Trydan 100% adnewyddadwy i Gwsmeriaid Ynni’r GCC erbyn 2017

Bydd yr holl drydan a brynir ar gyfer gwasanaethau cyhoeddus yng Nghymru gan y GCC yn dod o ffynonellau adnewyddadwy erbyn 2017, meddai Ysgrifennydd yr Amgylchedd Lesley Griffiths mewn cyhoeddiad cyn iddi fynychu trafodaethau COP22 ar yr hinsawdd ym Marrakesh.

Ar ôl Ebrill 2017, bydd pob un o gwsmeriaid y GCC yn cael 100% o’u trydan o ffynonellau adnewyddadwy. Daw o leiaf 50% ohono o ffynonellau Cymreig, gyda nod i gynyddu hyn i 100%.

Mae Cymru’n arwain y ffordd o ran datblygu cynaliadwy, ac roedd yn un o’r gwledydd cyntaf yn y byd i gynnwys cyfeiriad mewn cyfraith at Amcanion Datblygu Cynaliadwy’r DU, trwy Ddeddf Llesiant Cenedlaethau'r Dyfodol.

Am ragor o wybodaeth am Gyfleustodau’r GCC, cysylltwch â’r tîm yn NPSUtilities@cymru.gsi.gov.uk 

Cewch ragor o wybodaeth ar wefan Llywodraeth Cymru: http://gov.wales/newsroom/environmentandcountryside/2016/161111-100-percent-renewable-electricity-for-public-services-ahead-of-cop22/?skip=1&lang=cy

Fframwaith Buddiannau Gweithwyr y GCC

Ers lansio Fframwaith Buddiannau Gweithwyr y GCC ym mis Rhagfyr 2015, mae dros 30 o sefydliadau ledled Cymru wedi ymgysylltu â'r Darparwr Gwasanaeth a Reolir, iCOM Works Ltd a’u partneriaid fframwaith. Mae nifer o gwsmeriaid eisoes wedi cychwyn ar gynlluniau neu yn y broses o roi cynlluniau ar waith drwy'r fframwaith dros y misoedd nesaf. Mae adborth a gafwyd hyn yma wedi bod yn bositif dros ben, gyda llawer yn tynnu sylw at ystod eang y cynhyrchion a’r pris.

Yn ddiweddar lansiodd Cyfoeth Naturiol Cymru (CNC) HWB buddiannau wedi’u brandio, pecyn manwerthu a ffordd o fyw, Cynlluniau Talebau Beicio i’r Gwaith a Gofal Plant.

Meddai Bethan Williams, Cynghorydd Llesiant gyda CNC, wrth sôn am y cynlluniau sydd ar gael o dan fframwaith y GCC, “Mae argaeledd y pecyn buddiannau i’n staff wedi bod yn llwyddiant ac mae wedi eu galluogi i fanteisio ar arbedion sylweddol ar bryniadau. Mae’r staff yn ein sefydliad wedi croesawu hyn. Byddem yn argymell bod sefydliadau eraill yn y sector cyhoeddus yng Nghymru’n cynnig buddiannau o’r fath i’w staff a byddem yn argymell gweithio ag iCom sydd wedi cynnig lefel wych o wasanaeth a chymorth trwy gydol y paratoadau ar gyfer lansio ein hwb buddiannau newydd - NRW Rewards."

Mae Prifysgol Abertawe hefyd wedi rhoi ar waith nifer o atebion drwy'r rhaglen "Our Uni Rewards", sy'n cynnig pecyn disgowntiau manwerthu a ffordd o fyw, cynllun aberthu cyflog Ceir Gwyrdd a chynllun Beicio i'r gwaith. Mae'r atebion hyn, ynghyd ag ystod o fuddiannau mewnol i weithwyr sydd eisoes ar waith, wedi cael eu hymgorffori mewn HWB buddiannau gweithwyr gwbl hygyrch y gall gweithwyr ddefnyddio ar unrhyw adeg o'r dydd.

Gall iCOM Works Ltd gynnig mynediad at nifer o gynlluniau buddiannau gweithwyr gwahanol ar gyfer cwsmeriaid. Drwy'r pecyn disgowntiau manwerthu a ffordd o fyw, mae gweithwyr mewn sefydliadau yn mwynhau arbedion sylweddol ar ystod eang o eitemau bob dydd. Mae'r rhain, ynghyd â'r arbedion sydd ar gael drwy'r gwahanol gynlluniau aberthu cyflog, yn sicrhau bod buddiannau ar gael i bawb. Ceir enghreifftiau isod o arbedion y gellir eu gwneud trwy’r gwahanol gynlluniau:

Arbedion Cyfartalog o ddydd i ddydd y flwyddyn:

Bwydydd: £240 
Yswiriant Car a Chartref: £160
Gwyliau: £100
Bwyta Allan: £150
Y Stryd Fawr Leol: £150

Dros £1,500 y Flwyddyn o Arbedion Arferol Aberthu Cyflog:

Cynllun Ceir Gwyrdd Newydd

Technoleg Cartref a Phersonol

Talebau Gofal Plant

Beicio i’r Gwaith

Mae rhagor o wybodaeth a manylion cyswllt pe bai sefydliadau cwsmer y GCC yn dymuno trafod y cyfleoedd sydd ar gael ar gael ar wefan GwerthwchiGymru: https://www.sell2wales.gov.wales/Authority/Resources/Resources.aspx?ID=&Type=8163&Path=11756-8163

Gwasanaethau Corfforaethol a Chymorth Busnes

Hysbysiadau Dyfarnu Contractau i Ddod

• Deunydd Ysgrifennu a Phapur Copïo – mae’r fframwaith hwn yn cael ei werthuso ar hyn o bryd a disgwylir ei ddyfarnu ym mis Rhagfyr, yn amodol ar gyfnod segur o 10 diwrnod. Disgwylir y bydd y fframwaith yn weithredol yng nghanol mis Ionawr, yn dilyn cyfnod gweithredu o bedair wythnos i adeiladu'r catalog rhestr graidd ar y system Basware.

Diweddariadau

• Cyflenwi Papur Copïo, Argraffu Digidol a Phapur Gwrthbwyso – gyda diwedd y cyfnod cychwynnol o ddwy flynedd yn dynesu ym mis Ionawr 2017, rydym yn gweithio â chyflenwyr i ymestyn y trefniadau presennol am gyfnod o 12 mis, fel yr amlinellwyd yn amserlenni’r contract. Os oes gan gwsmeriaid unrhyw ymholiadau, cysylltwch â’r cyfeiriad e-bost isod.
• Cyflenwi Offer Gwelededd Uchel a Diogelu Personol (PPE), Lifrai, Dillad Gwaith a Dillad Hamdden. Rydym yn y broses o drefnu diwrnod cyflenwyr i ymgysylltu â’r farchnad. Am ragor o wybodaeth, cysylltwch â’r cyfeiriad e-bost isod.
• Fframwaith Asiantaethau'r Cyfryngau - mae'r GCC yn parhau i ymgysylltu â chwsmeriaid a chyflenwyr, a bydd yr Arfarniad Opsiynau ar gyfer y fframwaith hwn yn cael ei gyflwyno i'r Grŵp Cyflawni'r GCC yn y flwyddyn newydd.

Cysylltu: NPSCorporateServices@cymru.gsi.gov.uk

Fflyd a Thrafnidiaeth

Hysbysiadau Gwybodaeth Ymlaen Llaw

• Llogi Ceir a Cherbydau Masnachol Ysgafn (o dan 3.5T GVW) a Cherbydau Arbenigol (dros 3.5T GVW) – cyhoeddwyd 3 Tachwedd 2016:
  https://www.gwerthwchigymru.llyw.cymru/search/show/search_view.aspx?ID=NOV165561

Hysbysiadau Dyfarnu Contractau i Ddod

• Darnau Sbâr Cerbydau – mae tendrau’n cael eu gwerthuso ar hyn o bryd. Mae archwiliadau diwydrwydd dyladwy’n cael eu cynnal, a disgwylir y bydd y fframwaith yn cael ei ddyfarnu ym mis Rhagfyr 2016, ac yn weithredol ym mis Ionawr 2017.

Diweddariadau

• Llogi Cerbydau - yn dilyn adborth cwsmeriaid ni fydd fframwaith Llogi Cerbydau presennol y GCC ar gyfer Ceir a Cherbydau Masnachol Ysgafn (LCV) o dan 3.5 Tunnell yn cael ei ymestyn yn y torbwynt pris ym mis Ebrill 2017. Gwnaethpwyd penderfyniad i ail-dendro’r nwyddau hyn. Y bwriad yw rhannu Ceir a LCVs yn ddwy lot ar wahân er mwyn cynyddu nifer y cyflenwyr. Daw’r fframwaith cyfredol ar gyfer Llogi Cerbydau Arbenigol a osodir gan y WPC a’i arwain gan Gyngor Dinas Casnewydd i ben ar 1 Mai 2017 a bydd yn rhan o’r aildendr Llogi Cerbydau fel lot ar wahân. Disgwylir y bydd cytundeb newydd y GCC yn dod i rym ym mis Mai 2017.
• Llogi Cerbydau  (ail-dendro) - cafodd cyfarfod cyntaf y Grŵp Fforwm Categori (CFG)  ei gynnal ar 10 Tachwedd 2016, a chynhaliwyd dau ddigwyddiad cyflenwyr ar 21 a 22 Tachwedd - cafwyd adborth cadarnhaol ynghylch y strategaeth arfaethedig. Mae’r Arfarniad o Opsiynau wedi'i gytuno gan y CFG a bydd yn cael ei ddanfon i'r Grŵp Cyflawni i'w gymeradwyo yn fuan. Yn y cyfamser, mae'r dogfennau gofynion  yn cael eu paratoi ar gyfer eu dosbarthu i aelodau’r CFG i glywed eu sylwadau ym mis Rhagfyr.
• Tanwydd Hylif - Bydd estyniad o 12 mis yn cael ei ddefnyddio ar y fframwaith hwn (dyddiad terfyn newydd 07/04/2018) gydag adolygiad ar brisiau yn cael ei gynnal gyda'r holl gyflenwyr ar y fframwaith, o fis Chwefror 2017.
• Gwirio Trwyddedau Gyrru – mae’r prosiect hwn wedi’i ohirio am y tro ac mae’r Piblinell Fflyd wedi cael ei newid i adlewyrchu hyn.
• Cardiau Tanwydd – mae’r GCC wedi cynnal cystadleuaeth bellach o dan y fframwaith CCS ar gyfer Cardiau Tanwydd. Mae mabwysiadu’r cyflenwr hwn o dan gystadleuaeth fach y GCC yn cynnig cyfle i gwsmeriaid i fanteisio ar:
  - Dim ffioedd trafodion
  - Prisio Platts yn hytrach na phrisiau Pympiau
  - Dim ffioedd cardiau am y 12 mis cyntaf ac yna £6 y cerdyn
  - Opsiynau cardiau lluosog ar gael o dan un anfoneb wedi’i chydgrynhoi i gynyddu dalgylch
  Dylai unrhyw gwsmeriaid a hoffai gymryd rhan gysylltu â chyfeiriad y Fflyd isod.
• Arolwg Fflyd Blynyddol y GCC – er mwyn cyrraedd cymaint o gwsmeriaid â phosibl, rydym wedi ailagor yr Arolwg Fflyd Blynyddol. Gall unrhyw gwsmer nad yw wedi ymateb hyd yma, gysylltu â’r tîm yn y cyfeiriad e-bost isod i gael copi. Bydd hyn yn helpu i ragweld piblinell gwaith y GCC ar gyfer y dyfodol ac i ganfod meysydd blaenoriaeth ar gyfer y sector cyhoeddus yng Nghymru.

Cysylltu: NPSFleet@cymru.gsi.gov.uk

Technoleg Gwybodaeth a Chyfathrebu

Hysbysiadau Dyfarnu Contractau

• Gwasanaethau Sicrwydd Gwybodaeth - mae’r fframwaith hwn yn awr yn weithredol ac ar gael i’w ddefnyddio. Mae canllaw i gwsmeriaid ar gael ar GwerthwchiGymru: https://www.sell2wales.gov.wales/Authority/Resources/Resources.aspx?ID=&Type=12281&Path=11764-12280-12281

Diweddariad

• Dyfeisiadau Aml-swyddogaeth a Nwyddau a Gwasanaethau Cysylltiedig – mae'r tendr eisoes wedi cau, gyda'r gwerthusiadau i gael eu cwblhau cyn gwyliau'r Nadolig. Rydym yn dal i chwilio am arbenigwyr technegol i fod yn aelodau o’r panel gwerthuso ac os ydych chi’n barod i helpu, cysylltwch â’r cyfeiriad e-bost TGCh isod. Disgwylir y bydd y fframwaith yn cael ei ddyfarnu yn ystod yr wythnos sy'n dechrau'r 16 Ionawr 2017.
• Fframwaith Rheoli Gwybodaeth Myfyrwyr - mae gwaith wedi cychwyn i edrych ar y gofynion ar gyfer y fframwaith hwn. Os hoffech chi gymryd rhan neu os hoffech gael gwybod mwy, cysylltwch â’r cyfeiriad e-bost TGCh isod.
• Digwyddiadau 'Cwrdd â’r Prynwr / Cyflenwr’ - rydym yn dal i ystyried yr ail gyfres o ddigwyddiadau ar gyfer y De a’r Gogledd, yn dilyn ein digwyddiadau cyntaf ym mis Ebrill 2016. Mae’r rhain wedi’u cynllunio ar gyfer canol 2017. Yn ystod y misoedd nesaf byddwn yn gofyn am unrhyw awgrymiadau neu syniadau i helpu i wneud digwyddiadau’r flwyddyn nesaf yn llwyddiant.
• Cynnyrch a Gwasanaethau TGCh (ITPS)
  - Rydym wedi bod yn cydweithio’n agos â chyflenwyr y fframwaith, i sicrhau bod catalogau cyflenwyr ar gael ac yn gyfoes. Mae catalogau dwbl ITPS ar gael yn awr trwy Basware. Bydd angen i gwsmeriaid sydd eisiau gweld yr e-gatalogau hyn ychwanegu catalogau cyflenwyr unigol yn yr adran 'View' yn Product Manager Basware.
  - Mae’r ail gyfres o gyfarfodydd adolygu cyflenwyr ITPS wedi dod i ben. Trafodwyd pob agwedd ar berfformiad cyflenwyr, gan gynnwys canlyniadau’r Arolwg Bodlonrwydd Cwsmeriaid a gwblhawyd yn ddiweddar, â chyflenwyr ITPS yn y cyfarfodydd hyn.
• Gwasanaethau Ceblau Strwythuredig - mae'r fframwaith wedi bod ar waith er 1 Awst 2016, gan gynnig llwybr sy’n cydymffurfio â’r farchnad ar gyfer ystod o nwyddau a gwasanaethau rhwydwaith,  asgwrn cefn telathrebu a cheblau ffeibr optig ar GwerthwchiGymru: https://www.sell2wales.gov.wales/Authority/Resources/Resources.aspx?ID=&Type=10720&Path=11764-10720
• Fframwaith Cymru gyfan ar gyfer Teleffoni (llinell sefydlog, VoIP, Symudol a Chyfathrebu Unedig) - mae'r ymarfer cwmpasu wedi dechrau. Os hoffech fod yn rhan o'r broses neu os hoffech ragor o wybodaeth, cysylltwch â'r blwch post TGCh isod.

Cysylltu: NPSICTCategoryTeam@cymru.gsi.gov.uk

Gwasanaethau Proffesiynol

Hysbysiadau Dyfarnu Contractau Arfaethedig

• Gwasanaethau Cyfreithiol gan Fargyfreithwyr – disgwylir y bydd y cytundeb hwn yn cael ei ddyfarnu ym mis Rhagfyr, ac y bydd ar gael i’w ddefnyddio ym mis Ionawr 2017

@gcccymru

National Procurement Service