|
Ymgyrch Miri'r Merched yn cyrraedd 3 miliwn
Mae ein hymgyrch farchnata newydd "Miri'r Merched" wedi cael dechrau gwych, gan gyrraedd dros 3 miliwn o bobl drwy hysbysebu digidol a chysylltiadau cyhoeddus gan gynnwys dylanwadwyr teithio fel This Girl Walks a Wales on My Doorstep. Mae'r swyddogion Datblygu Twristiaeth wedi trefnu ymweliadau i bapurau newydd The Guardian a'r Daily Mail a fydd yn dod yma ym mis Ionawr er mwyn cynnwys yr ymgyrch yn eu papurau. Diolch i'r 80 a mwy o fusnesau sy'n gweithio gyda ni ar drefniadau ar gyfer dylanwadwr digidol arall ac erthygl nodwedd fawr sydd ar y gweill gyda Wales Online.
Helpwch i gadw'r momentwm trwy ledaenu'r gair ac ysbrydoli mwy o wyliau bythgofiadwy i ferched yn ystod y tymor sydd yn draddodiadol yn dymor tawel.Wedi'i hariannu gan Gronfa Ffyniant Gyffredin Llywodraeth y DU.
|
|
Dathlu Llysgenhadon Twristiaeth yn Neuadd y Sir
 Cynhaliwyd yr ail seremoni Dwristiaeth flynyddol ym mhrif siambr y Cyngor yn Neuadd y Sir ym mis Tachwedd, gyda 40 o lysgenhadon balch Sir Gâr yn derbyn eu tystysgrifau Efydd, Arian ac Aur gan Gadeirydd y Cyngor, y Cynghorydd Dot Jones.
Os nad ydych chi wedi ymuno â'r rhaglen eto, mae amser o hyd i uwchsgilio drwy'r cwrs ar-lein rhad ac am ddim hwn. Cwblhewch eich modiwlau efydd, arian neu aur a helpwch i arddangos y gorau o Sir Gâr.
|
Canllaw "Be Sy' Mlaen" mis Rhagfyr
 Helpwch eich gwesteion i wneud y gorau o'u hymweliad drwy arddangos y rhestr "be sy' mlaen" ym mis Rhagfyr 2025 yn eich derbynfa, pecynnau croeso, neu hysbysfyrddau neu eu hanfon cyn iddynt gyrraedd fel rhan o becyn croeso. O farchnadoedd Nadolig i ddathliadau cymunedol lleol, mae'n llawn pethau i'w gweld a'u gwneud ym mhob rhan o'r sir.
|
|
Lansio Cyfeiriadur Cyflenwyr Priodas Newydd
Mewn sector sydd werth dros £6m i'r economi leol, rydyn ni'n gyffrous iawn o lansio Cyfeiriadur Cyflenwyr Priodas newydd yn yr Arddangosfa "Cwrdd â'r Cyflenwr" ar 20 Ionawr yn y Tŷ Gwydr Mawr, Gardd Fotaneg Cymru. Mae'r cyfeiriadur wedi'i gynllunio i gysylltu cyflenwyr priodas lleol, lleoliadau priodas a phartneriaid twristiaeth, a'i gwneud yn haws i gyplau ddod o hyd i bopeth sydd gan Sir Gâr i'w gynnig.
Peidiwch â cholli'r cyfle rhad ac am ddim hwn i arddangos eich cynhyrchion a'ch gwasanaethau i farchnad briodas y sir. Cefnogir gan Gronfa Ffyniant Gyffredin Llywodraeth y DU.
|
Gwesty Gwledig yw’r 1af i ymuno â’r cynllun newydd ar gyfer llysgenhadon busnesau twristiaeth
Gwesty Gwledig Tŷ Mawr yw'r busnes cyntaf i ymuno â'r cynllun peilot Llysgenhadon Busnes Twristiaeth newydd sbon, gan weithio gyda swyddogion i elwa ar integreiddio'r cwrs Llysgennad i'w sesiynau sefydlu staff a hyfforddiant, ochr yn ochr â chefnogaeth un-i-un pwrpasol gan gyflenwr blaenllaw yn y diwydiant.
Gyda chefnogaeth Cronfa Ffyniant Gyffredin Llywodraeth y DU, bydd y fenter hon yn cryfhau ein cymuned dwristiaeth leol ac yn gwella profiadau ymwelwyr ledled y sir. Os hoffech elwa fel un o'r deg busnes, cysylltwch â Sarah.
|
Llwybr Dyffryn Tywi yn cyrraedd carreg filltir arall
Mae'r rhan o Lwybr Dyffryn Tywi rhwng Llandeilo a Llanarthne newydd agor, sy'n nodi carreg filltir gyffrous arall i'r llwybr di-draffig hwn sy'n llawn golygfeydd hardd rhwng Caerfyrddin a Llandeilo. Gall cerddwyr a beicwyr fwynhau rhannau newydd o'r llwybr hardd hwn, sy’n cysylltu cymunedau ac sy’n dangos y gorau o ardal hanesyddol Dyffryn Tywi.
Bydd agoriad llawn swyddogol yn 2026.
|
|
|
Siopau Sionc Nadolig yn dychwelyd
Mae busnesau bach lleol yn cael cyfle i ddisgleirio wrth i siopau sionc Nadolig 100% Sir Gâr ddychwelyd i Rydaman, Caerfyrddin a Llanelli. Rhwng 3-20 Rhagfyr, gallwch bori drwy anrhegion artisan, addurniadau wedi'u gwneud â llaw, bwyd lleol, ffasiwn, a mwy. Cefnogir gan Gronfa Ffyniant Gyffredin Llywodraeth y DU.
|
Cronfa addasu i'r tywydd bellach ar agor i fusnesau canolig
Mae Cronfa Addasu i'r Tywydd Llywodraeth Cymru bellach yn cynnwys busnesau canolig (1-249 o staff parhaol (llawn amser neu ran-amser) ac mae'r dyddiad cau ar 1 Rhagfyr. Mae rhagor o wybodaeth a manylion am gyflwyno cais ar gael drwy'r dolenni isod.
|
Cyrsiau hyfforddi digidol am ddim i dyfu eich busnes
 |
|
Y diweddaraf o ran hyfforddiant ar-lein rhad ac am ddim gan Croeso Cymru yw tair sesiwn sy'n ymdrin â hanfodion y fasnach deithio, dosbarthu, gwelededd digidol, ac offer Deallusrwydd Artiffisial i roi hwb i archebion. Darperir adnoddau ac mae mentora un-i-un cyfyngedig ar gael. Archebwch nawr drwy Ddigwyddiadur Busnes Cymru. |
|
|
|
|
