Trawsnewid Tyisha Mawrth 26 Cylchlythyr

Carmarthenshire County Council anfonodd y bwletin hwn am / sent this bulletin at 13-03-2026 06:00 PM GMT

Having trouble viewing this email? View it as a Web page.

Croeso i'r Cylchlythyr Trawsnewid Tyisha.

Anfonwyd y cylchlythyr hwn atoch oherwydd eich bod wedi cofrestru i dderbyn newyddion, gwybodaeth a diweddariadau i breswylwyr sy'n byw yn Nhyisha, Llanelli.

Yn dod yn fuan - Porth tenantiaid newydd

Yn ystod misoedd yr haf byddwn yn lansio porth ar-lein newydd ar gyfer tenantiaid yn unig. Bydd hyn yn eich galluogi i roi gwybod am waith atgyweirio neu gysylltu â'ch swyddog tai ynghyd â llawer o fuddion eraill fel darparu mynediad 24/7 at daliadau rhent, dogfennau tenantiaeth a diweddariadau am waith atgyweirio amser real. Os hoffech chi fod yn un o'r cyntaf i ddefnyddio'r porth, cwblhewch y ffurflen:

Cwblhewch y ffurflen yma

Gweithio gyda'n gilydd ar gyfer Tyisha mwy diogel

Mae Tîm Trawsnewid Tyisha wedi bod yn gweithio'n agos gyda'r Comisiynydd Heddlu a Throseddu i helpu i wneud ein cymuned yn fwy diogel. Gan ddefnyddio cyllid o Gronfa'r Swyddfa Gartref ar gyfer Cynnal Patrolau mewn Mannau Problemus, rydyn ni wedi bod yn cynnal patrolau ychwanegol gyda'r nos ac ar y penwythnosau ar draws Tyisha. Mae'r patrolau hyn yn canolbwyntio ar atal troseddau, ymddygiad gwrthgymdeithasol a throseddau'n ymwneud â gwastraff. Ers mis Mai 2025, mae bron i 400 awr o batrolau wedi'u cwblhau yn yr ardal. Mae'r presenoldeb cynyddol hwn yn helpu i atal troseddau a rhoi sicrwydd i drigolion.

Rhoi gwybod am droseddau'n ddienw gyda Crimestoppers

Rydyn ni'n falch o gyhoeddi ein bod bellach yn gweithio gyda Crimestoppers, elusen annibynnol sy'n eich galluogi i roi gwybod am droseddau yn hollol ddienw.

Ni fydd gofyn i chi roi eich enw neu eich manylion personol.
Mae eich gwybodaeth yn cael ei throsglwyddo'n ddiogel i'r awdurdodau perthnasol.

Trwy gydol mis Mawrth, efallai y byddwch chi'n sylwi ar arwyddion newydd a digwyddiadau cymunedol yn Nhyisha yn codi ymwybyddiaeth o'r gwasanaeth hwn. Rydyn ni'n gobeithio bod hyn yn darparu ffordd ddiogel a chyfrinachol i drigolion rannu pryderon.

I gael rhagor o wybodaeth neu ffoniwch: 0800 555 111

Gwastraff ac Ailgylchu

Dros yr wythnosau diwethaf, mae Tîm Trawsnewid Tyisha, ynghyd â chydweithwyr o Adran Gwasanaethau Amgylcheddol y Cyngor, wedi cynnal ymgyrch i fonitro gwastraff ar draws ward Tyisha, gan gynnwys lonydd cefn y tu ôl i eiddo.

Mae'r gwaith hwn wedi cynnwys:

Patrolau'n gynnar yn y bore i fonitro'r modd y mae gwastraff yn cael ei roi allan
Gwiriadau dilynol ar ôl casglu
Nodi problemau tipio anghyfreithlon a thaflu sbwriel

Mae'r gweithgareddau hyn yn ein helpu i ddeall arferion ailgylchu yn yr ardal yn well a sicrhau bod aelwydydd yn cyflawni eu cyfrifoldebau.

Rydyn ni'n atgoffa'r holl drigolion i:

Gwirio'r hyn y mae modd ei ailgylchu a'r hyn nad oes modd ei ailgylchu
Cyflwyno gwastraff yn gywir ar y diwrnodau casglu
Cadw lonydd cefn a gerddi'n glir rhag sbwriel

Cyfrifoldeb pob preswylydd yw rhoi gwastraff allan yn gywir. Trwy weithio gyda'n gilydd, gallwn wella cyfraddau ailgylchu a chadw Tyisha yn lân ac yn groesawgar.

Canllawiau ailgylchu Cyngor Sir Caerfyrddin

Gwiriadau Cartrefi yn Eiddo'r Cyngor

Bydd eich Swyddog Tai yn cynnal Gwiriadau Cartrefi arferol yn Eiddo'r Cyngor. Mae'r ymweliadau hyn yn gyfle i:

Sicrhau bod gennym y wybodaeth ddiweddaraf am yr aelwyd
Trafod unrhyw newidiadau o ran amgylchiadau neu anghenion meddygol
Codi unrhyw bryderon am eich tenantiaeth
Gwirio cyflwr eich eiddo a'ch gardd
Rhoi cyngor a chyfarwyddyd lle bo angen

Mae'r ymweliadau fel arfer yn para rhwng 30 a 60 munud, yn dibynnu ar yr hyn yr hoffech ei drafod. Rydyn ni'n gwerthfawrogi eich cydweithrediad i'n helpu i gynnal a chadw tai diogel a thaclus.

Plannu Bylbiau

Ar 17 Chwefror 2026, ymunodd trigolion â ni ar gyfer digwyddiad plannu bylbiau yn y man gwyrdd wrth ymyl Clwb y Rheilffordd. Cafodd y fenter hon ei hariannu gan raglen Lleoedd Lleol ar gyfer Natur Llywodraeth Cymru. Yn ystod y digwyddiad, roedd y gwirfoddolwyr wedi casglu saith bag o sbwriel, gan helpu i wella'r gofod i bawb. Diolch i'r holl drigolion a gymerodd ran.

Gwelliannau natur yng Nghlos Sant Paul

Bydd gwaith yn dechrau'n fuan yng Nghlos Sant Paul fel rhan o'r prosiect Lleoedd Lleol ar gyfer Natur, sy'n anelu at wella mannau gwyrdd cyhoeddus ledled Cymru.

Mae'r gwelliannau arfaethedig yn cynnwys:

Creu a gwella mannau gwyrdd sy'n addas ar gyfer bywyd gwyllt
Gwella ymddangosiad cyffredinol yr ardal
Gosod llwybr newydd er mwyn gwella mynediad

I weld y cynnig llawn a darparu adborth, sganiwch y côd QR.

I gael rhagor o wybodaeth cysylltwch â'r canlynol: Matthew Collinson (Swyddog Lleoedd Lleol ar gyfer Natur)

Digwyddiadau cymunedol i ddod

Edrychwn ymlaen at eich gweld chi yn ein digwyddiadau i ddod:

Digwyddiad y Gwanwyn - 8 Ebrill, Maes y Gors (y pedwar Tŷ), 1pm-3pm
Gwanwyn Glân y Gymuned - 15 Mai, Maes y Gors (y pedwar Tŷ), 1pm-4pm
Digwyddiad yr Haf - 19 Awst, Parc Stryd Ann, 1pm-3pm
Digwyddiad yr Hydref - 30 Hydref, Y Sied Nwyddau, 2pm-5pm

Mae'r digwyddiadau hyn yn gyfle gwych i gwrdd â chymdogion, siarad â swyddogion lleol a chymryd rhan yn eich cymuned.

Diweddariad y Swyddog Tai

Mae eich Swyddogion Tai, Alison Williams a Jodie King, bellach yn ymgymryd â chyfrifoldeb ychwanegol o ran ymholiadau rhent.

Os oes gennych unrhyw gwestiynau neu bryderon sy'n gysylltiedig â rhent, maen nhw'n hapus i helpu:

Alison Williams 07770 223239

Jodie King 07775 013748

Diolch am barhau i gefnogi'r rhaglen Trawsnewid Tyisha. Trwy weithio gyda'n gilydd, gallwn sicrhau bod Tyisha yn lle glanach, gwyrddach a mwy diogel i bawb.

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help