Newyddion Twristiaeth - Rhagfyr24

Carmarthenshire County Council anfonodd y bwletin hwn am / sent this bulletin at 02-12-2024 04:40 PM GMT

Having trouble viewing this email? View it as a Web page.

Annwyl Subscriber

Ar y ffordd i Lanymddyfri

Roedd swyddogion y cyngor yn y gwasanaethau datblygu twristiaeth, gwastraff ac ailgylchu, trwyddedu a busnes yn falch iawn o gwrdd un i un â 9 busnes arall yn ein 8fed sioe deithiol yn Llanymddyfri.

Bydd y sioe deithiol nesaf yn Sanclêr ym mis Ionawr 2025.

Rhagor o wybodaeth yma

Y pentref mwyaf ffasiynol yng Nghymru

Mae marchnata'r Sir fel lleoliad deniadol i ffilmio ynddi yn parhau i ddatblygu. Y mis hwn bu Alexander Mcqueen yn ymweld â Sir Gaerfyrddin gan ffilmio yn Llansteffan. Diolch i bawb a oedd wedi ein helpu i drefnu hyn.

Rhagor o wybodaeth yma

Gwobrau Twristiaeth Sir Gâr 2024

Mae'r Cyngor yn falch iawn o gyhoeddi bod ei Wasanaethau Hamdden wedi ennill gwobrau pwysig a llu o ganmoliaeth yng Ngwobrau Twristiaeth Sir Gâr, a gynhaliwyd ym mis Tachwedd.

Cawsom y wobr am yr Atyniad Gorau ar gyfer yr Amgueddfa Cyflymder Tir ym Mhentywyn a chafodd Parc Gwledig Pen-bre y wobr am y Maes Gwersylla, Carafanio a Glampio Gorau, yn ogystal â chanmoliaeth yn y categorïau y Digwyddiad Gorau (Llwybr Goleuadau'r Nadolig) a'r Atyniad Gorau ynghyd â gwobr canmoliaeth uchel am Caban, Pentywyn yn y categori y Gwely a Brecwast Gorau.

Llongyfarchiadau i'r holl fusnesau a enillodd wobrau ar y noson ac sydd bellach yn mynd ymlaen i'r Gwobrau Cenedlaethol yn 2025.

Rhagor o wybodaeth yma

Modiwlau Llysgennad Aur Newydd yn dod yn fuan

Mae tîm Amgueddfeydd y Cyngor, sy'n gyfrifol am rai o'r atyniadau prysuraf ac yn ymdrin â miloedd o ymwelwyr y flwyddyn, wedi rhoi hwb i'w gwybodaeth drwy ddod yn Llysgenhadon Twristiaeth Sir Gaerfyrddin.

Gallwch ymuno â 400 o bobl eraill drwy gofrestru ar gyfer y cwrs ar-lein AM DDIM hwn nawr. Ar ôl cwblhau'r cwrs, byddwch yn derbyn tystysgrif y gellir ei lawrlwytho ac eicon i'w ddefnyddio ar eich cyfryngau cymdeithasol.

Cofrestrwch yma

Siopau Sionc 100% Sir Gâr yn ôl ar gyfer y Nadolig

Nodwch y dyddiad yn eich dyddiaduron (ac yn nyddiaduron eich ymwelwyr) i ddod i un o'r siopau sionc yn Rhydaman, Caerfyrddin a Llanelli. Roedden nhw'n hynod boblogaidd yn 2023 gyda dros 12,000 o siopwyr a 40 o stondinau. Yn wir dyma le gwych i brynu rhywbeth arbennig ac i gefnogi'r masnachwyr lleol.

Rhagor o wybodaeth yma

Cyfreithiau ailgylchu

Cyflwynwyd cyfreithiau ailgylchu newydd ar gyfer gweithleoedd ym mis Ebrill 2024 sy'n gorfodi pob busnes, elusen a sefydliad sector cyhoeddus i ddidoli ei wastraff i'w ailgylchu i gategorïau penodol ar wahân.

Mae Llywodraeth Cymru wedi creu adnoddau, canllawiau, astudiaethau achos a chanllawiau penodol i'r sector i helpu busnesau i wneud y newidiadau.

Gallwch weld yr adnoddau yma

Pentre Awel

Pentre Awel

Mae cyfleuster mawr newydd cyntaf Pentre Awel yn Llanelli yn agosáu at agor yn 2025. Bydd Canolfan Pentre Awel yn cynnig cyfleusterau sy'n cynnwys canolfan hamdden fawr, caffi, pyllau nofio, gwasanaethau cymunedol amrywiol a lle masnachol rhent.

Dysgwch ragor drwy gofrestru i gael ein llythyr newyddion.

Cofrestrwch yma

Ydych chi'n cael anhawster recriwtio ar gyfer eich busnes?

Gall tîm Cymunedau am Waith Sir Gaerfyrddin helpu! Bydd y tîm yn hysbysebu'r swyddi gwag i gronfa o ymgeiswyr addas, yn darparu gwasanaeth recriwtio AM DDIM ac yn eich helpu i gyflogi'r bobl iawn ar gyfer eich swyddi gwag. Gallwn baratoi ymgeiswyr posibl drwy dalu am hyfforddiant addas.

Ebost

Canllawiau i'r sector lletygarwch ar atal aflonyddu rhywiol yn y gwaith

Mae'r Comisiwn Cydraddoldeb a Hawliau Dynol wedi creu pecyn cymorth i'r sector lletygarwch ar atal aflonyddu rhywiol yn y gwaith er mwyn sicrhau ei fod yn unol â Deddf Diogelu Gweithwyr 2023 newydd. Mae'r canllaw yn darparu rhestr wirio a chynllun gweithredu i gyflogwyr ynghylch sut i atal aflonyddu rhywiol yn benodol yn y diwydiant lletygarwch, ond gellir hefyd ei addasu i weithleoedd eraill.

Rhagor o wybodaeth yma

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help