TenantIDenant Digidol

Wrth i gyfnod y Nadolig agosáu, mae rhai camau syml y gallwn ni i gyd eu cymryd i gadw ein cartrefi yn ddiogel rhag tân. Mae gan Wasanaeth Tân Canolbarth a Gorllewin Cymru lawer o awgrymiadau defnyddiol i'w dilyn y Nadolig hwn.

Diogelwch Canhwyllau:

• Rhowch ganhwyllau ar arwyneb sefydlog sy'n gallu gwrthsefyll gwres
• Cadwch ganhwyllau i ffwrdd o unrhyw beth a allai fynd ar dân
• Defnyddiwch ddalwyr priodol
• Sicrhewch nad yw’r canhwyllau ar bwys drafftiau
• Peidiwch byth â gadael canhwyllau'n llosgi heb neb yn cadw golwg arnyn nhw
• Cadwch ganhwyllau allan o gyrraedd plant ac anifeiliaid
• Defnyddiwch ddiffoddwr canhwyllau i'w diffodd yn ddiogel

Diogelwch Tân - Batris Lithiwm:

Mae'r rhan fwyaf o ddyfeisiau modern sy’n gallu cael eu hailwefru yn defnyddio batris lithiwm-ion. Os caiff batri lithiwm-ion ei wefru, ei drin, ei storio neu ei waredu’n anghywir, mae perygl y gallai ordwymo, mynd ar dân neu hyd yn oed ffrwydro.

I helpu i leihau'r risgiau hyn, mae'n bwysig defnyddio'r gwefrydd cywir, osgoi gorwefru, a chadw llygad ar ddyfeisiau wrth wefru. Gwiriwch gyflwr batris yn rheolaidd a'u cadw i ffwrdd o dymheredd eithafol a peidiwch byth â gorchuddio dyfeisiau sy'n gwefru, byddwch yn ofalus o gynhyrchion ffug, cofiwch y gallai llawer o gynhyrchion a brynir ar-lein fod yn ffug, felly prynwch eich eitemau gan fasnachwyr cyfreithlon bob amser.

Diogelwch eitemau trydanol y cartref:

Mae llawer o danau damweiniol mewn tai yn cael eu hachosi gan offer trydanol diffygiol, gan gynnwys socedi wedi'u gorlwytho a chyfarpar diffygiol. Gall eitemau bob dydd fel gwefrydd ffôn symudol beri risg arbennig, yn ogystal ag e-sigaréts a blancedi trydan os ydyn nhw'n cael eu defnyddio'n anghywir neu eu gadael heb neb i gadw llygad arnyn nhw. Gallwch chi leihau'r tebygolrwydd o dân trydanol yn sylweddol drwy sicrhau bod y dyfeisiau hyn mewn cyflwr da ac yn cael eu defnyddio yn unol â chyfarwyddiadau’r gwneuthurwr, ac nad ydyn nhw'n sownd wrth y plwg pan nad ydyn nhw'n cael eu defnyddio.

Dylai pawb yn eich cartref hefyd wybod beth i’w wneud os bydd tân a dylech chi brofi larymau mwg yn rheolaidd.

Labrwr-Dechnegydd - Cyngor Sir Caerfyrddin

Rydyn ni'n chwilio am labrwr-dechnegydd ag agwedd gadarnhaol i ymuno â'n Tîm Cynnal a Chadw Ymatebol sy'n canolbwyntio ar y cwsmer. 

• £13.26 - £13.69 yr awr / £25,583 - £26,403 y flwyddyn
• Parhaol/amser llawn
• Mae’r swydd wedi’i lleoli yn Llanelli
• Dyddiad cau ar gyfer ceisiadau - 5 Ionawr 2026

Mae ein Tîm Tai - Ymddygiad Gwrthgymdeithasol yn darparu amrywiaeth eang o gymorth i denantiaid, trigolion a chymunedau, yn ogystal â chymryd camau ffurfiol i fynd i'r afael ag ymddygiad gwrthgymdeithasol ledled Sir Gaerfyrddin.

Yn ddiweddar, sicrhaodd ein tîm bedwar gorchymyn cau 90 diwrnod (gorchmynion cyfreithiol sy'n gwahardd unigolion rhag cael mynediad i adeiladau am gyfnod penodol) i ddiogelu trigolion mewn perygl a lleihau tarfu difrifol mewn cymunedau. Mae hyn yn cynnwys diogelu unigolion rhag camfanteisio sy'n gysylltiedig â defnyddio cyffuriau, helpu trigolion sy'n agored i niwed, ac atal aflonyddwch sylweddol a gafodd ei achosi gan denant a'u cysylltiadau yn ardal Sanclêr, Y Fan, Clos Granby a Llys y Felin (Llanelli).

Mae ein Tîm Tai - Ymddygiad Gwrthgymdeithasol hefyd wedi cael meddiant ar ddau gartref sy'n eiddo i'r Cyngor yng Nghlos Granby, Llanelli a Maescader, Pencader oherwydd ymddygiad gwrthgymdeithasol difrifol a difrod difrifol i eiddo.

Yn ystod y tri mis diwethaf, mae ein tîm Ymddygiad Gwrthgymdeithasol wedi cyflwyno deg rhybudd/hysbysiad gwarchod y gymuned i unigolion sy'n achosi niwsans i gymdogion a'r gymuned ehangach. Gall methu â chydymffurfio â'r hysbysiadau hyn arwain at hysbysiadau cosb benodedig neu gamau gorfodi cryfach o ran tenantiaeth.

Ochr yn ochr â chamau gorfodi ffurfiol, mae ein Tîm Ymddygiad Gwrthgymdeithasol yn parhau i gefnogi cymunedau drwy gynnal trafodaethau â'r rhai sy'n gysylltiedig â'r mater, cynnig cyfryngu a chyngor, cyflwyno llythyrau rhybudd neu rybuddion/hysbysiadau gwarchod y gymuned, a gweithio'n agos gyda Heddlu Dyfed-Powys i gynnal patrolau ar y cyd mewn ardaloedd problemus.

Ein nod yw cadw cymunedau'n ddiogel a datrys problemau'n gynnar drwy gyfathrebu, cymorth a chyfryngu, gan ddefnyddio camau gorfodi dim ond pan fo ymddygiad yn barhaus, yn ddifrifol neu'n niweidiol, a phan fo angen gwarchod y gymuned.

Gwiriwch eich dyddiadau casglu gwastraff ac ailgylchu dros gyfnod yr ŵyl. Mae newidiadau wedi'u gwneud i sicrhau bod gwasanaethau'n rhedeg yn hwylus yn ystod y Nadolig a'r Flwyddyn Newydd.

Dyma pryd y bydd eich biniau yn cael eu casglu dros y Nadolig:

Cofiwch:

• Rhoi eich biniau mas erbyn 6am
• Cadw at yr uchafswm o dri bag du
• Golchi a gwasgu eich deunydd ailgylchu

Mae eich swyddog tai yma i'ch helpu

Mae ein swyddogion tai yn hawdd siarad â nhw ac yn barod i helpu gyda materion sy'n gysylltiedig â thenantiaeth a chynnig cymorth, sy'n cynnwys:

• Cymorth ymarferol yn ymwneud â chyfrifoldebau tenantiaeth – canllawiau clir ar eich hawliau a'ch rhwymedigaethau i wneud yn siŵr bod pethau'n mynd yn hwylus
• Cymorth yn ymwneud â rheolaeth ariannol a chyllidebu – cyngor i reoli costau cartref
• Cymorth yn ymwneud â materion ystadau ac eiddo – sicrhau bod mannau cymunedol, ystadau a chartrefi yn cael eu cynnal a'u cadw'n dda a bod unrhyw faterion yn cael eu trin yn brydlon
• Cyngor ac ymyrraeth yn ymwneud â phryderon ymddygiad gwrthgymdeithasol – helpu tenantiaid a chymunedau i gadw cymdogaethau yn ddiogel.
• Cymorth wedi'i deilwra ar gyfer tenantiaid sy'n agored i niwed – cymorth ychwanegol i'r rhai sydd ei angen, gan gynnwys mynediad at wasanaethau a chymorth parhaus i aros yn annibynnol

Camau syml i leihau eich biliau ynni

Os ydych chi am leihau eich biliau ynni, mae'r chwe cham syml a rhad ac am ddim hyn yn lle da i ddechrau.  Mae'r rhan fwyaf o'r camau hyn yn addas ar gyfer cartrefi sydd â boeleri nwy cyfunol (combi).

Fodd bynnag, mae hefyd yn bwysig peidio â gadael i'ch cartref fynd yn rhy oer, gan fod hyn yn gallu effeithio ar eich iechyd a chynyddu'r risg o leithder a llwydni. Ceisiwch gadw tymheredd eich cartref rhwng 18°C a 21°C.

Rhagor o wybodaeth am reoli lleithder a llwydni yn eich cartref

6. Gostwng tymheredd y thermostat os oes modd a gwisgo dillad mwy cynnes Gallai gosod thermostat eich ystafell 1°C yn is leihau eich costau gwresogi hyd at 10%.
7. Gostwng tymheredd llif eich boeler Mae'r rhan fwyaf o foeleri cyfunol (combi) yn gweithio'n dda ar tua 60°C. Gall gostwng y tymheredd ddefnyddio llai o nwy.
8. Gostwng gwres rheiddiaduron ychydig Gall hyn eich helpu i gadw'n gyfforddus wrth ddefnyddio llai o ynni.
9. Diffodd y gosodiad twymo dŵr ymlaen llaw ar y boeler Mae hyn yn arbed ynni, er y bydd yn rhaid i chi aros ychydig yn hirach am ddŵr poeth o bosib. Edrychwch ar eich llawlyfr i gael gwybod sut i wneud hyn.
10. Sychu dillad yn yr aer Ceisiwch sychu dillad yn yr awyr agored gymaint â phosibl. Dylech chi osgoi sychu dillad ar reiddiaduron, gan fod hyn yn cynyddu lleithder y tu mewn i'r cartref a gall achosi llwydni smotiau du lle mae'r lleithder yn taro wyneb oer yn y cartref.
11. Gwella awyru a chysgodi Agorwch y ffenestri pan fo hynny’n bosibl a defnyddio bleinds, llenni, neu gysgodi naturiol i helpu i reoli'r tymheredd yn y cartref.

Hoffai ein tîm ddymuno Nadolig Llawen a Blwyddyn Newydd Dda i'n holl denantiaid.