Eich Uned Gymorth – Yma i Chi!

Ar hyn o bryd rydym yn brysur yn cynllunio llawer o dudalennau a meysydd cynnwys newydd ar gyfer y wefan er mwyn sicrhau nad oes angen i ymwelwyr fynd i unrhyw le arall - ni yw'r wefan 'Un Stop' ar gyfer newyddion Datblygu Gwledig. Cadwch eich llygaid ar agor am newidiadau sy’n dod yn fuan! Buom hefyd yn brysur fel arfer yn sicrhau ein bod yn parhau i ychwanegu cynnwys diddorol i'r wefan bob dydd, newyddion; astudiaethau achos; a phrosiectau.

Y Cynllun Buddsoddi mewn Busnesau Gwledig – An-Amaethyddiaeth

Mae'r ffenestr gais bellach ar agor tan 20 Awst

Cymorth ariannol ar gyfer busnesau bach sy'n arallgyfeirio i weithgareddau anamaethyddol.

Teithiau Astudio

Mae'r ffenest ymgeisio ar gyfer Teithiau Astudio ar agor tan 30 Gorffennaf 2021

Gall grwpiau o ffermwyr a choedwigwyr cymwys wneud cais am hyd at £3,000 i bob grŵp er mwyn ariannu 50% o gost taith astudio o fewn y DU am gyfnod o hyd at 4 diwrnod.

Sioe Ddigidol Frenhinol Cymru

Roedd y Gymdeithas yn siomedig iawn o gyhoeddi bod rhaid canslo Sioe Frenhinol Cymru 2021 eto oherwydd y pandemig. Ond aeth y Sioe yn Rhithwir. Dyma ddetholiad bach o weminarau.

Derbyniad Brecwast HCC Rhithwir gyda’r Gweinidog Lesley Griffiths a’r Cadeirydd Catherine Smith

Sut mae arferion ffermio yn dylanwadu ar ansawdd bwyta cig eidion

Gweminar ffermio defaid godro

Geni yn ffermwr neu eni ar fferm?

Menter Môn

Yr ardal Datblygu Lleol dan sylw y mis hwn yw Menter Môn sy'n gwasanaethu dwy ardal - Ynys Môn a Gwynedd o dan y ddau Grŵp Gweithredu Lleol - Arloesi Gwynedd Wledig ac Arloesi Môn.
Mae Menter Môn yn gweithio gyda busnesau, cymunedau ac unigolion, i gyflawni prosiectau ystyrlon sy'n defnyddio eu cryfderau ac yn cyfrannu at ddyfodol cynaliadwy.
Prosiectau lleol – ar hyn o bryd mae 69 o brosiectau ar gyfer Ynys Môn a 157 ar gyfer Gwynedd wedi'u rhestru ar dudalennau gwe'r Rhwydwaith Gwledig. Prosiect arbennig o lwyddiannus yw Morlais - prosiect Ynni'r Llanw a ddechreuodd yn fach gyda chyllid LEADER ac sydd bellach wedi symud ymlaen i brosiect ar raddfa fawr sydd wedi sicrhau cyllid gan gynlluniau eraill, mae mes bach LEADER yn tyfu'n goed derw mawr.

Ymadael â’r UE: Adnoddau

Mae’r wybodaeth ddiweddaraf am y modd y gall eich busnes addasu i’r rheolau masnachu newydd ar gael ar wefan Paratoi Cymru, a hefyd ar Porth Cyfnod Pontio’r UE Busnes Cymru. Cofiwch hefyd ymweld â gwefan Pontio sydd bellach yn cynnwys y gwiriwr Brexit a fydd yn rhoi rhestr wedi’i bersonoli o gamau gweithredu ar eich cyfer chi, eich busnes a’ch teulu.