|
|
Croeso i Denant i Denant – eich llythyr newyddion misol
Rydych yn derbyn y llythyr newyddion hwn oherwydd eich bod wedi cofrestru i dderbyn newyddion, gwybodaeth a diweddariadau i bobl sy'n byw mewn cartrefi sy'n eiddo i'r Cyngor.
|
|
Ymunwch â'n tîm!
Technegydd Cynnal a Chadw - Saer
|
|
|
Rhoi gwybod am waith atgyweirio tŷ ar-lein
Oeddech chi'n gwybod y gallwch roi gwybod am waith atgyweirio tŷ ar-lein?
Mae rhoi gwybod am waith atgyweirio tŷ ar-lein yn golygu bod eich cais yn cael ei anfon yn syth i'r tîm a bydd yn cael sylw cyn gynted â phosibl.
|
Dywedwch wrthym beth yr hoffech ei weld yn Tenant i Denant
Rydym yn ceisio cynnwys ystod eang o bynciau sy'n bwysig i chi fel tenant a phreswylydd Sir Gaerfyrddin yn y llythyr newyddion hwn.
Dywedwch wrthym pa fath o wybodaeth, newyddion a chyngor fyddai'n ddefnyddiol i ni eu cynnwys.
|
|
Atgyweirio a chynnal a chadw eich cartref – pwy sy'n gyfrifol?
Fel eich landlord, mae'n rhaid i ni:
- Sicrhau bod eich cartref yn addas i bobl fyw ynddo, cynnal strwythur/ochr allanol yr adeilad, a gofalu bod y gegin a'r ystafell ymolchi (pethau fel sinciau, toiledau a bathau) mewn cyflwr da
- Cynnal a chadw'r gwasanaeth ar gyfer dŵr, nwy, trydan, glanweithdra a gwresogi
- Ymateb i chi pan fyddwch wedi cofnodi atgyweiriad, gan gadarnhau a oes angen yr atgyweiriad, pwy sy'n gyfrifol, a rhoi syniad pryd bydd yn cael ei wneud
- Trwsio unrhyw ddifrod sy'n cael ei wneud yn ystod y gwaith/atgyweiriadau
- Rhoi o leiaf 24 awr o rybudd cyn mynd i mewn i'ch cartref i archwilio/atgyweirio, ar wahân i argyfyngau neu lle bo hyn wedi cael ei gytuno gyda chi
Mewn argyfwng, gallwn ni fynd i mewn i'ch cartref heb roi rhybudd os oes risg o ddifrod difrifol neu broblemau iechyd a diogelwch brys
Fel Deiliad Contract, mae'n rhaid i chi:
- Gofalu am eich cartref yn iawn, gan gynnwys gosodiadau, ffitiadau ac addurniadau
- Peidio â chadw dim byd sy'n mynd i achosi risg o ran iechyd a diogelwch
- Rhoi gwybod i ni am unrhyw beth sydd angen ei atgyweirio cyn gynted â phosib
- Gwneud tasgau bach o ran gwaith cynnal a chadw, neu drefnu hynny. Mae hyn yn cynnwys ailosod gwydr sydd wedi torri, cloeon, allweddi, colfachau, seddi toiled, teils, plygiau trydan, ffiwsiau, plygiau sinc a bath, gridiau gwastraff, batris larwm mwg, a lein ddillad, yn ogystal â chadw'r ardd a siediau
- Gadael rhywun i mewn i'ch cartref yn syth pan fo argyfwng (e.e. gwaith atgyweirio brys)
- Gwneud/trefnu atgyweiriadau sydd wedi eu hachosi gan esgeulustod, gan gynnwys eitemau sydd wedi'u difrodi gennych chi, rhywun sy'n byw gyda chi neu ymwelwyr â'ch cartref. O bosib byddwn yn atgyweirio'r difrod i chi a chodi tâl arnoch chi am wneud y gwaith
Rhaid i chi beidio â gwneud unrhyw newidiadau i strwythur yr adeilad heb ein caniatâd ni. Os byddwch chi'n gwneud hyn, byddwn ni'n codi tâl arnoch chi am gywiro'r newidiadau a/neu'n cymryd camau cyfreithiol i ddod â'n Contract gyda chi i ben.
Newidiadau i gasgliadau gwastraff dros gyfnod y Pasg
Mae rhai newidiadau i gasgliadau gwastraff y cartref dros gyfnod y Pasg:
- Dydd Gwener y Groglith (18 Ebrill) - bydd casgliadau’n digwydd ddydd Sadwrn, 19 Ebrill
- Wythnos Dydd Llun y Pasg (21 Ebrill) - bydd pob casgliad yn digwydd ddiwrnod yn hwyr (er enghraifft, bydd casgliadau dydd Llun yn symud i ddydd Mawrth)
Bydd casgliadau hylendid a gwastraff gardd hefyd yn dilyn yr amserlen ddiwygiedig.
|
Investing in your home’s future with the Welsh Housing Quality Standard (WHQS) 2023
|
Ein nod yw cyrraedd Safon Ansawdd Tai Cymru (2023) ym mhob un o'n cartrefi.
SATC 2023 yw'r safon, sy'n cael ei gosod gan Lywodraeth Cymru, y mae'n rhaid i bob cartref sy'n eiddo i Gynghorau a Chymdeithasau Tai ei chyrraedd.
Mae hyn yn golygu:
- Cartrefi mwy diogel, cynhesach sy'n defnyddio ynni'n fwy effeithlon
- Ceginau, ystafelloedd ymolchi a mannau byw modern, o ansawdd uchel
- Llai o angen am atgyweiriadau, gydag ymatebion cyflymach pan fydd ein hangen arnoch
- Gerddi priodol a mannau awyr agored deniadol
- Cartrefi y gallwch fod yn falch ohonynt—yn awr ac yn y dyfodol
|
|
 |
|
|
|
|
|
