Sir. Waeth pa mor fawr neu fach yw eich digwyddiad, mae'r sesiwn hon ar gyfer y rhai sy'n ceisio gwella eu dealltwriaeth a'u cynllunio.
|
Hyrwyddo'r Pasg yn Sir Gâr
Mae'r Pasg rownd y gornel, ac mae'n edrych yn debyg y bydd yn un gwych ar draws Sir Gâr! Mae rhai digwyddiadau a gweithdai gwych eisoes wedi'u rhestru ar wefan Darganfod Sir Gâr, ac rydym am wneud yn siŵr bod pawb yn gallu mwynhau calendr llawn o weithgareddau.
|
|
Sylw yn y Cyfryngau i Lwybr Dyffryn Tywi
Mae Llwybr newydd Dyffryn Tywi, sydd bron â'i gwblhau, yn parhau i ddenu sylw sylweddol yn y cyfryngau, wrth i'r Guardian grwydro ac adolygu rhannau o'r llwybr rhwng Caerfyrddin a Llandeilo yn ddiweddar. Disgwylir i'r gwaith sy'n weddill, gan gynnwys y ddwy bont olaf, gael ei gwblhau y Pasg hwn, gan gwblhau'r llwybr rhyfeddol hwn.
Ar ôl i Lwybr Dyffryn Tywi gael ei orffen, bydd yn cynnig llwybr parhaus a phrydferth i gerddwyr a beicwyr drwy gefn gwlad hardd Sir Gâr.
|
Byddwch yn Llysgennad Busnes Twristiaeth Sir Gâr
Mae Cynllun Llysgenhadon Busnesau Twristiaeth Sir Gâr, a gefnogir gan Gronfa Ffyniant Gyffredin Llywodraeth y DU, wedi dechrau'n gryf. Cafwyd adborth ardderchog am yr hyfforddiant cyntaf fis diwethaf, a'r mis hwn rydym yn cyflwyno sesiynau yn Llandeilo ar gyfer Y Cawdor a Diod.
Ymunwch â'r cynllun i:
✔ Sicrhau statws Llysgennad Busnes wedi'i wirio
✔ Cael mynediad at offer datblygu staff am ddim
✔ Symud trwy'r lefelau Efydd, Arian ac Aur
✔ Derbyn bathodynnau, tystysgrifau, cyfleoedd cysylltiadau cyhoeddus a chydnabyddiaeth gan Darganfod Sir Gâr
Dim ond 3 lle sydd ar ôl ar y cynllun peilot, felly nawr yw'r amser i wneud cais.
|
Gŵyl Lenyddiaeth Llandeilo
Mae'r ŵyl yn dychwelyd i Landeilo rhwng 24 a 26 Ebrill, gan ddathlu llyfrau, creadigrwydd a chymuned yng nghanol y sir.
Mae'r ŵyl yn cynnwys rhaglen amrywiol o sgyrsiau gan awduron a digwyddiadau ar gyfer pob oedran. Fel rhan o Ŵyl y Plant, sy'n cefnogi Blwyddyn Darllen Llywodraeth Cymru, bydd Siôn Tomos Owen, Bardd Plant Cymru, a Nicola Davies, Children's Laureate, yn bresennol ac yn rhannu eu llyfrau newydd gyda chynulleidfaoedd ifanc.
Cyfle gwych i ddathlu'r grefft o adrodd straeon, darganfod llyfrau newydd, a chefnogi'r Flwyddyn Darllen.
|
Darparwyr Llety – Byddwch yn rhan o Ddiwrnod Cenedlaethol y Lluoedd Arfog Cymru 2026
Mae Sir Gâr yn falch o gynnal digwyddiad Diwrnod y Lluoedd Arfog eleni ar 27 Mehefin, ac mae disgwyl i filoedd o ymwelwyr ddod i Barc Gwledig Pen-bre. Os yw eich llety neu fusnes yn cynnig prisiau neu becynnau arbennig ar gyfer personél y lluoedd arfog, cyn-filwyr a theuluoedd, rydym eisiau clywed gennych.
Os hoffech chi roi sylw i'ch cynnig llety, mae croeso i chi gysylltu â thîm Darganfod Sir Gâr.
|
|
|
|
|
|
