|
 Ymunwch â Llwybrau Araf Sir Gâr!
Wedi'i ariannu gan Gronfa Ffyniant Gyffredin Llywodraeth y DU, mae'r ymgyrch hon wedi'i chynllunio i ymestyn y tymor twristiaeth trwy annog ymwelwyr i arafu a chysylltu go iawn â'n sir hardd.
Trwy deithiau trochi tri diwrnod, bydd teithwyr eco-ymwybodol yn cael eu gwahodd i grwydro ein cefn gwlad trawiadol, arfordir hardd, a threfi marchnad bywiog i gyd mewn modd hamddenol, ystyrlon. Bydd y teithiau hyn yn helpu ymwelwyr i feithrin cysylltiadau dyfnach â natur, diwylliant lleol, a'r bobl groesawgar sy'n dod â'r ardal yn fyw.
A allai eich busnes fod yn rhan o Lwybrau Araf? E-bostiwch Sarah i gymryd rhan.
|
|
Pecyn cymorth twristiaeth beicio newydd
Diolch i bawb a gymerodd ran yn nigwyddiad ymgyfarwyddo â Llwybr Dyffryn Tywi fis diwethaf! Roedd yn ddiwrnod gwych yn crwydro rhan orllewinol y llwybr a thrafod sut y gall busnesau lleol elwa ar y farchnad twristiaeth feicio sy'n tyfu.
Roedden ni'n gyffrous i gyflwyno'r Pecyn Cymorth Twristiaeth Beicio, canllaw ar-lein am ddim sy'n llawn awgrymiadau ymarferol i helpu busnesau i ddenu a chroesawu beicwyr. Mae'r pecyn cymorth yn fan cychwyn gwych i unrhyw fusnes i ddenu beicwyr.
|
Be sy' mlaen ym mis Awst
Helpwch eich gwesteion i wneud y gorau o'u hymweliad drwy arddangos y rhestr "be sy' mlaen" ym mis Awst 2025 yn eich busnes. O farchnadoedd lleol i wyliau haf, mae'n llawn pethau i'w gweld a'u gwneud ym mhob rhan o'r sir. Arddangoswch y rhestr yn eich derbynfa, mewn pecynnau croeso, neu ar hysbysfyrddau - unrhyw le y bydd gwesteion yn ei gweld.
|
|
Helpwch i wneud y sir yn gyrchfan i ferched
Rydyn ni'n hyrwyddo Sir Gâr fel y gyrchfan orau i fenywod sy'n chwilio am le i ymlacio a mwynhau gyda ffrindiau gan gynnwys seibiannau sba a theithiau cerdded hyfryd i arhosiad clyd a bwytai lleol.
Rydyn ni'n creu teithiau merched wedi'u teilwra ac eisiau cynnwys profiadau gwerth chweil.
Ydych chi'n cynnig y canlynol: Arhosiadau bwtîc, llety moethus, neu Wely a Brecwast croesawgar?
Pecynnau lles, sba, ioga, neu grefft?
Prydau cofiadwy gyda chynhwysion lleol? Teithiau cerdded tywys neu brofiadau unigryw, tawel?
Os felly, byddem wrth ein bodd yn clywed gennych. Cysylltu ag Elinos.
|
Byddwch yn rhan o'n teithiau cynnig priodas newydd
Rydym yn creu 5 teithiau rhamantus i hyrwyddo'r sir fel cyrchfan berffaith ar gyfer cynigion priodas. Bydd pob taith yn tynnu sylw at fannau hardd, ynghyd â llety lleol, profiadau unigryw, a lleoedd i fwyta ac yfed. Mae hyn yn rhan o'n hymgyrch briodas newydd, a ariennir gan Gronfa Ffyniant Gyffredin Llywodraeth y DU.
Dyma'r lleoliadau:
- Caerfyrddin a Llansteffan
- Llanymddyfri
- Llandeilo
- Castellnewydd Emlyn a Chenarth
- Talacharn
Os ydych chi'n cynnig llety, bwyd, neu brofiadau cofiadwy yn unrhyw un o'r ardaloedd hyn, byddem wrth ein bodd yn clywed gennych. E-bostiwch Sarah i gymryd rhan.
|
Digwyddiadau canol trefi yr haf
Mae rhaglen wych o ddigwyddiadau yn rhoi hwb i fywiogrwydd ar draws canol ein trefi yr haf hwn, gyda Gŵyl Myrddin, Gŵyl Afon Caerfyrddin, Gŵyl yr 80au Llanelli, AugustFest a Gŵyl Fwyd Haf Rhydaman yn denu'r torfeydd! Cofiwch am Pride Rhydaman (16 Awst) yn barod i ddod â lliw, cerddoriaeth ac ysbryd cymunedol.
Pob un wedi'i gefnogi gan Gronfa Ffyniant Gyffredin Llywodraeth y DU.
|
Byddwch yn Llysgennad Twristiaeth Sir Gâr
|
|
Ydych chi'n angerddol dros arddangos y sir? Ymunwch â'r Cynllun Llysgenhadon Twristiaeth am ddim a gallwch weld amrywiaeth o fodiwlau hwyliog, diddorol ar-lein.
Gallwch ddewis o blith bynciau fel hanes, diwylliant, anturiaethau egnïol, bwyd a diod, a mwy. Cwblhewch 3 modiwl i ennill eich statws Llysgennad Efydd. Mae pob modiwl yn gorffen gyda chwis cyflym i brofi eich gwybodaeth. Cofrestrwch heddiw a helpwch ymwelwyr i weld y gorau o Sir Gaerfyrddin.
|
Chwilio am Gyfleoedd Ariannu Busnes?
 |
|
P'un a ydych chi'n dechrau, yn ehangu, neu'n archwilio prosiect newydd, rydyn ni'n cynnig ystod o gymorth o gyfleoedd ariannu a chynlluniau i sectorau penodol i weithdai a chyngor arbenigol. Ar hyn o bryd rydyn ni'n rheoli'r Gronfa Ffyniant Gyffredin gan Lywodraeth y DU. Dewch i weld beth sydd ar gael a gweld sut y gallai eich busnes elwa. |
Mae Marchnadoedd Stryd Artisan mis Awst yn ôl
Mae ein marchnadoedd stryd artisan misol bywiog newydd yn ôl ym mis Awst wrth iddyn nhw ymweld â Llanelli (dydd Iau 7 Awst), Rhydaman (dydd Gwener 8 Awst), a Caerfyrddin (dydd Sadwrn 9 Awst), sy'n berffaith ar gyfer ymwelwyr sy'n dymuno blasu bwyd a diod cartref, prynu anrheg unigryw wedi'i gwneud â llaw, neu fwynhau'r awyrgylch fywiog.
Lledaenwch y gair i'ch gwesteion trwy gynnwys yn eich argymhellion lleol. Wedi'i hariannu gan Gronfa Ffyniant Gyffredin Llywodraeth y DU.
|
|
|
|
|
