Ar 5 Mawrth daeth dros 70 o ddarparwyr llety i gwrdd â'r gorau o blith atyniadau ymwelwyr y Sir yn y digwyddiad Cwrdd â'ch Atyniad Ymwelwyrcyntaf i gael ei drefnu gan y Cyngor.
Cynhaliwyd y digwyddiad yn ardal adwerthu Rhodfa'r Santes Catrin yng Nghaerfyrddin ac roedd y cyfleusterau'n cynnwys 25 o stondinau yn hyrwyddo Parc Gwledig Pen-bre, amgueddfeydd a chanolfannau hamdden Sir Gâr, rheilffordd Gwili a'r Gerddi Botaneg i enwi ond ychydig. Roedd yno gyfleoedd i gael sgyrsiau unigol am lety, rhannu syniadau ac archwilio cyfleoedd ar y cyd ar gyfer y flwyddyn i ddod. Cafwyd cyflwyniadau ar 3 o brosiectau newydd a fydd yn agor yn fuan yn y Sir.
Os hoffech wneud yn siŵr bod eich atyniad yn cael ei gynnwys yn y canllaw Diwrnodau Mas nesaf, cysylltwch â ni.
Ddydd Gwener 21 Mawrth byddwn yng nghlwb a sefydliad y gweithwyr Cross Hands lle gallwch alw heibio i siarad â swyddogion y Cyngor o'r timau datblygu twristiaeth, trwyddedu a chymorth busnes. Mae'r digwyddiad am ddim ac nid oes angen gwneud apwyntiadau.
Mae cysylltu â'r cyfryngau cenedlaethol i hyrwyddo'r Sir yn rôl allweddol a'r mis diwethaf gwnaethom drefnu amserlen lawn dros 2 ddiwrnod ar gyfer awdur teithio o un o brif gyhoeddiadau'r DU, sef cylchgrawn Best, ar bopeth yn ymwneud â Dylan Thomas a Thalacharn yn ogystal ag ymweliad "penwythnos gaeafol yn Llanymddyfri" gan awdur INews.
Diolch i fawr i'r holl bobl a busnesau a helpodd i wireddu'r rhain ac i'r rheiny sy'n cynorthwyo ar hyn o bryd gydag ymweliadau o'r Times a'r Sun.
UK Government Shared Prosperity Fund now open.
Mae Llywodraeth y DU wedi cyhoeddi y bydd cyllid Cronfa Ffyniant Gyffredin Llywodraeth y DU, a gynlluniwyd yn wreiddiol i gymryd lle hen ffrydiau ariannu'r UE, yn cael ei ymestyn tan 31 Mawrth 2026.
Mae ceisiadau am y Gronfa Cymorth Cyflogadwyedd, y Gronfa Datblygu Sgiliau a Chymunedau Cynaliadwy 2 bellach ar agor.
Ewch i'n gwefan i gael rhagor o wybodaeth am sut i wneud cais.
Rydym yn dymuno'r gorau i bump o fusnesau twristiaeth rhagorol yn Sir Gâr a fydd yn cynrychioli ein sir yn y Gwobrau Twristiaeth Cenedlaethol ar 27 Mawrth. Pob lwc i:
Parc Gwledig Pen-bre
Bythynnod Stangwrach
Gwely a Brecwast Moethus Plas Glangwili
Gwesty a Bwyty'r Plough
Bythynnod Cambrian
Dod yn Llysgennad Twristiaeth
Mae'n bleser gennym gyhoeddi mai'r staff yng Ngerddi Aberglasne yw'r diweddaraf i ymuno â'r rhestr gynyddol o Lysgenhadon Twristiaeth Sir Gâr, gan ymuno â thros 400 o lysgenhadon sydd eisoes wedi cofrestru ar y cwrs ar-lein AM DDIM hwn! Gyda modiwlau newydd yn cael eu hychwanegu'n rheolaidd, cofiwch gadw llygad mas am y modiwl Ffilmio yn Sir Gâr a fydd yn cael ei lansio cyn hir.
Ar gwblhau'r cwrs byddwch yn derbyn tystysgrif i'w lawrlwytho a bathodyn arbennig i'w arddangos â balchder ar eich proffiliau cyfryngau cymdeithasol. Byddwch hefyd yn cael eich gwahodd i seremoni wobrwyo fawreddog i ddathlu beth ydych wedi ei gyflawni.
I gefnogi ein hamcanion am wyliau byr yn y gaeaf, mae'n bleser gennym sôn wrthych am ein hymgyrch ddiweddaraf sy'n codi ymwybyddiaeth o ba mor dda yw'r sir am wneud basnaid go iawn o Gawl.
Mae'r ymgyrch O Gawl i Gawlyn tynnu sylw at ble gall ymwelwyr fynd ar daith o amgylch y llefydd gorau i gael cawl yn y sir, gan hyrwyddo rhai o'r tafarndai, caffis a bwytai o safon ledled y sir.
Cysylltwch â Sarah os ydych chi'n sefydliad annibynnol dilys a hoffai fod yn rhan o'r ymgyrch hon.
Os oes gennych gynlluniau i drefnu unrhyw ddigwyddiadau 80 mlwyddiant Diwrnod VE, cysylltwch â swyddogion y cyngor er mwyn iddynt eich cynorthwyo i gynllunio a hyrwyddo'r digwyddiadau.
Academi Sgiliau Gwyrdd: Hyfforddiant Cynaliadwyedd wedi'i ariannu
Caiff busnesau sy'n ceisio lleihau eu hôl-troed carbon ac uwchsgilio staff eu hannog i siarad â'r Academi Sgiliau Gwyrdd yng Ngholeg Sir Gâr, sy'n cynnig cyrsiau IEMA wedi'u hariannu'n llawn mewn Cynaliadwyedd Amgylcheddol, Adeiladu ac Ôl-osod. Mae cyrsiau ar gael ar Gampws y Gelli Aur neu ar-lein,
Cyfle ariannu newydd ar gyfer gwefru cerbydau trydan
Mae dau grant bellach ar gael i fusnesau er mwyn gosod pwyntiau gwefru: un ar gyfer landlordiaid eiddo masnachol a'r ail i osod hyd at 40 o bwyntiau gwefru yn eich gweithle. Cysylltwch â ni am ragor o wybodaeth.
