 Rydyn ni'n falch iawn o gyhoeddi bod ein hanimeiddiad newydd, sydd wedi cael ei greu i arddangos ein gwasanaeth gofal plant eithriadol, bellach yn gyflawn ac yn barod i chi ei rannu!
Mae'r animeiddiad hwn yn ffordd hyfryd o amlygu manteision allweddol ein gwasanaeth, gan gynnwys ein hymrwymiad i gynorthwyo darparu amgylchedd diogel a meithringar i blant a sicrhau bod lleoliadau wedi'u hariannu ar gael drwy'r rhaglen Dechrau'n Deg a Chynnig Gofal Plant Cymru.
Rydyn ni'n credu y bydd yr animeiddiad hwn yn ffordd amhrisiadwy o ddangos y gwasanaeth o ansawdd uchel rydyn ni'n ei ddarparu i ddarparwyr gofal plant ym Mwrdeistref Sirol Caerffili. Byddwch cystal â'i rannu â'ch rhwydweithiau i helpu rhieni i ddeall y cymorth rhagorol rydyn ni'n ei ddarparu.
Diolch yn fawr iawn am eich ymroddiad parhaus i gynnal y safonau uchaf o ran gofal plant, a'r effaith gadarnhaol y mae hyn yn ei chael ar fywydau plant a'u teuluoedd.
Mae modd gwylio'r animeiddiad yma:
https://vimeo.com/treetopfilms/review/989484382/3e410e07e6
O fis Medi ymlaen, bydd y tîm gofal plant yn rhoi'r dull newydd ‘Tîm o Amgylch y Lleoliad’ ar waith, i wella cymorth i bob lleoliad gofal plant dan gontract yng Nghaerffili. Er mwyn cyflwyno'r fenter hon, byddwn ni'n cynnal sesiynau briffio brynhawn Mawrth 3 Medi, 1–3pm a 5–6pm. Bydd dolenni ar gyfer ymuno â'r sesiynau hyn yn cael eu hanfon drwy e-bost.
Rydyn ni'n edrych ymlaen at eich cyfranogiad a'ch cydweithrediad yn y fenter newydd gyffrous hon!
|
 Mae'r broses gwneud cais am y Grant Hanfodion Ysgolion nawr ar agor! Anogwch unrhyw deuluoedd rydych chi'n gweithio gyda nhw i wirio eu cymhwysedd a gwneud cais.
Os yw plentyn eisoes yn cael prydau ysgol am ddim, gallai fod rhagor o gymorth ariannol ar gael drwy'r Grant Hanfodion Ysgol.
Gall y cymorth hwn helpu gyda hanfodion fel gwisg ysgol ac offer i sicrhau bod y plentyn yn barod ar gyfer y diwrnod ysgol. Gall rhieni wirio cymhwysedd eu plentyn a gwneud cais yn www.llyw.cymru/hawliwch-help-gyda-chostau-ysgol
Meic yw’r gwasanaeth llinell gymorth i blant a phobl ifanc yng Nghymru hyd at 25 oed. Mae gwybodaeth o bob math ar gael, yn amrywio o fanylion am ddigwyddiadau yn yr ardal leol i gymorth i ddelio â sefyllfaoedd anodd. Bydd Meic yn gwrando hyd yn oed os na fydd neb arall. Ni fydd yn eich barnu a bydd yn eich helpu drwy roi gwybodaeth, cyngor defnyddiol a’r math o gymorth sydd ei angen ar blant a phobl ifanc er mwyn newid pethau.
https://www.meiccymru.org/cym/
 Mae'r sesiynau Chwarae yn y Parc wedi cychwyn, gyda sesiynau yn Senghenydd a Pharc Morgan Jones i ddathlu Diwrnod Chwarae Cenedlaethol. Os gwnaethoch chi fethu'r rhain, peidiwch â phoeni, mae chwe sesiwn arall eto i ddod y gallwch chi gymryd rhan ynddyn nhw – mae'r un nesaf ar 9 Awst ym Mharc Bargod, ac yna ddydd Mawrth 13 Awst ym Maes Chwarae Abertridwr.
Am fanylion llawn, cliciwch yma
|
