Llythyr Newyddion Twristiaeth Chwefror 24

Gan dargedu'r rhai sy'n chwilio am wyliau byr yn y gaeaf ar ôl y Nadolig, mae'r bachyn yn defnyddio'r term poblogaidd 'cwtch' trwy weithgareddau marchnata gan gynnwys hysbysebu wedi'i dargedu ar y cyfryngau cymdeithasol, cysylltiadau cyhoeddus, ac ymweliadau dylanwadwyr ynghyd â chefnogaeth gan lawer o fusnesau lleol i greu'r 10 seibiant â thema gan gynnwys lleoedd i aros, bwyta a chrwydro, syllu ar y sêr a llecynnau arfordirol. Mae'r gwaith yn cael ei gefnogi gan gronfa Ffyniant Bro Llywodraeth y DU.

Mae'r gwaith o farchnata'r Sir fel lleoliad deniadol i ffilmio yn parhau i ddatblygu ac mae'n cael ei hysbysebu yn Kays, sef beibl sector ffilm y DU, y mis hwn. Hefyd y mis hwn, bydd rhaglen Rick Stein's Food Stories yn cael ei darlledu ar BBC2 gyda'r bennod yn Sir Gâr ar y 19eg yn dangos Rick yn ymweld â Chaerfyrddin a Thalacharn. Diolch i bawb a oedd wedi ein helpu i drefnu hyn

Yn barod ar gyfer Dydd Gŵyl Dewi, mae gennym ymgyrch ar waith gyda Radio Sir Gâr i hyrwyddo a chodi ymwybyddiaeth o ba mor dda yw'r sir am wneud Cawl.

Mae'r ymgyrch yn mynd yn fyw ar 21 Chwefror a'i nod yw codi ymwybyddiaeth o'r ymgyrch O Gawl i Gawl. Bydd hysbysebion yn tynnu sylw at ble gall ymwelwyr fentro ar daith o amgylch mannau gorau'r sir o ran gweini cawl, gan hyrwyddo rhai o'r tafarndai, caffis a bwytai o safon ledled y sir.

Cofiwch wrando am yr ymgyrch ac annog eich gwesteion i fynd ar y daith. Cofiwch roi gwybod i ni pa gawl oedd eu hoff un. Os ydych chi'n sefydliad annibynnol a hoffech gymryd rhan yn yr ymgyrch hon. Mae'r gwaith yn cael ei gefnogi gan gronfa Ffyniant Bro Llywodraeth y DU.

Bellach gall darparwyr llety archebu i weld rhai o'r atyniadau mwyaf poblogaidd yn y Sir (o lygad y ffynnon fel petai) yn barod ar gyfer y tymor sydd i ddod. Mae ymweliadau ymgyfarwyddo am ddim, gan gynnwys teithiau a chyflwyniadau, yn cael eu cynnig drwy gydol y Gwanwyn ar gyfer cyfleusterau ymwelwyr mawr.

Archebwch le nawr ar yr ymweliad ymgyfarwyddo â'r Amgueddfa Cyflymder newydd a'r Caban neu ar ymweliad ymgyfarwyddo â Pharc Gwledig Pen-bre, un o atyniadau mwyaf poblogaidd Cymru.

Bydd nifer o stondinau ac arddangoswyr yn y digwyddiad hwn ar 13 Mawrth 2024 yng Ngardd Fotaneg Genedlaethol Cymru a bydd yn gyfle gwych i ddarganfod cynnyrch gorau Gorllewin Cymru, sicrhau cytundebau masnach a rhwydweithio.

Rydym am wybod am unrhyw ddigwyddiadau sy'n cael eu trefnu i hyrwyddo'r Gymraeg a diwylliant Cymru yn ein sir ar gyfer Dydd Gŵyl Dewi. Hyrwyddwch eich digwyddiadau i 50,000 o bobl AM DDIM trwy, tudalen Facebook ac Instagram Darganfod Sir Gâr.

Wrth i ddiwrnod cenedlaethol Cymru agosáu, helpwch ni i arddangos Sir Gâr a Chymru i'r byd. Mae'r pecyn Pecyn Gwybodaeth hwn gan Croeso Cymru yn rhoi golwg gyffredinol ar yr ymgyrch Pethau Bychain.