Diweddariad ar Ddiwydiant Twristiaeth Sir Gâr - Ebrill 2025

Carmarthenshire County Council anfonodd y bwletin hwn am / sent this bulletin at 03-04-2025 03:08 PM BST

Having trouble viewing this email? View it as a Web page.

Annwyl Subscriber

Sir Gâr yn croesawu papurau newydd y Times a'r Sun !

Roeddem yn falch iawn o drefnu ymweliadau teithio yn ddiweddar gan bapurau newydd y Times a'r Sun. Gyda chylchrediad cyfunol o dros 1 miliwn, defnyddiodd y Times Caban ym Mhentwyn fel canolfan i gerdded rhan o Lwybr Arfordir Cymru tra bo newyddiadurwr y Sun wedi canolbwyntio ar daith llawn hwyl i'r teulu yn Nhalacharn.

Diolch i'r holl fusnesau am wireddu hyn ac os hoffech chi gymryd rhan, cysylltwch ag Elinos.

Dilynwch ni ar ein cyfryngau cymdeithasol i gael y wybodaeth ddiweddaraf ynghylch yr erthyglau hyn a'u rhannu gyda'ch gwesteion.

E-bostiwch nawr

Canllaw Ymwelwyr Dydd Swyddogol yn dod cyn hir

Canllaw Ymwelwyr Dydd Swyddogol yn dod cyn hir

Mae rhifyn wedi’i ddiweddaru o'r Canllaw Ymwelwyr Dydd poblogaidd, sy'n cynnwys yr holl atyniadau a gweithgareddau y mae'n rhaid eu gweld yn y sir, ar ei ffordd. Mae'r canllaw newydd hwn yn cynnwys y map sirol y mae galw mawr amdano a bydd yn cael ei ddosbarthu mewn lleoliadau sy'n boblogaidd ymhlith ymwelwyr. Gall darparwyr llety gasglu copïau o ganolfannau "Hwb" y Cyngor yng nghanol trefi Caerfyrddin, Rhydaman a Llanelli ynghyd â standiau A5.un

Anfonwch e-bost atom i ofyn am gael un

Digwyddiadau cyffrous y Pasg yn Sir Gâr!

Darparwyr llety, gwnewch yn siŵr eich bod yn rhannu gyda'ch gwesteion weithgareddau cyffrous y Pasg sy'n cael eu cynnal ledled Sir Gâr. Helpwch nhw i fanteisio i'r eithaf ar eu harhosiad trwy dynnu sylw at amrywiaeth o ddigwyddiadau hwyliog, am ddim a fforddiadwy. O helfa wyau Pasg cyffrous a llwybrau hudolus i farchnadoedd ffermwyr bywiog, mae rhywbeth at ddant pawb yn Sir Gâr y Pasg hwn - perffaith i deuluoedd ac ymwelwyr o bob oed!

Trefnwyr digwyddiadau, hysbyswch eich digwyddiad ar Darganfod Sir Gâr AM DDIM! Byddwn yn ei hyrwyddo ar ein gwefan ac ar ein cyfryngau cymdeithasol, gan eich helpu i ddenu cynulleidfa ehangach.

Cyflwynwch eich digwyddiad nawr: Cyflwyno eich Digwyddiad

Digwyddiadau cyffrous y Pasg yn Sir Gâr!

Llongyfarchiadau i'n henillwyr Gwobrau Cenedlaethol

Llongyfarchiadau i Glangwili Mansion, Stangwrach a Cambrian Cottages a gafodd lwyddiant yn seremoni Gwobrau Twristiaeth Cenedlaethol Cymru yn Llandudno yn ddiweddar. Dyma'r tro cyntaf i'r seremoni gael ei chynnal ers 2018 a llongyfarchiadau i'r holl fusnesau a gafodd eu henwebu a'u gwobrwyo am eu cyfraniadau eithriadol i'r diwydiant!

Hoelio Sylw ar Dalacharn

Ar 9 Ebrill rhwng 10 a 3 byddwn yn Neuadd Goffa Talacharn lle gallwch alw i siarad â swyddogion y Cyngor o'r timau datblygu twristiaeth, trwyddedu, cymorth busnes a Chymunedau am Waith. Mae'r digwyddiad am ddim ac nid oes angen gwneud apwyntiadau. Dewch i wybod am gyllid ar gyfer prosiectau Talacharn, a sut i gael mynediad at luniaui wella eich marchnata.Dyma ddolen i'n tudalen we Talacharn a fydd yn ysbrydoliaeth i’ch gwesteion.

Archebwch eich lle nawr

Y Wybodaeth Ddiweddaraf ynghylch stormydd gan Cyfoeth Naturiol Cymru

Achosodd stormydd diweddar ddifrod sylweddol ledled Sir Gaerfyrddin, gyda llawer o Hawliau Tramwy Cyhoeddus a llwybrau cerdded yn parhau i fod ar gau er diogelwch. Mae'r rhain yn cynnwys ardaloedd poblogaidd i ymwelwyr gan gynnwys Coedwig Cwm Rhaeadr (llwybr y rhaeadr), Byrgwm ac Abergorlech (Glan-yr-afon, Gorlech a Gardd Goedwig Brechfa). Anogir ymwelwyr i wirio gwefan CNC am y wybodaeth ddiweddaraf a dilyn arwyddion ar y safle.

I gael y wybodaeth ddiweddaraf neu i roi gwybod am beryglon llenwch ein ffurflen ar-lein.

Rhowch wybod am berygl

Arddangos am ddim ar ddiwrnod rasio Ffos Las

Gwahoddir busnesau twristiaeth lleol i arddangos yn Swît McCoys yn ddi-dâl a derbyn 6 thocyn am ddim, gan gynnwys dau docyn ar gyfer Diwrnod Rasys Dathlu Sir Gâr ar 6 Ebrill 2025 yng Nghae Rasio Ffos Las.

E-bostiwch i gael rhagor o wybodaeth

Cymhorthfa Ariannu a Chymorth Busnes

A yw eich busnes yn chwilio am gyngor neu gymorth ariannol? Beth am archebu lle yn ein cymhorthfa cyllid a chymorth busnes er mwyn siarad ag un o'n swyddogion. Bydd slotiau apwyntiad yn cael eu rhoi ar sail y cyntaf i’r felin.

Neuadd y Dref Llanelli - 28 Ebrill - 10:30am-4:30pm.
Llyfrgell Rhydaman - 29 Ebrill - 10:30am-4:30pm.
Llyfrgell Caerfyrddin - 30 Ebrill - 10:30am-4:30pm.

Bydd hanner awr yn cael ei neilltuo ar gyfer pob busnes.

Archebwch eich lle nawr

Helpu i Lunio Dyfodol Twristiaeth: Rhannwch eich Syniadau

Mae'r diwydiant twristiaeth yn esblygu, ac mae cael gweithlu medrus yn bwysig iawn i'w lwyddiant. Mae busnesau ar draws y sector yn wynebu heriau o ran y gweithlu, ac rydym eisiau eich barn.

Bydd eich barn yn helpu i nodi bylchau mewn sgiliau a llunio mentrau i'r gweithlu yn y dyfodol i gryfhau ein diwydiant. Trwy gwblhau'r arolwg byr hwn, byddwch yn chwarae rhan hanfodol wrth sicrhau ein bod yn barod ar gyfer yr heriau sydd o'n blaenau.

Dweud eich dweud

Dweud eich dweud

Mae Cyngor Sir Caerfyrddin yn ymgynghori ar safleoedd tai newydd ar gyfer y Cynllun Datblygu Lleol Diwygiedig (CDLl) 2018-2033, yn dilyn cais gan Arolygwyr Cynllunio

📅Ymgynghoriad: 27 Mawrth – 15 Mai 2025 (dyddiad cau am 4:30 pm

Cyflwyno sylwadau

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help