Y newyddion diweddaraf gan Darganfod Sir Gâr - Gorffennaf 24

Carmarthenshire County Council anfonodd y bwletin hwn am / sent this bulletin at 10-07-2024 04:39 PM BST

Having trouble viewing this email? View it as a Web page.

Annwyl Subscriber

Archebwch nawr ar gyfer Sioe Deithiol nesaf Twristiaeth a Busnes

Mae modd archebu nawr ar gyfer ein Sioe Deithiol Twristiaeth a Busnes nesaf, ar 18 Gorffennaf 24 yn Llansteffan. Mae sesiynau 20 munud un i un ar gael ar sail y cyntaf i'r felin gydag amryw swyddogion y Cyngor o ddatblygu twristiaeth, trwyddedu, busnes ac ailgylchu.

Hefyd i'w gweld mae diweddariadau ar y gwaith o wella Maes Parcio Gogledd Llansteffan, sy'n cael ei gefnogi gan gyllid Pethau Pwysig Llywodraeth Cymru.

Archebwch eich lle nawr

Byddwch yn Llysgennad Aur Sir Gâr

Mae'r pedwerydd modiwl aur a'r olaf yn Sir Gâr, Cynaliadwyedd, bellach yn fyw sy'n eich galluogi i ennill statws Llysgennad lefel Aur. Ers ei lansio yn 2023, mae dros 400 o bobl wedi dod yn Llysgenhadon ar lefelau efydd neu arian, gan ddysgu mwy am eu sir a helpu i wella gwybodaeth am dwristiaeth a gwariant lleol.

Cofrestrwch yma

Y wybodaeth ddiweddaraf am farchnata

Rydym wedi trefnu sawl ymweliad gan gylchgronau a dylanwadwyr teithio yn ystod y mis diwethaf gan lunio teithlenni arbenigol i arddangos y cynnig twristiaeth. Gellir gweld manylion am yr ymweliadau hyn trwy Instagram a diolch i'r busnesau lleol niferus a fu'n gweithio gyda ni. Cefnogwyd hyn gan hysbysebu digidol wedi'i dargedu, a gyrhaeddodd dros 2 filiwn o bobl yn ystod y 2 fis diwethaf.

Dilynwch ni nawr

Canllaw Ymwelwyr 'Diwrnodau Allan' newydd ar gael nawr

Bydd ymwelwyr yn aros yn hirach ac yn gwario mwy pan fyddan nhw'n gallu cael gwybodaeth berthnasol yn hawdd. Mae ein canllaw ymwelwyr A5 swyddogol yn rhestru dros 200 o wahanol bethau i'w gwneud a'u gweld yn y sir yn ogystal â darparu map enfawr.

Mae 80,000 o gopïau o'r Canllaw bellach yn cael eu dosbarthu ar gyfer yr hydref i gefnogi atyniadau a'i gwneud yn haws i ddarparwyr llety roi gwybodaeth ddefnyddiol i'w gwesteion. Bydd modd casglu copïau o 10 Hydref o ganolfannau Hwb y Cyngor yng nghanol trefi Caerfyrddin, Rhydaman a Llanelli. Os hoffech fod yn rhan o'r tîm golygyddol nesaf, anfonwch e-bost at Sarah

Ebost

Hysbysebu AM DDIM ar Radio Sir Gâr a Darganfod Sir Gâr

Mae nawdd radio ar yr awyr sylweddol wedi ei drefnu gyda Radio Sir Gâr i hyrwyddo pethau i'w gwneud, llefydd i fynd, a digwyddiadau sy'n targedu eu (34,000) o wrandawyr misol. I gael eich ystyried, gofalwch eich bod wedi manteisio ar y rhestr hysbyseb digwyddiad neu fusnes am ddim ar wefan Darganfod Sir Gâr.

Y wybodaeth ddiweddaraf am Ddigwyddiadau Busnes

Ar ôl cynrychioli'r Sir mewn cyfarfod Cenedlaethol fis diwethaf i ddenu digwyddiadau busnes fel Cymdeithasau, Adeiladu Tîm, busnesau corfforaethol a rhoi cymhelliant i fusnesau o'r tu allan i Gymru i ddod i Gymru, mae swyddogion y Cyngor nawr am sicrhau bod gweithredwyr lleol yn ymwybodol o gyfleoedd gan Croeso Cymru a chyllid gan Visit Britain.

Mae'r gefnogaeth yn cynnwys rhestrau cynnyrch, presenoldeb mewn sioeau, cyllid, eitemau newyddion a chysylltiadau cyhoeddus.

I gael rhagor o wybodaeth, cysylltwch â Sarah

Lansio teithiau cerdded cylchol yn Sir Gaerfyrddin

Lansio teithiau cerdded cylchol yn Sir Gaerfyrddin Mewn partneriaeth â Llwybr Arfordir Cymru a Paddy Dillon, lansiwyd casgliad newydd o deithiau cylchol fis diwethaf. Mae taith gylchol yn ffordd wych o fwynhau Sir Gaerfyrddin a'i golygfeydd ysblennydd heb orfod mynd nôl yr un ffordd neu ddefnyddio trafnidiaeth gyhoeddus.

Mae rhagor o wybodaeth ar gael yma

Beth yw TXLoad?

Mae TXLoad yn system rheoli archebu syml sydd AM DDIM ac sy'n ddelfrydol ar gyfer y busnesau hynny nad ydynt eto'n cymryd archebion ar-lein trwy eu gwefan neu broffiliau cyfryngau cymdeithasol eu hunain - neu'r rhai sy'n dibynnu'n llwyr ar asiantau teithio ar-lein i hybu gwerthiant.

Mwy o wybodaeth yma

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help