|
Trefnwch le yn Nigwyddiad Cwrdd â'ch Atyniad i Ymwelwyr
Peidiwch â cholli'r cyfle AM DDIM hwn i ehangu eich rhwydwaith, dysgu rhagor, a chynyddu nifer yr ymwelwyr drwy gwrdd â rhai o atyniadau twristiaeth gorau'r Sir ar 5 Mawrth 2025 yng Nghaerfyrddin.
Y cyntaf i'r felin fydd hi o ran archebu, ac ymhlith yr atyniadau sydd wedi cadarnhau y byddant yn bresennol y mae Parciau Gwledig Pen-bre a Llyn Llech Owain, Amgueddfa Sir Gâr, Theatr y Ffwrnes, plasty a gerddi Parc Howard, Amgueddfa Cyflymder Pentywyn a Chartref Dylan Thomas yn ogystal â'r 2 draeth hiraf yn ne-orllewin Cymru.
|
|
Sylw ar Lanybydder
Fel rhan o'n prosiect Deg Tref, bob mis byddwn yn arddangos trefi marchnad gwledig ein Sir a'r mis hwn rydym yn canolbwyntio ar Lanybydder.
Mae Llanybydder ar ffin Sir Gaerfyrddin a Cheredigion. Mae'r rhan hon o'r sir yn fan cyfleus i fynd i grwydro Mynyddoedd Cambria, ardal lle daw bryniau a dyffrynnoedd godidog ynghyd. Darllenwch ragor am gyllid ar gyfer Llanybydder drwy Gronfa Ffyniant Gyffredin Llywodraeth y DU. Gallwch gael mynediad at ddelweddau am ddim am asedau Llanybydder i wella eich marchnata. Dyma ddolen i'n tudalen we a fydd yn ysbrydoliaeth i’ch gwesteion.
Ddydd Iau 27 Chwefror rhwng 10 a 3 byddwn yng Nghlwb Rygbi Llanybydder lle gallwch alw i siarad â swyddogion y Cyngor o'r timau datblygu twristiaeth, trwyddedu a chymorth busnes. Mae'r digwyddiad am ddim ac nid oes angen gwneud apwyntiadau.
|
Sir Gâr yn Dathlu Llwyddiant yn y Gwobrau Twristiaeth Rhanbarthol!
Roedd y Cyngor Sir yn falch iawn o groesawu'r busnesau buddugol yng Ngwobrau Twristiaeth Sir Gâr a Chyfarwyddwyr y Gymdeithas Dwristiaeth i Neuadd y Sir dydd Gwener, lle cwrddont â'r Cynghorydd Hazel Evans, Aelod Cabinet dros Adfywio, Twristiaeth a Hamdden, Cynghorydd Handel Davies, Cadeirydd y Cyngor Sir, a Phrif Weithredwr y Cyngor Sir Wendy Walters.
Roedd hefyd yn gyfle i longyfarch y pum busnes twristiaeth o Sir Gâr fu'n llwyddiannus yng ngwobrau twristiaeth rhanbarthol diweddar De-orllewin Cymru ac sy'n mynd ymlaen i'r gwobrau Cenedlaethol ym mis Mawrth. Pob lwc i Barc Gwledig Pen-bre, Bythynnod Stangwrach, Gwely a Brecwast Moethus Plas Glangwili, Gwesty a Bwyty'r Plough a Bythynnod Cambrian.
|
Byddwch yn Llysgennad Twristiaeth Sir Gâr
Ymunwch â 400 o bobl eraill drwy gofrestru ar gyfer y cwrs ar-lein AM DDIM hwn nawr. Caiff modiwlau newydd eu hychwanegu'n rheolaidd, a'r mis hwn cyffrous yw gallu lansio modiwl newydd "Ffilmio yn Sir Gâr", sy'n dangos llwyddiant y sir ar y sgrin yn ddiweddar ac yn y gorffennol.
Ar ôl cwblhau'r cwrs, byddwch yn derbyn tystysgrif y gellir ei lawrlwytho ac eicon bathodyn arbennig i'w arddangos â balchder ar eich proffiliau cyfryngau cymdeithasol. Byddwch hefyd yn cael eich gwahodd i seremoni wobrwyo fawreddog i ddathlu beth ydych wedi ei gyflawni. Peidiwch â cholli mas - cofrestrwch heddiw!
|
Sir Gâr yn serennu eto!
Mae Sir Gaerfyrddin yn parhau i serennu ar sgriniau teledu'r wlad.
Ym mis Ionawr welsoch chi Lanymddyfri drwy gydol y gyfres chwe phennod Out There yr oedd Martin Clunes ynddi? Os nad ydych wedi gwylio'r gyfres eto, gallwch wneud hynny ar ITVX. Testun llawenydd mawr i ni oedd cael helpu'r tîm cynhyrchu i ddod â'r cynhyrchiad i'r Sir. Croesi bysedd bydd ail gyfres!
Yn dilyn ymweliad diweddar y tŷ ffasiwn â Llansteffan, rydym wrth ein bodd o weld y lleoliad hardd hwn yn hysbyseb Alexander McQueen ar gyfer y Gwanwyn/Haf.
Mae ein canllaw set jetters yn gyfle i ailymweld â lleoliadau sydd wedi serennu ar y sgrin.
|
|
|
"Cwtsho lan yn Sir Gâr" – Eich Ymgyrch Aeaf i Westeion!
Ysbrydolwch bobl i fwynhau gwyliau yn y gaeaf yn Sir Gaerfyrddin yn eich busnes trwy gynnwys yr ymgyrch hon yn eich hyrwyddiadau eich hun. Mae ymgyrch Cwtsho Lan 2025 yn hyrwyddo'r gorau sydd gan y sir i'w gynnig yn ystod misoedd y gaeaf, gydag amrywiaeth o syniadau am wyliau byr â thema ar gyfer pob math o deithiwr.
O fannau clyd i dirweddau syfrdanol ac anturiaethau awyr agored, bwyd blasus neu'r cwtsh perffaith yn unig - mae Cwtsho Lan yn Sir Gâr yn denu sylw yn y cyfryngau cenedlaethol a thrwy hysbysebion ar y cyfryngau cymdeithasol.
Cofiwch ddefnyddio #CwtchoLanynSirGâr ar y cyfryngau cymdeithasol fel y gallwn ddilyn a rhannu eich postiadau!
|
Cymerwch ran ym Mlwyddyn Croeso 2025
Helpwch ni i ddangos y croeso cynnes Cymreig sy'n disgwyl pobl yn Sir Gâr drwy roi'r wybodaeth ddiweddaraf i ni am eich cynigion diweddaraf, gan ein bod yn aml yn derbyn ymholiadau gan y wasg teithio a ffordd o fyw yng Nghymru a ledled y DU, sy'n awyddus i wybod beth sy'n newydd.
Boed yn gaban newydd, sawna yn y coed, cyrsiau neu weithdai unigryw, digwyddiadau newydd, peiriannau gwerthu cynnyrch lleol, tryciau bwyd, neu hyd yn oed argaeledd munud olaf ar gyfer San Ffolant neu hanner tymor – rydym am rannu eich newyddion!
Cadwch mewn cysylltiad a gadewch i ni wneud 2025 yn flwyddyn o ddathlu lletygarwch a phrofiadau Sir Gâr! #Teimlorhwyl #DimOndYngNghymru #DymaSirGâr
|
Gwella eich rhestriadau hysbysebu am ddim nawr!
|
Sicrhewch fod eich busnes yn cael ei ddangos ar ei orau ar Darganfod Sir Gâr a Croeso Cymru trwy ddiweddaru eich rhestriadau, gan fod rhestriad a gynhelir yn dda yn galluogi i'ch busnes gael ei rannu'n hawdd â'r wasg, ei gynnwys mewn ymgyrchoedd cyfryngau cymdeithasol, ac ymddangos mewn deunydd hyrwyddo.
Cymerwch eiliad i wirio'ch rhestriad a gwneud yn siŵr ei fod yn barod i ragori ar eich cystadleuwyr!
|
|
 |
Dydd Gŵyl Dewi – cymerwch ran!
 |
|
Rydym am wybod am unrhyw ddigwyddiadau sy'n cael eu trefnu i hyrwyddo'r Gymraeg a diwylliant Cymru yn ein sir ar gyfer Dydd Gŵyl Dewi. Hyrwyddwch eich digwyddiadau i 50,000 o bobl AM DDIM trwy, tudalen Facebook ac Instagram Darganfod Sir Gâr.
Wrth i ddiwrnod cenedlaethol Cymru agosáu, helpwch ni i arddangos Sir Gâr a Chymru i'r byd. Mae'r pecyn Pecyn Gwybodaeth hwn gan Croeso Cymru yn rhoi golwg gyffredinol ar yr ymgyrch Pethau Bychain.
|
|
|
|
|
