Diweddariad ar Ddiwydiant Twristiaeth Sir Gâr - Ionawr 2025

Carmarthenshire County Council anfonodd y bwletin hwn am / sent this bulletin at 10-01-2025 04:15 PM GMT

Having trouble viewing this email? View it as a Web page.

Annwyl Subscriber

Dewch i gyfarfod â ni yn Sanclêr

Fel rhan o'n prosiect Deg Tref, bob mis byddwn yn arddangos trefi marchnad gwledig ein Sir a'r mis hwn rydym yn canolbwyntio ar Sanclêr. Tref fach sy'n llawn treftadaeth, siopau annibynnol a lleoedd i fwyta.

Darllenwch ragoram gyllid ar gyfer Sanclêr drwy Gronfa Ffyniant Gyffredin Llywodraeth y DU.

Gallwch gael mynediad at ddelweddau a fideos am ddim am asedau Sanclêr i wella eich marchnata. Dyma ddolen i'n tudalen we a fydd yn ysbrydoliaeth i’ch gwesteion.

Ddydd Iau 23 Ionawr byddwn yng Nghanolfan Hamdden Sanclêr lle gallwch archebu sesiwn un i un gyda swyddogion y Cyngor o'r timau datblygu twristiaeth, trwyddedu a chymorth busnes. Mae'r digwyddiad yn rhad ac am ddim, ac mae slotiau ar gael ar sail y cyntaf i'r felin a chi sy'n penderfynu pa swyddogion rydych chi am gyfarfod a sgwrsio â nhw.

Archebwch eich lle nawr

Sir Gâr yn ennill mewn Gwobrau Rhanbarthol

Llongyfarchiadau i'r pum busnes lleol a fu'n llwyddiannus yng ngwobrau twristiaeth rhanbarthol De-orllewin Cymru, gan gynnwys ein cydweithwyr ym Mharc Gwledig Pen-bre a enillodd wobr am "y safle carafannau, gwersylla a glampio gorau”.

Hefyd yn llwyddiannus ac yn awr yn mynd ymlaen i'r Gwobrau Cenedlaethol ym mis Mawrth mae Stangwrach Cottages, Gwely a Brecwast Moethus Plas Glangwili, Gwesty a Bwyty'r Plough a Cambrian Cottages.

Rhagor o wybodaeth yma

Myfyrwyr Prifysgol yw'r llysgenhadon twristiaeth diweddaraf

Roedd wythnos Llysgenhadon Cymru ym mis Tachwedd yn gyfle gwych i weithio gyda myfyrwyr ym Mhrifysgol Cymru Y Drindod Dewi Sant i gwblhau'r modiwl lefel efydd. Llongyfarchiadau i bawb a basiodd ac sydd bellach yn hyrwyddo'r Sir.

Gallwch ymuno â 400 o bobl eraill drwy gofrestru ar gyfer y cwrs ar-lein AM DDIM hwn nawr. Ar ôl cwblhau'r cwrs, byddwch yn derbyn tystysgrif y gellir ei lawrlwytho ac eicon i'w ddefnyddio ar eich cyfryngau cymdeithasol.

Cofrestrwch yma

Sir Gâr yn serennu eto

Gan ymddangos yn ystod yr egwyl hysbysebion ar gyfer I'm a Celebrity gyda Llanymddyfri yn amlwg iawn, bydd cyfres ddrama fawr newydd sbon ITV, Out There , gyda Martin Clunes yn darlledu cyn hir ar draws rhwydweithiau'r sianel. Roeddem yn falch iawn o gynorthwyo'r cynhyrchiad ac yn edrych ymlaen at wylio. Diolch i'r holl fusnesau a helpodd yn ystod ffilmio sesiwn ffasiwn fawr yn Llansteffan gydag un o'r brandiau gorau yn Ewrop.

Gwyliwch y rhaghysbyseb nawr

Lansio "Cwtsho Lan yn Sir Gâr"

Gan dargedu cynulleidfa gwyliau byr y gaeaf wrth i'r tymheredd ostwng, mae'r ymgyrch 'Cwtsho Lan' yn hyrwyddo'r lleoedd gorau yn y sir i fwynhau seibiant braf yn y gaeaf, gan gystadlu i gael ei hadnabod fel prifddinas pob peth clyd. Mae'r profiadau yn cynnwys lleoedd i aros, bwyta a mynd i grwydro ynghyd ag awgrymiadau ar y teithiau gaeafol gorau i'w cymryd gyda ffrindiau a theulu a gwneud pethau clyd sy'n llesol i'r enaid wrth i'r dyddiau fyrhau. Dim ond man cychwyn yw'r enghreifftiau hyn, byddwn yn croesawu cymaint â phosibl o enghreifftiau. Os allwch chi feddwl am rai eraill, byddem ni'n falch iawn o glywed gennych.

Defnyddiwch #cwtsholansirgâr i ddilyn y sgwrs ar y cyfryngau cymdeithasol.

Rhagor o wybodaeth yma

Beth sy'n newydd ar gyfer 2025

Rydym yn cael ceisiadau rheolaidd gan y wasg yng Nghymru a Lloegr sy’n canolbwyntio ar deithio a ffordd o fyw ynglŷn â'r hyn sy'n newydd ac ar gael yn y Sir. Caban neu sawna coetir newydd? Cyrsiau neu weithdai newydd. Cynnyrch lleol mewn peiriannau gwerthu neu lorïau bwyd. Efallai argaeledd munud olaf ar gyfer Dydd Sant Ffolant a hanner tymor?

Anfonwch eich newyddion (yn ddelfrydol gyda delwedd o ansawdd y wasg) at Elinos

Ebost

Blwyddyn Croeso 2025

Mae Croeso Cymru wedi datgelu mai Croeso fydd thema’r flwyddyn ar gyfer 2025. Bydd yr ymgyrch Hwyl yn lansio ym mis Ionawr 2025 ac yn canolbwyntio ar y teimladau o hwyl a llawenydd y gallwch eu profi "Dim ond yng Nghymru”.

Bydd Wal Hwyl i'w gweld ar wefan Croeso Cymru pan fydd yr ymgyrch yn lansio ym mis Ionawr 2025 gyda'r "wal" yn llawn eiliadau o hwyl a llawenydd -hwyl - ledled Cymru. Os hoffech chi weld eich busnes neu'ch cyrchfan yn ymddangos fel rhan o'r Wal Hwyl, e-bostiwch Croeso@llyw.cymru

Rhagor o wybodaeth yma

Ydych chi'n cael anhawster recriwtio ar gyfer eich busnes?

Gall tîm Cymunedau am Waith Sir Gaerfyrddin helpu! Bydd y tîm yn hysbysebu'r swyddi gwag i gronfa o ymgeiswyr addas, yn darparu gwasanaeth recriwtio AM DDIM ac yn eich helpu i gyflogi'r bobl iawn ar gyfer eich swyddi gwag. Gallwn baratoi ymgeiswyr posibl drwy dalu am hyfforddiant addas.Click to edit this placeholder text.

Ebost

Llwyddiant Siopau Sionc 100% Sir Gâr

Ymwelodd dros 12,000 o siopwyr â'n siopau sionc yng Nghaerfyrddin, Llanelli a Rhydaman dros gyfnod yr ŵyl gan roi cyfle gwerthu gwerthfawr i lawer o fusnesau lleol.

Am ragor o wybodaeth ar sut y gallwch ddod yn rhan o'r ymdrechion i gynyddu gwariant ymwelwyr yn yr economi leol, cysylltwch ag Elinos.

Ebost

Sicrhewch eich bod yn cael y newyddion diweddaraf am y diwydiant twristiaeth

Gweld llythyrau newyddion blaenorol y diwydiant yn Sir Gâr Llythyr Newyddion Twristiaeth

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help