Newyddion Twristiaeth - Hydref 2023

Carmarthenshire County Council anfonodd y bwletin hwn am / sent this bulletin at 04-10-2023 04:15 PM BST

Having trouble viewing this email? View it as a Web page.

Annwyl Subscriber

Da iawn Wynne - Dyn o Gaerfyrddin yn ennill Masterchef

Ar ôl wythnosau o arddangos y cynnyrch lleol gorau sydd gan Gymru i'w gynnig, cafodd Wynne Evans, canwr, cyflwynydd radio a wyneb Go Compare, ei goroni'n Bencampwr Masterchef 2023 o'r diwedd ac rydym yn hynod falch ohono.

Mae bwyd a diod yn rhan allweddol o ymweliad â'r sir ac mae'n cael ei ddefnyddio fel modd i ddenu pobl mewn llawer o'n hymgyrchoedd marchnata – edrychwch ar y Llwybrau Cynnyrch Lleol sy'n targedu'r rhai sy'n gallu cyrraedd y sir o fewn 2.5 awr mewn car i'w denu i gael gwyliau byr yn ystod yr hydref. Gallwch gymryd rhan drwy restru eich busnes AM DDIM.

Cofestrwch yma

Canllaw Ymwelwyr 'Diwrnodau Allan' newydd ar gael nawr

Bydd ymwelwyr yn aros yn hirach ac yn gwario mwy pan fyddan nhw'n gallu cael gwybodaeth berthnasol yn hawdd. Mae ein canllaw ymwelwyr A5 swyddogol yn rhestru dros 200 o wahanol bethau i'w gwneud a'u gweld yn y sir yn ogystal â darparu map enfawr.

Yn sgil cael cymorth ariannol o gronfa Ffyniant Bro Llywodraeth y DU, mae 20,000 o gopïau o'r Canllaw bellach yn cael eu dosbarthu ar gyfer yr hydref i gefnogi atyniadau a'i gwneud yn haws i ddarparwyr llety roi gwybodaeth ddefnyddiol i'w gwesteion. Bydd modd casglu copïau o 10 Hydref o ganolfannau Hwb y Cyngor yng nghanol trefi Caerfyrddin, Rhydaman a Llanelli. Os hoffech fod yn rhan o'r tîm golygyddol nesaf, anfonwch e-bost at Sarah

E-bost

Ymgyrch Hyrwyddo 'Croesawu Cŵn' yr Hydref

Cyn bo hir, bydd gweithgareddau marchnata yn dechrau targedu'r rhai sy'n cynllunio gwyliau gyda'u cŵn yn ystod yr hydref, sef cynulleidfa darged fawr yn y DU, ac mae'r sir yn hynod gystadleuol yn y maes hwn. Mae tudalennau gwe wedi'u diweddaru i gynnwys rhestr lawn o leoedd i ymweld â nhw a bwyta ac yfed sydd hefyd yn croesawu cŵn, ac mae'r rhain wedi'u cysylltu â'r darparwyr llety hynny sydd wedi nodi eu bod yn croesawu cŵn.

Os ydych chi'n croesawu cŵn i'ch busnes, gwnewch yn siŵr eich bod yn rhan o'r ymgyrch farchnata hon trwy gael eich rhestru AM DDIM. Mae'r ymgyrch yn cael cymorth o gronfa Ffyniant Bro Llywodraeth y DU.

Rhestru AM DDIM

Martin Clunes yn ymweld â Llanymddyfri

Gan adael Dr Martin yn ôl yng Nghernyw, Martin Clunes yw'r seren deledu a ffilm ddiweddaraf i ymweld â'r sir ar gyfer ei gynhyrchiad nesaf wrth iddo ddod i Lanymddyfri ym mis Medi. Rydym yn hyrwyddo'r sir fel lleoliad ffilmio deniadol, amrywiol a chost-effeithiol mewn cylchgronau masnach allweddol a chanllawiau blynyddol fel Kays wrth i ni geisio ychwanegu mwy o gynyrchiadau at y rhai sydd eisoes wedi'u cwblhau fel 'Save Our Cinema' gan Sky Cinema, 'Willow’ gan Disney, 'Y Golau' gan S4C, ‘Best of Britain by the Sea’ gan Channel 4, a ffefrynnau poblogaidd fel ‘Antiques Roadshow’, ac ‘Escape to the Country’.

Os ydych chi'n rheoli lleoliad ac yr hoffech elwa o'r ymgyrch hon, cysylltwch ag Elinos i lenwi'r ffurflen meini prawf lleoliad.

E-bost Elinos

Y wybodaeth ddiweddaraf am ymchwil i dwristiaid

n ôl ystadegau twristiaeth ddomestig diweddaraf Prydain, mae dros 90% o ymwelwyr â Chymru yn dod o Gymru a gweddill y DU. Mae ffigurau amcangyfrifedig yn dangos bod 1.74 miliwn o deithiau wedi'u gwneud a bod £341 miliwn wedi'i wario yng Nghymru yn ystod 3 mis cyntaf 2023 gan ymwelwyr o'r DU a oedd yn aros dros nos yng Nghymru. (4% a 35%, yn y drefn honno, yn uwch nag yn 2022).

Os hoffech chi gael adroddiad economaidd twristiaeth blynyddol Sir Gaerfyrddin, anfonwch e-bost at Huw.

E-bost

Staff y llyfrgelloedd yn dod yn Llysgenhadon Twristiaeth

Mae tîm arall o'r Cyngor Sir wedi ymuno â'r 250 o bobl sydd eisoes wedi cofrestru i fod yn Llysgenhadon Twristiaeth wrth i'r adain Llyfrgelloedd gwblhau'r modiwlau lefel efydd. Maen nhw'n rhyngweithio â miloedd o bobl bob wythnos ac maen nhw'n gallu cefnogi'r sector twristiaeth yn well bellach yn sgil ehangu eu gwybodaeth leol drwy'r cynllun Llysgenhadon.

Gallwch gofrestru ar gyfer y cwrs ar-lein AM DDIM hwn yma. Ar ôl cwblhau'r cwrs, byddwch yn derbyn tystysgrif y gellir ei lawrlwytho ac eicon i'w ddefnyddio ar eich cyfryngau cymdeithasol.

Cofestrwch Yma

Cadwch mewn cysylltiad â /Stay Connected with Carmarthenshire County Council:

GWASANAETHAU TANYSGRIFIO /SUBSCRIBER SERVICES:
Rheoli Tanysgrifiadau / Manage Subscriptions | Dad-danysgrifio i bopeth / Unsubscribe All | Help