1. Newyddion
Digidol 2016
Yn ddiweddar daeth tîm Categori TGCh y Gwasanaeth Caffael Cenedlaethol ynghyd ag arweinwyr diwydiant allweddol o’r Deyrnas Unedig a diwydiant technegol byd-eang yn nigwyddiad Digidol 2016 yng Ngwesty’r Celtic Manor yng Nghasnewydd.
Yn yr arddangosfa a’r gynhadledd ddeuddydd daeth tua 2,000 o gynrychiolwyr ynghyd, yn cynnwys arbenigwyr blaenllaw ym maes technoleg ac arloesedd digidol. Yn y digwyddiad edrychwyd sut y gellir defnyddio tueddiadau digidol i helpu economi Cymru.
Meddai David Nicholson, Pennaeth Masnachol a Chaffael TG:
"Rhoddodd digwyddiad Digidol 2016 gyfle i’r tîm categori TGCh gyfarfod rhai o’r busnesau technegol mwyaf arloesol yng Nghymru. Rhoddodd staff arweiniad i gwmnïau technegol newydd ar sut i ymdrin â sector cyhoeddus Cymru, a chafwyd cyfle i gyfarfod â chydweithwyr ar draws Llywodraeth Cymru a’r sector TGCh ehangach, i drafod cyfleoedd i gydweithio i gynorthwyo BBChau Cymru."
Am fwy o wybodaeth ynglŷn â’r fframweithiau TGCh presennol, cysylltwch â NPSICTCategoryTeam@cymru.gsi.gov.uk.
Mynnwch lais yn ymgynghoriad Caffael Llywodraeth Cymru
Nid oes llawer o amser ar ôl i roi eich
sylwadau a’ch barn ynglŷn â chyfleoedd i gyflwyno deddfwriaeth ar gaffael
cyhoeddus ar draws sector cyhoeddus Cymru.
Bydd yr ymgynghoriad yn dod i ben ar 28
Mehefin 2016. Mae eich mewnbwn yn bwysig i helpu i ddylanwadu ar unrhyw
ddeddfwriaeth maes o law.
Gallwch weld yr ymgynghoriad a chael mwy o
wybodaeth ar adran ymgynghori gwefan Llywodraeth Cymru.
Canllaw Ceisiadau ar y Cyd – Gweithdai Consortia
Cynhelir cyfres o weithdai am ddim wedi eu
trefnu gan Ysgol Fusnes Caerdydd a Gwerth Cymru ym Mehefin a Gorffennaf. Bydd y
rhain yn gyfle i drafod y manteision a’r heriau wrth wneud cais ar y cyd, a
cheir canllawiau ymarferol ynglŷn â chynllunio gwaith caffael, llunio consortia
ac ysgrifennu tendrau.
Mae’r gweithdai, a ariennir gan Ysgol Fusnes
Prifysgol Caerdydd, wedi eu hanelu at dimau caffael a chyflenwyr sydd â
diddordeb mewn gwneud cais fel consortiwm.
Dyma’r manylion a’r lleoliadau:
Dydd Llun 27 Mehefin
10am – 3pm Canolfan Reolaeth Bangor
Dydd Mercher 29 Mehefin 10am -
3pm Holiday Inn, Caerdydd
Dydd Iau 7 Gorffennaf
10am – 3pm Gardd Fotaneg Cymru, Sir Gaerfyrddin
Am fwy
o wybodaeth ac i gofrestru, anfonwch e-bost at Jane
Lynch o’r grŵp llywio Ceisiadau ar y Cyd.
2. Edrych i'r Dyfodol
Er mwyn sicrhau bod y
prynwyr a’r cyflenwyr yn cael cymaint o rybudd â phosibl ymlaen llaw am
ddigwyddiadau'r GCC, rydym wedi creu’r tabl Rhagolwg canlynol. Cysylltwch ag
e-bost y categori perthnasol i gael rhagor o wybodaeth, a chofiwch gadw golwg
ar dudalennau’r GCC ar Twitter a LinkedIn a GwerthwchiGymru i gael cyhoeddiadau
am y digwyddiadau.
Digwyddiadau i Brynwyr
 Am ragor o wybodaeth am y digwyddiadau uchod, cysylltwch â'r blwch
post cyfatebol isod:
Adeiladu a Rheoli
Cyfleusterau
Fflyd a Thrafnidiaeth
Technoleg
Gwybodaeth a Chyfathrebu
Gwasanaethau Pobl
a Chyfleustodau
Y Gwasanaeth Caffael Cenedlaethol
5. Gweithgarwch ar y gweill yn
ôl categori
Mae yna nifer o Hysbysiadau wedi’u rhestru isod. Gofynnir i chi rannu'r
wybodaeth hon gyda chynifer o gyflenwyr â phosibl os ydych yn credu y byddent o
ddiddordeb iddynt.
Os hoffech gael rhagor o wybodaeth, cysylltwch â'r tîm perthnasol drwy e-bost.
 Adeiladu a Rheoli Cyfleusterau
Hysbysiadau Contract
-
Darparu Gwasanaethau Rheoli Cyfleusterau Cam 2 (yn
cynnwys Gwasanaethau Mecanyddol, Cynnal Offer Tân, Gwasanaethau Rheoli Pla
a Chyflenwadau, a Gwasanaethau Diogelwch) – cyflwynwyd 10 Mehefin 2016. Dyddiad
cau ar gyfer ymatebion 7 Gorffennaf 2016.
Hysbysiadau Contract sydd ar Droed
- Prynu
Offer Llaw a Chyfarpar Trydan Bach – i’w gyhoeddi ddiwedd Mehefin 2016.
Y Wybodaeth Ddiweddaraf
- Prynu
Offer Llaw a Chyfarpar Trydan Bach – gofynnir i sefydliadau cwsmeriaid
enwebu cynrychiolwyr sector i helpu i werthuso’r tendrau. Cysylltwch â’r
blwch post isod os oes gennych ddiddordeb.
Cysylltu: NPSConstruction&FM@cymru.gsi.gov.uk
|
Gwasanaethau Corfforaethol a Chymorth Busnes
Hysbysiadau Contract sydd ar Droed
- Fframwaith
Deunydd Ysgrifennu a Phapur Copïwr Cymru Gyfan y Gwasanaeth Caffael
Cenedlaethol – mae data ar ddefnydd cwsmeriaid ar gyfer y tendr yn cael ei
gwblhau a chyflwynir yr hysbysiad contract ddiwedd Mehefin.
Hysbysiadau Dyfarnu Contract sydd ar Droed
- Gwasanaethau
Post a Chludwyr a Chyfarpar yr Ystafell Bost – mae gwerthusiadau wrthi’n
cael eu cwblhau a bydd y fframwaith yn mynd yn fyw ddechrau Gorffennaf.
Y Wybodaeth Ddiweddaraf
- Cyflenwi Dillad Llachar a Chyfarpar Diogelu Personol, Iwnifformau, Dillad Gwaith a
Dillad Hamdden - oherwydd amgylchiadau annisgwyl mae'r cam o ddyfarnu'r fframwaith wedi cael ei dynnu'n ôl. Byddwn yn dechrau ymarfer caffael newydd i sefydlu fframwaith yng nghanol mis Gorffennaf. I sicrhau cyflenwad yn ystod y broses ail-dendro, rydym wedi ymestyn cytundeb presennol Consortiwm Prynu Cymru ar gyfer Cyflenwi Dillad Diogelwch a Chyfarpar Diogelu Personol.
-
Cafodd yr amserlenni eu hadolygu a dyma'r manylion ar gyfer dyddiadau cychwyn a newidiwyd:
- Gwasanaethau Post a Chludwyr a Chyfarpar yr Ystafell Bost - 4 Gorffennaf 2016
- Deunydd Ysgrifennu a Phapur Copïwr - 17 Hydref 2016
Cysylltu: NPSCorporateServices@cymru.gsi.gov.uk
 Fflyd a Thrafnidiaeth
Y Wybodaeth Ddiweddaraf
- Teiars – mae’r Gwasanaeth Caffael Cenedlaethol yn cydlynu mân gystadlaethau cydweithredol, ac mae wedi derbyn adborth cadarnhaol iawn gan gwsmeriaid ynglŷn ag arbedion a wnaed hyd yma. Mae cwsmeriaid wedi adrodd hyd at 5% o arbedion trwy ddefnyddio'r fframwaith. Bydd Cam 1 o’r mân gystadlaethau’n dod i ben ar 30 Mehefin 2016.Os oes unrhyw sefydliad cwsmeriaid heb gadarnhau eto eu bwriad i ddefnyddio’r fframwaith, cysylltwch â’r blwch post isod cyn gynted â phosibl.
- Cardiau Tanwydd – bu i’r Gwasanaeth Caffael Cenedlaethol ymgymryd â Chystadleuaeth Bellach yn erbyn Cytundeb Fframwaith Gwasanaeth Masnachol y Goron ar gyfer Cardiau Tanwydd a Gwasanaethau Cysylltiedig Cyf: RM1027. Mae cwsmeriaid y GCC wedi gweld buddion megis pris 'Platts plus' ar gyfer tanwydd o'i gymharu â phrisiau'r orsaf bwmpio. Mae cwsmeriaid wedi adrodd arbedion ar danwydd o hyd at 4 ceiniog fesul litr ac wedi osgoi costau megis costau trafod, hyd at £1.90 fesul pryniant. Dylai unrhyw gwsmer sy’n dymuno defnyddio’r telerau y cytunwyd arnynt o dan y fân gystadleuaeth gysylltu â’r blwch post isod. Nodwch y bydd grŵp defnyddwyr Cardiau Tanwydd Cymru Gyfan yn cyfarfod ar 28 Mehefin yn Llanfair-ym-Muallt, ac mae croeso i bob cwsmer fod yn bresennol.
- Tanwydd
Hylif - Rydym wrthi’n cynllunio digwyddiad i gwsmeriaid, i esbonio manteision ymddiogelu
rhag chwyddiant cost diesel. Dylai sefydliadau sydd â diddordeb gysylltu â'r
blwch post isod am ragor o wybodaeth.
- Cyn hir byddwn yn cyflwyno arolwg categori, gan roi cyfle i gwsmeriaid roi adborth i ddylanwadu ar Gynllun Gwaith Fflyd yn y dyfodol. Cysylltwch â’r blwch isod am ragor o wybodaeth.
Cysylltu: NPSFleet@cymru.gsi.gov.uk
|
Bwyd
Y Wybodaeth Ddiweddaraf
-
Cafodd yr amserlenni eu hadolygu a dyma'r manylion ar gyfer dyddiadau cychwyn a newidiwyd:
- Brechdanau Parod a
Llenwadau Brechdanau - 4 Gorffennaf 2016
- Cyflenwi Prydau Rhewedig ar
Blât - 4 Gorffennaf 2016
- Diodydd Meddal (gan gynnwys Dŵr), Creision Tatws, Byrbrydau a Melysion - 29 Awst 2016
- Groseriaeth, Bwydydd wedi’u Rhewi a Nwyddau - 17 Hydref 2016
- Bara, Rholiau, Teisennau a Chynnyrch Cysylltiedig - 26 Medi 2016
- Diodydd Alcoholaidd - 26 Medi 2016
- Llestri Arlwyo Tafladwy - 17 Hydref 2016
Cysylltu: NPSFood@cymru.gsi.gov.uk
Technoleg Gwybodaeth a Chyfathrebu
Hysbysiadau Contract sydd ar Droed
- Digido,
Storio a Gwaredu - rydym yn ymgymryd â gwaith ar elfennau cyfreithiol y
fframwaith wrth gefn arfaethedig hwn, gan ddefnyddio System Brynu
Ddynamig.
Hysbysiadau Dyfarnu Contract sydd ar Droed
- Gwasanaethau
Ceblau Strwythuredig – mae’r gwaith gwerthuso wedi ei gwblhau, ac rydym yn
symud ymlaen i’r cam dyfarnu.
Y Wybodaeth Ddiweddaraf
- Gwasanaethau
Sicrwydd Gwybodaeth – yn fuan byddwn yn estyn gwahoddiad drwy’r Grŵp
Fforwm Categori, i wirfoddolwyr gymryd rhan yn y gwaith o werthuso’r
fframwaith hwn. Cysylltwch â’r blwch post isod os ydych yn dymuno cymryd
rhan.
-
Dyfeisiau
Amlswyddogaeth a Gwasanaethau Argraffu a Reolir yn Fewnol - mae holiadur wedi
ei gyflwyno i gasglu gofynion cwsmeriaid. Cynhelir cyfarfod o’r Grŵp
Fforwm Categori ar 14 Gorffennaf 2016 i drafod yr opsiynau isod:
- Contract yn ôl y gofyn oddi ar Fframwaith Gwasanaeth Masnachol y Goron newydd gyda’r bwriad o’i ddyfarnu ddiwedd mis
Hydref 2016; neu
- fod y Gwasanaeth Caffael Cenedlaethol yn sefydlu fframwaith yn benodol
ar gyfer cwsmeriaid o Gymru (yn cynnwys strwythur lotiau posibl)
Cysylltwch â’r blwch post isod os oes gennych ddiddordeb mewn bod yn
bresennol.
-
Cafodd yr amserlenni eu hadolygu a dyma'r manylion ar gyfer dyddiadau cychwyn a newidiwyd:
- Gwasanaethau Sicrwydd Gwybodaeth - 15 Awst 2016
- Digido, Storio a Gwaredu - 15 Awst 2016
Cysylltu: NPSICTCategoryTeam@cymru.gsi.gov.uk
|
Gwasanaethau Pobl a Chyfleustodau
Hysbysiadau Dyfarnu Contract sydd ar Droed
- Darparu
Bagiau Gwaredu Gwastraff – mae’r gwaith gwerthuso bellach wedi ei gwblhau,
ond bu peth oedi oherwydd labordai profi annibynnol trydydd parti. Bydd y
fframwaith yn mynd yn fyw ar yr wythnos yn dechrau 8 Awst 2016.
Y Wybodaeth Ddiweddaraf
- Hyfforddiant Corfforaethol, Gwasanaethau Dysgu a Datblygu –
mae’r tendr hwn yn awr dan werthusiad technegol ac i'w gwblhau ganol mis Gorffennaf
2016. Cynhelir cyfarfod consensws ar 20 Gorffennaf, a rhagwelir y bydd y
fframwaith yn cychwyn ar 1 Medi, 2016.
Cysylltu: NPSPeopleServices&utilities@cymru.gsi.gov.uk
Gwasanaethau Proffesiynol
Hysbysiadau Gwybodaeth Ymlaen Llaw
-
Modelau
Darparu Eraill – cyhoeddwyd 16 Mehefin 2016. Bydd y fframwaith yn cynnig mynediad at gyngor arbenigol a fydd yn helpu sefydliadau gwmpasu a chynnig modelau eraill o ddarparu ystod o wasanaethau.
Hysbysiadau Contract
Y Wybodaeth Ddiweddaraf
- Gwasanaethau
Bargyfreithwyr – rydym ar hyn o bryd yn cynnal ymarferiad ymgynghori
helaeth ar ein dull caffael gyda’r sector cyhoeddus a siambrau
bargyfreithwyr. Rydym yn ddiolchgar am yr adborth gwerthfawr iawn yr ydym
wedi ei dderbyn hyd yma, ac edrychwn ymlaen at adborth pellach yn yr
wythnosau nesaf.
Cysylltu: NPSProfessionalServices@cymru.gsi.gov.uk
|
Os
hoffech ddad-danysgrifio o Newyddion y GCC,
e-bostiwch: Bethan.Williams13@cymru.gsi.gov.uk
|
